ഗവൺമെന്റ് എൽ .പി .എസ്സ് കാരംവേലി/അക്ഷരവൃക്ഷം/കേരളകുട്ടന്റെ ശുചിത്വ മന്ത്രം.

കേരളകുട്ടന്റെ ശുചിത്വമന്ത്രം. ഒരിടത്ത് വുഹാൻ എന്നൊരു കുട്ടിയുണ്ടായിരുന്നു. പക്ഷികളോടും മൃഗങ്ങളോടും കളിച്ചു നടന്ന അവൻ ഒരിക്കൽ കൊറോണ രാക്ഷസന്റെ പിടിയിൽപ്പെട്ടു. വുഹാനെ മാത്രമല്ല അവന്റെ കൂട്ടുകാരെയും ബന്ധുക്കളെയും എല്ലാരേയും രാക്ഷസൻ അവന്റെ ചങ്ങലയ്ക്കുള്ളിലാക്കി ഞെക്കി കൊന്നൊടുക്കി. ലോകം മുഴുവൻ അവന്റെ പിടിയിലായി. ലോകം മുഴുവൻ അവനെ പേടിച്ച് കതകടച്ചിരിപ്പായി . അങ്ങനെ ഇരിക്കെ ഒരു ദിവസം കേരള കുട്ടന്റെ ഭാരതവീടും കൊറോണ രാക്ഷസന്റെ പിടിയിലായി. എല്ലാവർക്കും പേടിയായി , എന്നാൽ ആപത്തിൽ പേടിക്കാതെ കേരളക്കുട്ടൻ രക്ഷപ്പെടാനുള്ള വഴി ആലോചിച്ചു - അപ്പോൾ അവന് ടീച്ചറമ്മയുടെ വാക്കുകൾ ഓർമ്മ വന്നു. 'ശുചിത്വം കൊണ്ട് മാത്രമേ രാക്ഷസന്റെ ചങ്ങല പൊട്ടിക്കാനാകൂ.' അവൻ അത് പാലിക്കാൻ തുടങ്ങി. തുമ്മുമ്പോളും ചുമയ്ക്കുമ്പോളും തൂവാലയോ, മാസ് കോ ഉപയോഗിക്കുന്നതും കൈകൾ സോപ്പിട്ടു കഴുക്കുന്നതും ശീലമാക്കി. വൈകാതെ കേരളക്കുട്ടനു കൊറോണ രാക്ഷസന്റെ ചങ്ങല പൊട്ടിക്കാനായി. കേരളക്കുട്ടന്റെ ശുചിത്വ മന്ത്രം എല്ലാരും ഏറ്റെടുത്തു. വൈകാതെ ചങ്ങല മുറിച്ച് എല്ലാവരും രക്ഷപ്പെട്ടു .രാക്ഷസൻ ചത്തും പോയി. അതോടെ പരിസ്ഥിതി ശുദ്ധ വായുവും വെള്ളവും കൊണ്ട് നിറഞ്ഞു. എല്ലാവരും ജീവൻ രക്ഷിച്ച കേരളക്കുട്ടനോട് നന്ദി പറയുകയും അഭിനന്ദിക്കുകയും ചെയ്തു. കേരളക്കുട്ടനാകട്ടെ തന്നെ രക്ഷപ്പെടാൻ സഹായിച്ച ടീച്ചറമ്മയോടും ഡോക്ടർ അങ്കിളിനോടും സിസ്റ്ററാൻറിയോടും അവരുടെ സ്നേഹത്തിനും കരുതലിനും നന്ദി പറഞ്ഞ് സുഖമായി ജീവിച്ചു. ശ്രാവൺ ചന്ദ് 1 എ ഗവ. എൽപിഎസ് , കാരംവേലി കോഴഞ്ചേരി ഉപജില്ല പത്തനംതിട്ട അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - pcsupriya തീയ്യതി: 23/ 04/ 2020 >> രചനാവിഭാഗം - കഥ