ജി.യു.പി.എസ്. ചീക്കോട്/അക്ഷരവൃക്ഷം/പരിസ്ഥിതി സംരക്ഷണം

പരിസ്ഥിതി സംരക്ഷണം പ്രകൃതി അമ്മയാണ് . അമ്മയെ നാം വൃത്തികേടാക്കരുത്. പരിസ്ഥിതിക്ക് ദോഷകരമായ രീതിയിൽ മനുഷ്യൻ പ്രവർത്തിക്കുന്നത് ലോക നാശത്തിന് കാരണമാകുന്നു. പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് ഓർമിക്കാനുള്ള അവസരമായി 1972 ജൂൺ 5 മുതൽ പരിസ്ഥിതി ദിനം ആചരിച്ച് തുടങ്ങി. മനുഷ്യന്റെ ആരോഗ്യകരമായ ജീവിതത്തിൽ പരിസ്ഥിതി പ്രധാന പങ്ക് വഹിക്കുന്നു . കാരണം അത് മനുഷ്യരുടെ " ഏക ഭവനം" ആണ് . മാത്രമല്ല ഇത് വായു, ഭക്ഷണം എന്നിവ നൽകുന്നു . കൂടാതെ മനുഷ്യന്റ എല്ലാ ആവശ്യങ്ങളും നിറവേറ്റി തരുന്നു. നമ്മുടെ പരിസ്ഥിതിയെ സംരക്ഷിക്കുന്നത് മൂലം ഭൂമിയിലെ ജീവനെ സംരക്ഷിക്കുന്നു , നമ്മൾ ജീവിക്കുന്ന പരിസ്ഥിതിയുടെ ഉത്തരവാദിത്വം നമുക്ക് തന്നെയാണ് . പരിസ്ഥിതി സംരക്ഷിക്കുന്നത് വായു മലിനീകരണവും ഹരിത ഗൃഹ വാതകങ്ങളും കുറക്കുന്നു. അത്രമാത്രം ആഗോള താപനം തടയുകയാണ് നാം ഓരോരുത്തരും ചെയ്യുന്നത് . മലിനീകരണം, കാലാവസ്ഥ വ്യതിയാനം മുതലായവ കാരണം പരിസ്ഥിതി തകർന്നു കൊണ്ടിരിക്കുകയാണ് . നാം വലിച്ചെറിയുന്ന ചപ്പുചവറുകൾ, വാഹനങ്ങളിൽ നിന്നും ഫാക്ടറികളിൽ നിന്നും പുറത്തേക്ക് പോകുന്ന പുക ഇവയൊക്കെ നമ്മുടെ പരിസ്ഥിതിക്ക് വളരെ അധികം ദോഷം ചെയ്യുന്നു . ഒരു പാട് രോഗങ്ങൾ നമുക്ക് വരുന്നതിന് കാരണം നാം തന്നെയാണ്. ഇപ്പോൾ നാം അതിജീവിച്ചു കൊണ്ടിരിക്കുന്ന രോഗമാണ് " കൊറോണ " എല്ലാവരും വീട്ടിലിരിക്കുകയാണ് ഇപ്പോൾ ചെയ്യുന്നത്. അത് കൊണ്ട് തന്നെ പരിസ്ഥിതി മലിനീകരണം കുറഞ്ഞു കൊണ്ടിരിക്കുന്നു. ഒരു പാട് നദികൾ ശുദ്ധമായി ഒഴുകാൻ തുടങ്ങിയിരിക്കുന്നു . നമുക്ക് ശുദ്ധവായു ലഭിക്കുന്നു. ഈ കൊറോണ കാലം ഒരു പേടി സ്വപ്നമാണെങ്കിലും ശുദ്ധമായ പരിസ്ഥിതിയിൽ ജീവിക്കാം എന്നതിൽ സംശയമില്ല. നമ്മുടെ പരിസ്ഥിതിയെയും പ്രകൃതിയേയും സ്നേഹിക്കുകയും സംരക്ഷിക്കുകയും ചെയ്യുക . ഇത് ഒരോ വ്യക്തിയുടെയും കടമയാണ് എന്ന് നമ്മൾ ഓർക്കുക. ' ഫാത്തിമ ദിൽഫാ എൻ 5 A ജി. യു. പി.എസ് ചീക്കോട് കിഴിശ്ശേരി ഉപജില്ല മലപ്പുറം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - MT_1206 തീയ്യതി: 22/ 04/ 2020 >> രചനാവിഭാഗം - ലേഖനം