"ഗവ.എൽ പി എസ് ശ്രീകണ്ഠമംഗലം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കോട്ടയം ജില്ലയിലെ കോട്ടയം താലൂക്കിലെ അതിരമ്പുഴ വില്ലേജിൽ അതിരമ്പുഴ പഞ്ചായത്തിൽ ശ്രീകണ്ഠമംഗലം P O യിൽ 21-)0 വാർഡിൽ ഏറ്റുമാനൂർ നിയോജകമണ്ഡലത്തിൽ പാലാ വിദ്യാഭ്യാസ ജില്ലയുടെ കീഴിൽ ഏറ്റുമാനൂർ ഉപ വിദ്യാഭ്യാസ ജില്ലയുടെ കീഴിൽ ശ്രീകണ്ഠമംഗലം പ്രദേശത്ത് നമ്മുടെ ഈ കൊച്ചു സർക്കാർ പള്ളിക്കൂടം സ്ഥിതിചെയ്യുന്നു .അതിരമ്പുഴ പഞ്ചായത്തിലെ 19(ഭാഗികം),20,21,22(ഭാഗികം),വാർഡുകൾ ഉൾപ്പെട്ട മുല്ലപ്പള്ളി ജംഗ്ഷൻ,പനംചുവട്,മലയിൽ പടി, പനയത്തികവല ,കോളനി ജംഗ്ഷൻ,പള്ളിപ്പറമ്പ് ,കുട്ടിമുക്ക് ,കുറ്റിയേൽ കവല ,പുണ്യാളൻ കുന്ന്,ലിസ്യു,ളാപ്പള്ളി മണ്ണാർകുന്ന് ,തുടങ്ങിയ പ്രദേശങ്ങളുൾപ്പെട്ടതാണ് ശ്രീകണ്ഠമംഗലം ഗ്രാമം. 20% ധനികരും 50% ഇടത്തരം കുടുംബങ്ങളും 30% ദരിദ്ര ജന വിഭാഗങ്ങളും ഉൾപ്പെട്ട യാഥാസ്ഥിതികമേൽക്കൈ ഉള്ള പ്രദേശമാണ് ശ്രീകണ്ഠമംഗലം. ജാതീയവും സാമ്പത്തികവുമായ വേർതിരിവുകളും അതിർവരമ്പുകളും നിറഞ്ഞ ജീവിത ശൈലി പൊതുവേ കണ്ടുവരുന്നു. 30%വും അതിൽ താഴെയും വരുന്ന ദരിദ്ര ജന വിഭാഗങ്ങൾ സർക്കാർ സംവിധാനങ്ങളെ ആശ്രയിച്ച് ജീവിക്കുന്നു . നാമ മാത്രമായ വിദ്യാലയങ്ങൾ നാട്ടിൽ പൊതുവേ ഉണ്ടായിരുന്ന കാലത്ത് ഏതാണ്ട് 54 വർഷങ്ങൾക്കു മുൻപാണ്‌ ശ്രീകണ്ഠമംഗലത്ത് ഈ ഗവണ്മെൻറ് LP സ്കൂൾ തുടങ്ങിയത് . 1962 ൽ സ്കൂൾ ആരംഭിക്കുന്നതിനായി സർക്കാർ അനുമതി ലഭിച്ചു.മുഖ്യമന്ത്രിയായിരുന്ന ശ്രീ പട്ടം താണുപിള്ളയും വിദ്യാഭ്യാസ മന്ത്രി ആയിരുന്ന ശ്രീ ഉമ്മർ കോയയും ചേർന്ന സർക്കാരാണ് അനുമതി നൽകിയത് . അങ്ങനെ ശ്രീകണ്ഠമംഗലം നിവാസികളുടെ ചിരകാല സ്വപ്നമായിരുന്ന സർക്കാർ സ്കൂൾ നാടിനു സ്വന്തമായ് .ക്രിസ്ത്യൻ മാനെജ്മെൻറെ് സ്കൂളിൻറെ അംഗീകാരത്തിനു വേണ്ടിയുള്ള പരിശ്രമമാണ് ഈ പ്രദേശത്ത് ഗവ: സ്കൂൾ ആരംഭിക്കുന്നതിന് അവസരമൊരുക്കിയത് . ആദ്യ കാലത്ത് 400ഓളം കുട്ടികളും 14ഓളം അധ്യാപകരും നമുടെ സ്കൂളിൽ ഉണ്ടായിരുന്നു.എന്നാൽ കാലാകാലങ്ങളിൽ വിദ്യാഭ്യാസ മേഖലയിൽ വന്ന വൈകൃത നയങ്ങളും പരിഷ്കാരങ്ങളും പൊതുവേ സർക്കാർ സ്കൂളുകളിൽ നിന്നും ജനങ്ങളെ അകറ്റുകയും സ്വകാര്യ – മാനേജ്‌മെൻറ് സ്കൂളുകളുടെ അതിപ്രസരവും അത്തരം സ്കൂളുകളിൽ കുട്ടികളെ പഠിപ്പിക്കുന്നതിലെ രക്ഷിതാക്കളുടെ മിഥ്യാ ധാരണയും ,പൊതു സമൂഹത്തിനു മുൻപിൽ ഗർവ്കാട്ടാനുള്ള വ്യഗ്രതയും മറ്റ് സർക്കാർ വിദ്യലയങ്ങളിലെന്നപോലെ നമ്മുടെ സ്കൂളിലും കുട്ടികളുടെ എണ്ണത്തിൽ ഗണ്യമായ കുറവുണ്ടാക്കിയിട്ടുണ്ട് .കുട്ടികളുടെ ഈ കുറവ് പരിഹരിക്കനാവശ്യമായ ബോധപൂർവമായ സാമൂഹ്യ ഇടപെടൽ സ്കൂളിൽ ഉണ്ടാക്കിയെടുത്ത്കൊണ്ടിരിക്കുന്നു . സഹാനുഭൂതിയും സാമൂഹ്യ പ്രതിബദ്ധതയും ദേശസ്നേഹവും പ്രായോഗിക പരിജ്ഞാനവും വളർത്തിയെടുക്കുന്ന തരത്തിലുള്ള ബോധപൂർവമായ ഇടപെടലുകളിലൂടെ ലക്ഷണമൊത്ത കുരുന്നുകളേയും തലമുറയേയും വാർത്തെടുക്കുന്ന മൂശയായി സ്കൂളിനെ മാറ്റുവാനുള്ള സമഗ്ര പരിപാടിയും പദ്ധതികളുമാണ് SMCയും അധ്യാപകരും പൊതുസമൂഹവും ഉൾചേർന്ന് നമ്മുടെ സ്കൂളിൽ നടപ്പാക്കിക്കൊണ്ടിരിക്കുന്നത്.