ഗവ.എച്ച്.എ.യു.പി.എസ്. വിഴിഞ്ഞം/സൗകര്യങ്ങൾ

വിഴിഞ്ഞം തെക്കുംഭാഗം മുസ്ലിം ജമാഅത്ത് 1970- കളിൽ കേരള സർക്കാരിന് ഇഷ്ടദാനം നൽകിയ അൻപത് സെന്റ് ഭൂമിയിലാണ് ആദ്യം സ്കൂൾ സ്ഥിതി ചെയ്‌തിരുന്നത്‌ . സ്കൂളിന്റെ വികസനത്തിനായി ഹാർബർ ഡിപ്പാർട്മെന്റിന്റെ അൻപത് സെന്റ് ഭൂമി നൽകുന്നതിനുള്ള സർക്കാർ നടപടികൾ വർഷങ്ങളായി തുടർന്നുകൊണ്ടിരുന്നു. പ്രസ്തുത ആവശ്യം 2024 ജനുവരി 12 ന് തിരുവനന്തപുരം ജില്ലാ കളക്ടറുടെ ഉത്തരവിനാൽ സ്കൂളിന്റെ വികസനപ്രവർത്തികൾക്കായി അനുവദിച്ചുകിട്ടി.അതിനാൽ ഇപ്പോൾ സ്കൂൾ ഒരു ഏക്കർ വിസ്തൃതിയുള്ള കോമ്പൗണ്ട് ആയി മാറിയിട്ടുണ്ട് .

സ്കൂളിന്റെ ക്യാമ്പസ് ഒരു വിദൂരകാഴ്ച്ച
വിഴിഞ്ഞം ഗവർമെന്റ് ഏരിയ എൽ .പി .സ്കൂളിന്റെ പ്രവേശന കവാടത്തിനു മുൻപിലെ കടൽത്തീരത്തെ കാഴ്ച്ച ,
വിഴിഞ്ഞം ഗവർമെന്റ് ഏരിയ എൽ .പി .സ്കൂളിന്റെ പ്രവേശന കവാടത്തിനു മുൻപിലെ ലൈറ്റ് ഹൊസ്സിൽ നിന്നും കോവളം കടൽത്തീരത്തെ കാഴ്ച്ച
വിഴിഞ്ഞം ഹാർബർ

സ്കൂളിന്റെ പ്രത്യേകതകൾ

1.എൽ. കെ. ജി മുതൽ നാലാംക്ലാസ് വരെയുള്ള പഠന സൗകര്യമാണ് സ്കൂൾ സ്ഥാപിച്ചത് മുതൽ നീണ്ട അൻപത്തിയഞ്ചു വർഷം ലഭ്യമായിരുന്നത് .വർഷങ്ങളായി സ്കൂളിനെ അപ്ഗ്രേഡ് ചെയ്യാനുള്ള പരിശ്രമങ്ങൾ നടന്നിരുന്നു. 2025 മെയ് മാസത്തിൽ പ്രസ്തുത പരിശ്രമങ്ങൾക്ക് കേരള സർക്കാർ പച്ചക്കൊടി കാട്ടിയതോടെ 2025 ജൂൺ മുതൽ ഒന്ന് മുതൽ ഏഴ്വരെയുളള അപ്പർ പ്രൈമറി സ്കൂൾ ആയിട്ടാണ് ഹാർബർ സ്കൂൾ പ്രവർത്തിക്കുന്നത്.

ഗവർമെന്റ് ഹാർബർ ഏരിയ സ്കൂളിലെ ക്ലാസ് മുറികൾ

2. ഏകദേശം ഇരുപതിനായിരം സ്ക്വയർ ഫീറ്റ് വിസ്തൃതിയിലുള്ള മൂന്നു ഇരുനില കോൺഗ്രീറ്റ് കെട്ടിടങ്ങളിലും, രണ്ടു ചെറിയ കോൺഗ്രീറ്റ് ബിൽഡിങ്ങുകളിലുമാണ്‌ സ്കൂൾ പ്രവർത്തിച്ചു വരുന്നത്.

