മാതാ എച്ച് എസ് മണ്ണംപേട്ട/പ്രവർത്തനങ്ങൾ/REPORT 2020-21,2021-22
| സ്കൂളിനെക്കുറിച്ച് | സൗകര്യങ്ങൾ | പ്രവർത്തനങ്ങൾ | ഹൈസ്കൂൾ | ചരിത്രം | അംഗീകാരങ്ങൾ |
ഈ വർഷം സ്കൂളിൽ നിന്നു റിട്ടയർ ചെയ്യുന്ന എൽസി ടീച്ചർ,ജോളി ടീച്ചർ,പുഷ്‍പ്പം ടീച്ചർ എന്നിവർക്ക് ആശംസകളും നേരുന്നു.
-
എൽസി ടീച്ചർ
-
ജോളി ടീച്ചർ
-
പുഷ്‍പ്പം ടീച്ചർ
ജെ.ആർ.സി.സൊസൈറ്റി2020-21പ്രവർത്തനങ്ങൾ
1) ജെ.ആർ.സി.സൊസൈറ്റിയുടെ ആഭിമുഖ്യത്തിൽ " മാസ്ക്ക് ചാലഞ്ച് " നടത്തി. എല്ലാ 36 ജെ.ആർ.സി.കുട്ടികളും 10 മാസ്ക് വീതം നിർമ്മിച്ച് ചേർപ്പ് ഉപജില്ലാ കോഡിനേറ്റർക്ക് നൽകി. 2. പറവകൾക്കൊരു പാനപാത്രം എന്ന പദ്ധതി ജെ.ആർ.സി. വിദ്യാർത്ഥികൾ മാർച്ച് മാസം നടത്തി. വേനൽക്കാലത്ത് കിളികൾക്ക് ഒരു പാത്രം വെള്ളം മരത്തിൻ മേൽ കെട്ടി തൂക്കി വയ്ക്കുന്ന പദ്ധതി നടപ്പാക്കി. 2021 പ്രവർത്തനങ്ങൾ 1) ഈ വർഷം ജൂൺ 5 ന് എന്റെ മരം എന്ന പദ്ധതി നടപ്പാക്കി . ഓരോ മാസവും ആ മരത്തിന്റെ വളർച്ച എഴുതി വയ്ക്കാനുള്ള ഷീറ്റ് കുട്ടികൾക്ക് നൽകി. 2) കൊറോണക്ക് ശേഷം സ്കൂൾ തുറന്ന നവംബർ 1 ന് ജെ.ആർ.സി. കുട്ടികൾ വോളൻറ്റിയർ ആയി നല്ല പ്രവർത്തനം കാഴ്ച വച്ചു. 3) ജനുവരി 4 സ്കൂൾ ആനിവേഴ്സറിക്ക് ജെ.ആർ.സി. കുട്ടികൾ സ്തു്ത്യർഹമായ സേവനം കാഴ്ചവച്ചു.
ഇംഗ്ലീഷ് ക്ലബ്ബ്
കൊറോണ മൂലം ഓൺലെെൻ വായനവാരം നടത്തി. 2021 ഈ അധ്യയന വർഷത്തിൽ തൃശൂർ ഡയറ്റിന്റെ ആഭിമുഖ്യത്തിൽ സ്കൂളുകളിൽ ഇംഗ്ലീഷ് ഫെസ്റ്റ് നടത്തി എന്ന പരിപാടി നടത്തി. സ്കൂൾ തലത്തിൽ തെരഞ്ഞെടുക്കപ്പെട്ട കുട്ടികളെ ചേർപ്പ് ഉപജില്ലയിൽ ഓൺലെെൻ മത്സരത്തിനു അയച്ചു. ആ മത്സരത്തിൽ ഐറിൻ എന്ന കുട്ടിക്ക് സോളിലോക്യു ഇനത്തിൽ മൂന്നാം സമ്മാനം ലഭിച്ചു. വായനാ വാരത്തിൽ കുട്ടികൾ ധാരാളം പരിപാടികൾ ഇംഗ്ലീഷിൽ അവതരിപ്പിച്ചു. ഇംഗ്ലീഷ് ന്യൂസ് റീഡ്ങ്ങ് ,പോയം റസിറ്റേഷൻ, ബുക്ക് റിവ്യു, പ്രസംഗം എന്നിവ അവതരിപ്പിച്ചു.
