എം.കെ.എ.എം.എച്ച്.എസ്സ്,പല്ലന/അക്ഷരവൃക്ഷം/ ജൈവികം (കവിത)

ജൈവികം ജൈവികം  ലോകമേ നിൻ്റെ കുതിർന്ന ചേതന  ഏതിരുൾ ചക്രത്തിലരഞ്ഞു തീരുന്നു ?  നൂറ്റാണ്ടുകൾ കൊണ്ട് കന്യയാംനിന്നെ  മോഹക്കതിർ നാട്ടിയുഴുത മർത്ത്യൻ  ജീവനത്തിൻ്റെ ചെറുഞാണൊലി കൊണ്ടേ മാല്യം ചാർത്തി പുലർന്നിരുന്നു.  നിൻ്റെ ഹൃദയ കൂപത്തിൻ്റ തടവിലാഴങ്ങളിൽ  ശുദ്ധിതൻ നീർത്തടമെഴുന്ന സ്വപ്നത്തിൽ ദുരയുടെ വിഷധാര കൊണ്ടു പൂജിച്ചവർ അമലാ ,നിൻ ത്യാഗത്തെ മേഘമാക്കി  ! കാടിരമ്പിക്കൊണ്ടുണർന്ന യാമങ്ങളിൽ നാടതിൻ പല്ലുകൾ രാകിയൊരുക്കവേ, നിണ മൊരേനിണവുമായ് കലഹിച്ചക്കുരു - ക്ഷേത്രമായ് നടുങ്ങി യുർവ്വിതൻ ചേതന. ലോകമേ നീ വന്നു മൃതയായ് കിടക്കുന്ന 'ഭൂപട' തലത്തിൻ്റെ മുറിവുകൾ മൂടുവാൻ മോക്ഷമാം മരീചിക കാട്ടി ഭ്രമിപ്പിച്ച മത മത്സരത്തിൻ്റെയടവിനെ വെല്ലുവാൻ. ത്രാസുകൾ പേറുന്ന ശാസ്ത്രമാം ദേവത കൺകെട്ടഴിച്ചു നിൻ ദ ഈ കാണുവാൻ , ചിന്താതിരേകം പുകഞ്ഞ മസ്തിഷ്കത്തി' - നന്തരാളങ്ങളിൽ ബോധം ജനിക്കുവാൻ സ്ഥലകാലഭേദങ്ങൾ, മൊഴിവഴക്കങ്ങൾ , രൂപലാവണ്യത്തിനളവു പാത്രങ്ങൾ, വേരുകൾ തേടുന്ന വംശശാസ്ത്രങ്ങൾ എല്ലാമിടിഞ്ഞു വീണാദിയിൽ വാണൊരാ ജീവോദയത്തിൻ്റെ ഗരിമ വേണം !   അഖില എൻ 9 D എം.കെ.എ.എം.എച്ച്.എസ്.എസ്. പല്ലന അമ്പലപ്പുഴ ഉപജില്ല ആലപ്പുഴ അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sachingnair തീയ്യതി: 20/ 04/ 2020 >> രചനാവിഭാഗം - കവിത