ഓഫീസും ഓഡിറ്റോറിയവും
എൽ.പി.വിഭാഗം പ്രവർത്തിക്കുന്ന കെട്ടിടം
യു.പി. വിഭാഗം പ്രവർത്തിക്കുന്ന കെട്ടിടം

3. 24 മണിക്കൂറും സി. സി..ടി. വി. നിരീക്ഷണത്തിലുള്ള സുരക്ഷിതമായ അച്ചടക്കം ഉറപ്പു നൽകുന്ന സ്കൂൾ ക്യാമ്പസ്. 4.സ്മാർട്ട് ക്ളാസ്സ്‌റൂമുകൾ, ക്ലാസ്സ്‌ലൈബ്രറി,മികച്ച സ്കൂൾ ലൈബ്രറി, കമ്പ്യൂട്ടർ റൂം, സ്റ്റോർ റൂം,രണ്ടായിരത്തി അഞ്ഞൂറ് സ്ക്വയർഫീറ്റ് വിസ്തൃതിയുള്ള ഒരു സ്വതന്ത്രവും വിശാലാവുമായ ഭക്ഷണഹാൾ, അഞ്ഞൂറോളം പേർക്ക് ഒരു സമയത്ത് ഇരിക്കാവുന്ന അസംബ്ളി ഹാൾ ,16 ക്‌ളാസ്സ്‌ മുറികളും തുടങ്ങി ഇത്രയും സൗകര്യങ്ങൾ അവകാശപ്പെടാവുന്ന, ജില്ലയിലെ തന്നെ ചുരുക്കം സർക്കാർ UPസ്കൂളുകളിൽ ഒന്നാണ് ഇത്.

സ്മാർട്ട് ക്ലാസ് റൂം
കമ്പ്യൂട്ടർ ലാബ്
ഡൈനിങ് ഹാൾ
അസംബ്ലി

5.എൽ. കെ. ജി മുതൽ നാലാംക്ലാസ് വരെയുള്ള മുഴുവൻ കുട്ടികൾക്കും യൂണിഫോം, പഠനോപകരണങ്ങൾ, ഓണം, ക്രിസ്തുമസ്, റമദാൻ ഫെസ്റ്റിവൽ കിറ്റുകൾ തികച്ചും സൗജന്യമായി വർഷങ്ങളായി നൽകിവരുന്നു.

കുട്ടികൾ സൗജന്യ പഠനോപകരണങ്ങളുമായി

>

6.ഭിന്നശേഷി സൗഹൃദ വിദ്യാലയമെന്ന് കർമ്മം കൊണ്ട് തെളിയിച്ച സ്കൂൾ അന്തരീക്ഷം .

7.കലാകായിക, പ്രവർത്തി പരിചയ മേളകൾക്ക് പ്രത്യേക പരിശീലനം.

8.എൽ. എസ്‌. എസ്‌. പോലെയുള്ള സ്‌കോളർഷിപ്പ് പരീക്ഷകൾക്ക് പ്രത്യേക പരിശീലന ക്ലാസുകൾ.

9.മലയാളം, ഇംഗ്ലീഷ്, അറബിക്, ഹിന്ദി, എന്നീ ഭാഷകളിലുള്ള സംസാരം എഴുത്തു എന്നിവക്ക് പ്രത്യേക പരിശീലനവും പൊതുവിജ്ഞാനം വർധിപ്പിക്കുവാൻ പ്രത്യേക ക്വിസ് മത്സരങ്ങളും പരിശീലനവും. മാസംതോറുമുള്ള ക്ലാസ്സ്‌പരീക്ഷകളും, ക്ലാസ് പി. ടി. എ. കളും, വഴി രക്ഷിതാക്കളുമായി നിരന്തരസമ്പർക്കം.

10.സ്കൂളിന്റെ രണ്ടു കിലോമീറ്റർ അകലേക്കുവരെ എല്ലാ റൂട്ടിലേക്കും സ്കൂൾബസ്, വാഹന സൗകര്യം

സ്കൂൾബസ്സ്
സ്കൂൾ വാൻ

11.അഞ്ചു കെട്ടിടങ്ങളിലായി വിശാലമായ സൗകര്യങ്ങളുള്ള ശുചിമുറികൾ, സ്പോർട്സ് റൂം, സ്വതന്ത്ര കിച്ചൺ, സ്കൂളിന് തൊട്ടടുത്ത ഏകദേശം ഒരു ഏക്കർ വിശാലതയുള്ള പൊതുമൈതാനം, തുടങ്ങിയവ എല്ലാം സ്കൂളിന് ലഭ്യമായ സൗകര്യങ്ങളാണ്

വിദ്യാർത്ഥികൾ ഒഴിവുസമയം ചിലവഴിക്കുന്ന കളിസ്ഥലം
ശൗച്യാലയം
സ്കൂൾ അടുക്കള