ഉപയോക്താവ്:Stmichaelsgirlshs

സെന്റ് മൈക്കിൾസ് ഗേൾസ് ഹയർ സെക്കണ്ടറി സ്‌കൂൾ വെസ്റ്റ്ഹിൽ (St.Michael's Girls H S S, Westhill)

പൊതുവിദ്യാലയ സംരക്ഷണ യജ്ഞം

സംസ്ഥാനത്തെ പൊതുവിദ്യാലയങ്ങൾ മികവിന്റെ കേന്ദ്രങ്ങളാക്കുക എന്ന ലക്ഷ്യം ആവിഷ്കരിച്ചു നടപ്പിലാക്കാനുള്ള സംസ്ഥാന സർക്കാരിന്റെ ശ്രമത്തിൽ പങ്കുചേർന്ന്കൊണ്ട് സെന്റ് മൈക്കിൾസ് സ്കൂളും വിദ്യാലയ സംരക്ഷണയജ്ഞത്തിന് 2017 ജനുവരി 27-ാംതിയ്യതി തു‍ടക്കം കുറിച്ചു. രാവിലെ 9 മണിക്ക് സ്ക്കൂളിൽ പൊതുവായ അസംബ്ലി നടത്തി. ശ്രീമതി ചിത്രലേഖ ടീച്ചർ ഇന്നത്തെ ദിനത്തിന്റെ പ്രാധാന്യത്തെപറ്റി വിശദീകരിച്ചു. അതിനുശേഷം സ്ക്കൂളിൽ ഗ്രീൻ പ്രോട്ടോക്കോൾ നടപ്പാക്കുന്നത് സംബന്ധിച്ചുള്ള പൊതുവിദ്യാഭ്യാസ ഡയറക്ടറുടെ സർക്കുലർ ഹെഡ്മിസ്ട്രസ് സിസ്റ്റർ ജെസ്സിയമ്മ സെബാസ്റ്റ്യൻ വായിച്ച് വിശദീകരിച്ചു. പൊതുവിദ്യാലയ സംരക്ഷണത്തിന്റെ പ്രാധാന്യം അറിയിക്കുന്ന നോട്ടീസ് വിതരണം നടത്തിയത് പ്രകാരം വന്ന്ചേർന്ന രക്ഷിതാക്കളും, ബഹുജനങ്ങളും, പൂർവ്വവിദ്യാർത്ഥികളും അടക്കം ഏകദേശം നൂറോളം പേർ രാവിലെ 10മണിക്ക് സ്കൂളിൽ എത്തി. അവർ സ്കൂൾ കോമ്പൗണ്ടിലെ പ്ലാസ്റ്റിക്കും മറ്റും ശേഖരിച്ച് ചാക്കിലാക്കുകയും നീക്കം ചെയ്യുന്നതിനുള്ള ഏർപ്പാടുകൾ ചെയ്യുകയും ചെയ്തു. 11 മണിക്ക് ഈ സംഘം ബഹുമാനപ്പെട്ട മേയർ ശ്രീ.തോട്ടത്തിൽ രവീന്ദ്രന്റെയും , പ്രൻസിപ്പാൾ സിസ്റ്റർ ഷീലമ്മ സെബാസ്റ്റ്യന്റേയും നേതൃത്വത്തിൽ സ്കൂളിന് ചുറ്റും വലയം സൃഷ്ടിച്ച് വിദ്യാഭ്യാസ വകുപ്പ് ആവിഷ്കരിച്ച പ്രതിജ്ഞ ഏറ്റുചൊല്ലുകയും ചെയ്തു. ഏകദേശം 11.15 ന് പരിപാടികൾ അവസാനിപ്പിച്ച് എല്ലാരും പിരിഞ്ഞു.