പരിസ്ഥിതി ചിന്തകളുടെ മാറ്റ് വർദ്ധിപ്പിച്ച പരിസ്ഥിതി ദിനമായിരുന്നു ജൂൺ 5. അടച്ചിരിപ്പ് കാലമായതിനാൽ കുടുംബസമേതം, പരിസ്ഥിതിയെ കൂടുതൽ പരിപാലിക്കാൻ കുട്ടികൾക്ക് കഴിഞ്ഞു. വൃക്ഷങ്ങൾ വച്ചുപിടിപ്പിച്ചതിൻ്റെയും, ചെടികൾ പരിപാലിക്കുന്നതിന്റെയും ഫോട്ടോയും വീഡിയോകളും കുട്ടികൾ അയച്ചു തന്നു. ചിത്രരചന, പോസ്റ്റർ എന്നിവ തയാറാക്കി ഗ്രൂപ്പുകളിൽ ഷെയർ ചെയ്തു. പരിസ്ഥിതിഗാനാലാപന വീഡിയോകളടക്കം സ്കൂൾ യൂടൂബിൽ അപ്ലോഡ് ചെയ്യുകയുണ്ടായി.
ഒക്ടോബർ 2 - ഗാന്ധിജയന്തി ദിനത്തിൽ ഓൺലൈൻ അസംബ്ലി സംഘടിപ്പിച്ചു. ഗാന്ധിയൻ ആദർശങ്ങളുടെ പ്രചരണാർത്ഥം, കുട്ടികൾ വൃക്ഷത്തൈകൾ നടുകയും, ഗാന്ധി,കസ്തൂർബാ, എന്നിവരുടെ വേഷമണിഞ്ഞ ഫോട്ടോ, വീഡിയോ എന്നിവ പങ്കുവച്ചു.വീടും പരിസരവും വൃത്തിയാക്കി.ഗാന്ധി കവിതകൾ ആലപിച്ചു. ഗാന്ധിജിയുടെ ജീവിതമുഹൂർത്തങ്ങൾ ഉൾക്കൊള്ളുന്ന ആൽബം നിർമ്മിച്ചു. ഗാന്ധി ദർശൻ, സോഷ്യൽ സയൻസ് ക്ലബ് ഇവയുടെ ആഭിമുഖ്യത്തിൽ ഗാന്ധി ക്വിസ്സ് സംഘടിപ്പിച്ചു.