സോഷ്യൽ സയൻസ് ക്ലബ് റിപ്പോർട്ട് 2020
ജൂൺ മാസത്തിൽ ഓൺലൈൻ ക്ലാസ് ആരംഭിച്ചതിനു ശേഷം സോഷ്യൽ സയൻസ് ക്ലബ് ഉദ്ഘാടനം ചെയ്തു. എല്ലാ സോഷ്യൽ സയൻസ് അധ്യാപകരും സോഷ്യൽ സയൻസിൽ താൽപര്യമുള്ള കുട്ടികളേയും അതിൽ ഉൾപ്പെടുത്തി. സോഷ്യൽ സയൻസ് ദിനാചരണവുമായി ബന്ധപ്പെട്ട് ക്വിസ് മത്സരങ്ങളും പോസ്റ്റർ നിർമ്മാണത്തവും നടത്തി. ഉദാഹരണം; ഹിരോഷിമ നാഗസാക്കി ദിനം, യു എൻ ദിനം. സ്വാതന്ത്ര്യ ദിനവുമായി ബന്ധപ്പെട്ട് ദേശഭക്തി ഗാന മത്സരം, പ്രസംഗ മത്സരം എന്നിവ നടത്തി.
സയൻസ് ക്ലബ് റിപ്പോർട്ട്
2021 അധ്യയന വർഷത്തിൽ ജൂണിൽ സയൻസ് ക്ലബ് ഉദ്ഘാടനം ചെയ്തു. ശാസ്ത്രരംഗം 2021 ന്റെ നേതൃത്വത്തിൽ സ്റ്റിൽ മോഡൽ, വർക്കിംഗ്‌ മോഡൽ, ജീവചരിത്ര കുറിപ്പ് മത്സരങ്ങൾ നടത്തി. ചാന്ദ്രദിനത്തോടനുബന്ധിച്ചു പോസ്റ്റർ മത്സരം, ക്വിസ് മത്സരം എന്നിവ നടത്തി.സ്കൂളിൽ ശാസ്ത്ര ക്വിസിൽ വിജയിച്ച അനുമിത ഇ കൊടകര ബി ആർ സി നടത്തിയ ക്വിസ് പ്രോഗ്രാമിൽ രണ്ടാം സ്ഥാനം കരസ്ഥമാക്കി.വിവിധ ദിനാ ചരണങ്ങളുമായി ബന്ധപ്പെട്ട ലഘുലേഖനം, കുറിപ്പ് എന്നിവ കുട്ടികൾക്ക് അയച്ചുകൊടുത്തു. 2020 അധ്യയന വർഷത്തിൽ ജൂണിൽ ഓൺലൈൻ ആയി സയൻസ് ക്ലബ് ഉദ്ഘാടനം ചെയ്തു. സയൻസ് ക്ലബ്ബിന്റെ ആഭിമുഖ്യത്തിൽ ഓൺലൈൻ ആയി പോസ്റ്റർ നിർമ്മാണം, വർക്കിംഗ്‌ മോഡൽ, സ്റ്റിൽ മോഡൽ മത്സരങ്ങൾ നടത്തി വിജയികളെ പ്രഖ്യാപിച്ചു. ചാന്ദ്രദിനത്തോടനുബന്ധിച്ച് പോസ്റ്റർ മത്സരം നടത്തി ജെസ്‍വിൻ ഷെെജനെ വിജയിയായി പ്രഖ്യാപിച്ചു. വിവിധ കുട്ടികൾ നടത്തിയ പ്രവർത്തനങ്ങൾ ഏകോപിപ്പിച്ചു ഒരു വീഡിയോ പുറത്തിറക്കി.
ശാസ്ത്ര ക്ലബ്ബ്
ശാസ്ത്ര ക്ലബ്ബിൻറെ ആഭിമുഖ്യത്തിൽ പരീക്ഷണങ്ങൾ, നിരീക്ഷണ കുറിപ്പ് എന്നിവ തയ്യാറാക്കി. നവംബർ 12 രണ്ട് പക്ഷിനിരീക്ഷണ ദിവസത്തോടെ അനുബന്ധിച്ച് പക്ഷികളെ നിരീക്ഷിക്കൽ,കൂടുകൾ നിരീക്ഷിച്ച് ഫോട്ടോ, വീഡിയോ പ്രദർശനം നടത്തി. ശാസ്ത്ര ക്വിസ് ഓൺലൈനായി നടത്തി. പോസ്റ്റർ മത്സരങ്ങൾ, പ്രസംഗം എന്നീ പ്രവർത്തനങ്ങൾ ശാസ്ത്ര വിഷയവുമായി ബന്ധപ്പെട്ട് നടത്തുകയുണ്ടായി. ആഗസ്റ്റ് 15 സ്വാതന്ത്ര്യ ദിനത്തോടനുബന്ധിച്ച് പ്രസംഗം, പോസ്റ്റർ, ക്വിസ് എന്നിവയുടെ മത്സരം നടത്തി.കൂടാതെ ഗാന്ധി ജയന്തിയോടനുബന്ധിച്ച് ഗാന്ധി , ഫാൻസി , പ്രസംഗ മത്സരം, ഗാന്ധി ഗാനങ്ങൾ തുടങ്ങിയവയും നടത്തുകയുണ്ടായി.
