ജി.എച്ച്.എസ്. എസ്. പട്ള/പ്രവർത്തനങ്ങൾ/2025-26
പ്രവർത്തനങ്ങൾ
SINGLE WINDOW HELP DESK
26/05/2026 ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ പട്ല സ്കൂളിൽ പത്താം തരം പാസായ കുട്ടികൾക്ക് പ്ലസ് വൺ അഡ്മിഷന് വേണ്ടിയുള്ള ഹെൽപ് ഡെസ്ക് ആരംഭിച്ചു.
സർവ്വം എ ഐ മയം ബോധവൽക്കരണ ക്ലാസ്
20/05/2026 : ലിറ്റിൽ കൈറ്റ്സ് വിദ്യാർത്ഥികൾ സ്കൂളിലെ 95 രക്ഷിതാക്കൾക്ക് എ ഐ ബോധവൽക്കരണ ക്ലാസ് സംഘടിപ്പിച്ചു. സ്കൂൾ ഹെഡ് മിസ്ട്രസ് ശ്രീമതി ഖദീജ ഐ സ്വാഗതം പറയുകയും പിടിഎ പ്രസിഡൻറ് ശ്രീ അബൂബക്കർ അധ്യക്ഷത വഹിക്കുകയും ചെയ്ത ചടങ്ങ് വാർഡ് മെമ്പർ ശ്രീ മജീദ് ഉദ്ഘാടനം നിർവഹിച്ചു
ഇക്കോ ക്ലബ് പെൻ ഡ്രോപ്പ് ബോക്സ് പദ്ധതി
പരിസ്ഥിതി സംരക്ഷണവും പുനരുപയോഗവും ലക്ഷ്യമാക്കി ജി.എച്ച്.എസ്.എസ് പട്ല ഇക്കോ ക്ലബ് പെൻ ഡ്രോപ്പ് ബോക്സ് പദ്ധതി നടപ്പാക്കി. ഉപയോഗശൂന്യമായ പേനകൾ ശേഖരിക്കുന്നതിനായി സ്കൂൾ പരിസരത്ത് പെൻ ഡ്രോപ്പ് ബോക്സ് സ്ഥാപിച്ചു. ശേഖരിച്ച പേനകൾ പുതിയ ഉൽപ്പന്നങ്ങൾ നിർമ്മിക്കുന്നതിനായി ഉപയോഗപ്പെടുത്തും. ഇതിലൂടെ പ്ലാസ്റ്റിക് മാലിന്യങ്ങൾ കുറയ്ക്കുന്നതിനോടൊപ്പം വിദ്യാർത്ഥികൾക്ക് ഇക്കോസെൻസ് സ്കോളർഷിപ്പ് ലഭിക്കുന്നതിനും പദ്ധതി ലക്ഷ്യമിടുന്നു. ഇത് വിദ്യാർത്ഥികളിൽ പരിസ്ഥിതി ബോധവും സാമൂഹിക ഉത്തരവാദിത്വവും വളർത്തുന്നതിൽ വിജയകരമായി.
