2024 -25 അക്കാദമിക വർഷത്തെ പ്രവർത്തനങ്ങളെ സമ്പുഷ്ടമാക്കുന്നതിനായി അധ്യാപക സംഗമം എന്റെ വിദ്യാലയം എന്റെ അഭിമാനം എന്ന പേരിൽ ഏപ്രിൽ 30 ന് സംഘടിപ്പിച്ചു .പ്രഥമാധ്യാപകൻ സ്റ്റുവർട്ട് ഹാരീസിന്റെ നേതൃത്വത്തിൽ സംഘടിപ്പിച്ച സംമത്തിൽ അധ്യാപകരെല്ലാപേരും പങ്കെടുത്തു. മുൻ വർഷത്തെ മികച്ച പ്രവർത്തനങ്ങൾ , തികച്ചും പരാജയമായ പ്രവർത്തനങ്ങൾ എന്നിവ അധ്യാപകർ അവതരിപ്പിച്ചു. ഒാരോ പ്രവർത്തനവും നടപ്പിലാക്കുമ്പോൾ എടുക്കേണ്ടതായ മുൻകരുതലുകൾ ചർച്ചചെയ്തു. തുടർന്ന് വിദ്യാലയം നടപ്പിലാക്കിയ അക്കാദമിക , ഭൗതീക , സാമൂഹിക പ്രവർത്തനങ്ങൾ ചർച്ച ചെയ്തു . വിദ്യാലയം ഒരു സാമൂഹിക പഠനകേന്ദ്രമാണെന്നും വിദ്യാലയം മികവാർന്ന രീതിയിൽ പ്രവർത്തിക്കുന്നതിന് പൊതു സമൂഹത്തിന്റെ സഹായം അത്യന്താപേക്ഷിതമാണെന്നും ബോധ്യപ്പെടുത്തി. തുടർന്ന് അടുത്ത അക്കാദമിക വർഷത്തിൽ നടപ്പിലാക്കേണ്ട പ്രവർത്തനങ്ങൾ അധ്യാപകർ അവതരിപ്പിച്ചു .അവതരിപ്പിച്ച പരിപാടികളിൽ നിന്നും താഴെ പറയുന്നവ നടപ്പിലാക്കാൻ തീരുമാനിച്ചു.
തുടർന്ന് അക്കാദമിക മാസ്റ്റർപ്ലാൻ സംബന്ധമായ ചർച്ച നടന്നു. ഒാരോ വിഷയത്തിലും നടപ്പിലാക്കേണ്ട പ്രവർത്തനങ്ങൾ അധ്യാപകർ അവതരിപ്പിച്ചു. അക്കാദമിക മാസ്റ്റർ പ്ലാൻ തയ്യാറാക്കുന്നതിന് രേഖ , കവിത്രാരാജൻ എന്നിവർക്കു ചുമതല നൽകി . വാർഷിക കലണ്ടർ തയ്യാറാക്കുന്നതിന് കവിത്രാരാജന് ചുമതല നൽകി . അടുത്ത വർഷത്തെ ക്ലാസ് ചാർജ് , ചുമതലകൾ എന്നിവ പ്രഥമാധ്യാപകൻ അവതരിപ്പിച്ചു. 2024-25 അക്കാദമിക വർഷം ഏറ്റവും മികവുറ്റതാക്കി മാറ്റാം എന്ന പ്രതിജ്ഞയോടെ അധ്യാപക സംഗമം അവസാനിച്ചു.