വായന ക്ലബ്ബ്
മലയാളത്തിളക്കം പദ്ധതിയുടെ ഭാഗമായി അക്ഷര കാർഡുകൾ ഉപയോഗിച്ച് വായന അഭ്യസിക്കുന്നതിനായി പരിശീലനം നൽകി. കുട്ടികളുടെ വായനയെ പ്രോത്സാഹിപ്പിക്കുന്നതിനായി വീടുകളിൽ തന്നെ വായന ലൈബ്രറി ഒരുക്കുകയും അമ്മ വായനയെ പ്രോത്സാഹിപ്പിക്കുകയും ചെയ്തു. വായന കാർഡുകൾ കൊടുത്ത് കുട്ടികളുടെ വായനയെ മെച്ചപ്പെടുത്തി. കൂടാതെ കഥാപുസ്തകങ്ങൾ, വായന സാമഗ്രികൾ എന്നിവ നൽകുകയും വായന കുറിപ്പ് എഴുതി അവതരിപ്പിക്കുകയും ചെയ്തു.മികച്ച വായനകുറുപ്പിന് സമ്മാനം നൽകി. മികച്ച വായനയെ കണ്ടെത്തി ആസ്വാദനക്കുറിപ്പ്, ഇഷ്ട കഥാപാത്രങ്ങൾ തുടങ്ങിയ പ്രവർത്തനങ്ങൾ ഇതോടൊപ്പം ചെയ്യുകയുണ്ടായി. കൂടാതെ ഓൺലൈൻ പഠന സമയത്ത് വായനപോസ്റ്റർ തയ്യാറാക്കി.
വിദ്യാരംഗം കലാസാഹിത്യവേദി
വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ ജൂൺ 5ന് പരിസ്ഥിതി ദിനാചരണത്തിന്റെ ഭാഗമായി പരിസ്ഥിതി കവിതകൾ ശേഖരിച്ചു. ജൂൺ 19ന് വായനപക്ഷാചരണത്തോടനുബന്ധിച്ച് വായനദിന സന്ദേശം നമുക്ക് നൽകിയത് പ്രശസ്ത സാഹിത്യകാരിയും ഓടക്കുഴൽ അവാർഡ് ജേതാവുമായ ശ്രീമതി. സാറാ ജോസഫ് ആയിരുന്നു. വായനദിന പോസ്റ്ററുകൾ വായനകുറിപ്പുകൾ സാഹിത്യ ക്വിസ് പുസ്തകപരിചയം എന്നിവ തയ്യാറാക്കി. ഓഗസ്റ്റ് 15ന് സ്വാതന്ത്ര്യ ദിന കവിതകൾ അവതരിപ്പിച്ചു. നവംബർ 1 കേരളപ്പിറവിയോടനുബന്ധിച്ച് കേരള ചരിത്രം തയ്യാറാക്കി വീഡിയോ പ്രദർശനം നടത്തി. ബഷീർ ദിനത്തോടനുബന്ധിച്ച് അദ്ദേഹത്തിന്റെ ഭാഷാശൈലി, പ്രധാന കഥാപാത്രങ്ങൾ എന്നിവയെ പറ്റി ഒരു ലേഖനം അവതരിപ്പിച്ചു.
ഇക്കോ ക്ലബ്ബ് പ്രവർത്തനങ്ങൾ
ജൂൺ 5 ലോക പരിസ്ഥിതി ദിനത്തോട് അനുബന്ധിച്ച് 2021- 22 അധ്യയന വർഷത്തിലെ ഇക്കോ ക്ലബിന്റെ ഔദ്യോഗിക ഉദ്ഘാടനം നടത്തി. ഓൺലൈൻ ആയിട്ടാണ് ഉദ്ഘാടനം സംഘടിപ്പിച്ചത്. നമ്മൾ എങ്ങനെ പ്രകൃതിയെ സ്നേഹിക്കണം , സംരക്ഷിക്കണം എന്നതിനെക്കുറിച്ച് ഒരു സെമിനാർ നടത്തി. കുട്ടികളോട് വീടിന് ചുറ്റുമുള്ള പ്ലാസ്റ്റിക് മാലിന്യങ്ങൾ ശരിയായ രീതിയിൽ സംസ്ക്കരിക്കാനുള്ള നിർദ്ദേശം നൽകി. ജൂൺ 5 ന് വാട്സപ്പിൽ ചെടി നടാതെ നിങ്ങളുടെ വീട്ടിൽ സൗകര്യപ്രദമായ സ്ഥലത്ത് ചെടി നടാൻ നിർദ്ദേശം നൽകി.
