സഹായം Reading Problems? Click here


ഔവർ ലേഡീ ഓഫ് ഫാത്തിമ ഗേൾസ് എച്ച്.എസ്. കുമ്പളങ്ങി/അക്ഷരവൃക്ഷം/ഓർമയിലെ വാക

Schoolwiki സംരംഭത്തിൽ നിന്ന്
Jump to navigation Jump to search
ഓർമയിലെ വാക
                                                                                                                                                             ചിറകൊടിഞ്ഞാടുന്ന വാകമരത്തിൻ
                                                                                                                                                             ചുടുരൿതമൊഴുകിയ പാതകളിലൂടെ
                                                                                                                                                            പോയ വസന്തത്തിൻ ഉൾനാമ്പ് തേടി
                                                                                                                                                                 പാറിയടുത്തൊരീ കുഞ്ഞു പക്ഷി
                                                                                                                                                             നിന്റെയീ ജീവനും മാംസവും മജ്ജയും
                                                                                                                                                              ആവില്ലെനിക്കിനി തിരിയെതരാൻ
                                                                                                                                                          മഴുകോണ്ടരിഞ്ഞൊരീ നിന്റെയീ ചില്ലകൾ
                                                                                                                                                            ചായുന്നു, കരയുന്നു നിന്നെയോർത്ത്
                                                                                                                                                            രോഷത്തിന്നലയായ് മുഴങ്ങുമീ കാറ്റോ
                                                                                                                                                              ഒരു വട്ടമെങ്കിലും നിന്നിലലിയാൻ
                                                                                                                                                              അവസരം തേടിയലയടിച്ചൊഴുകി
                                                                                                                                                                      നിൻ കാലിണയിൽ
                                                                                                                                                               നീ മൊഴിയുമീ മൗനത്തിൽ പിന്നിൽ
                                                                                                                                                            നിറം കെട്ടു പോയ ചില്ലകൾക്കു നടുവ്ൽ
                                                                                                                                                         സാക്ഷിയായ് നിൽക്കുന്നു ഞാൻ മൂകയായി
                                                                                                                                                               ചൊല്ലുവാനില്ല നിന്റെയീ നോവുകൾ
                                                                                                                                                                 കാണുവാനോയിവിടെയാരുമില്ല
                                                                                                                                                         നിനക്കായ് ഉയർത്തുവാൻ ശബ്‍ദമില്ലിവിടെ
                                                                                                                                                            നിന്റെയീ നിലവിളിയാരു കേൾക്കാൻ?
                                                                                                                                                          നിന്നെ ചീന്തിയെറിഞ്ഞൊരാ കൈകൾ 
                                                                                                                                                                  വികസനം തേടി യാത്രയായി
                                                                                                                                                                 തിമിരം മൂടിയ കണ്ണുകൾ നിന്നെ
                                                                                                                                                               മഴുവിന്നിരയാക്കി പോയിടുമ്പോൾ
                                                                                                                                                         മൂക സാക്ഷിയായ് നിൽക്കുവാൻ മാത്രമേ
                                                                                                                                                                 യോഗമുള്ളൂ എൻ ജൻമ പാപം
                                                                                                                                                       ഇന്നു നീ മറയുന്നു വിരഹത്തിൻ നോവുമായ്
                                                                                                                                                                        അകലുമീ വേളയിൽ
                                                                                                                                                                         പോയ പേമാരിതൻ
                                                                                                                                                                         നീർക്കണ്ണിലിന്നിതാ 
                                                                                                                                                            പൊഴിക്കുവാൻ ഒരു തുള്ളി നീരുമില്ല
                                                                                                                                                                 ഓർമയായ് മാറുന്ന വാകയുടെ
                                                                                                                                                         അവസാന ബാഷ്‍പവും ചോർന്നു പോയി.
അഞ്ജലി കൃഷ്‍ണ കെ.ആർ.
പത്ത്-എ ഔവർ ലേഡീ ഓഫ് ഫാത്തിമ ജി എച്ച്.എസ്. കുമ്പളങ്ങി
മട്ടാഞ്ചേരി ഉപജില്ല
എറണാകുളം
അക്ഷരവൃക്ഷം പദ്ധതി, 2020
കവിത


 സാങ്കേതിക പരിശോധന - Anilkb തീയ്യതി: 15/ 04/ 2020 >> രചനാവിഭാഗം - കവിത