സംസ്കൃതം ക്ലബ്
മാതാ എച്ച് എസ് ന്റെ കലാപാരമ്പര്യത്തിന് ഒരു പൊൻതൂവൽ കൂടി ദേവ് ലാഗ് പ്രൊഡക്ഷൻസിൻ്റെ ബാനറിൽ ഡോ. നിധീഷ് ഗോപി സംവിധാനം ചെയ്ത "പ്രതികൃതി" എന്ന പ്രഥമ സംസ്കൃത വാണിജ്യ സിനിമയിൽ മാത എച്ച് എസ് ന്റെ സംസ്കൃത നാടക സംഘത്തിന്റെ നിറസാന്നിധ്യം ശ്രദ്ധേയമാകുന്നു. സിനിമയിലെ കേന്ദ്രകഥാപാത്രത്തെ അവതരിപ്പിച്ച സംസ്കൃതാധ്യാപകൻ പ്രസാദ് മാസ്റ്ററും,നായികയായി അഭിനയിച്ച നമ്മുടെ പൂർവ്വവിദ്യാർത്ഥിനി ചിന്മയി രവിയും നമ്മുടെ സിനിമാ പ്രവർത്തനങ്ങൾക്ക് ഒരു മുതൽകൂട്ടാണ്,ഇവിടുത്തെ വിദ്യാർത്ഥികളായിരുന്ന മഹിത് പി എം ,മോഹിത് പി എം എന്നിവരും സിനിമയിൽ വളരെ ശ്രദ്ധിക്കപ്പെട്ടു.
ഇക്കോ ക്ലബ്ബ്
കൃഷി പ്രോത്സാഹിപ്പിക്കുന്നതിന്റെ ഭാഗമായി സ്കൂളിൽ ഗ്രോബാഗുകളിൽ പച്ചക്കറി കൃഷി നടത്തുന്നു. ഉച്ചഭക്ഷണത്തിനായി ഏകദേശം അറുന്നൂറോളം കുട്ടികൾ ഉണ്ട് . അവർക്കായി നല്ല ഇനം പച്ചക്കറികൾ ലഭ്യമാക്കുന്നതിന് നൂറോളം ഗ്രോബാഗുകളിലാണ് കൃഷി നടത്തുന്നത്.തക്കാളി,മുളക്,കാബേജ്, കോളിഫ്ലവർ എന്നിവയാണ് പ്രധാനമായും കൃഷി ചെയ്യുന്നത്. അതിന്റെ പ്രവർത്തനങ്ങൾക്ക് ചുക്കാൻ പിടിക്കുന്നത് ഇക്കോ ക്ലബ്ബിന്റെ ചുമതലയുള്ള ബീന ടീച്ചർ ആണ്. എട്ട്,ഒമ്പത് ക്ലാസുകളിലെ കുട്ടികളാണ് ഇതിലെ അംഗങ്ങൾ ആയിട്ടുള്ളത് വളരെ ഉത്സാഹത്തോടുകൂടിയാണ് അവരീ പ്രവർത്തനങ്ങളിൽ ഏർപ്പെടുന്നത്.
പ്രെെമറി വിഭാഗം
പ്രവേശനോത്സവം
പ്രവേശനോത്സവത്തോടനുബന്ധിച്ച് വർണ്ണക്കടലാസുകളാൽ ക്ലാസുകൾ അലങ്കരിച്ചു അധ്യാപകരുടെ നേതൃത്വത്തിൽ കുട്ടികളെ വരവേറ്റു. കുട്ടികളുടെ കലാപരിപാടികൾ, പ്രവേശനോത്സവ കിറ്റ് വിതരണവും ഉണ്ടായിരുന്നു. ഏവർക്കും മധുരപലഹാരം വിതരണം ചെയ്യുകയും ചെയ്തു.
പരിസ്ഥിതിദിനാചരണം
എല്ലാ വർഷവും ജൂൺ അഞ്ചിന് ആചരിക്കുന്നു ഇതോടനുബന്ധിച്ച് വൃക്ഷത്തൈ വിതരണം എന്റെ മരം നടൽ അതിന്റെ വീഡിയോ ഫോട്ടോ അത് ഗ്രൂപ്പുകളിൽ പ്രദർശിപ്പിക്കുന്നു. മരത്തെക്കുറിച്ച് 2 മിനിറ്റിൽ കവിയാത്ത വീഡിയോ എടുത്ത് ഏറ്റവും നന്നായി അവതരിപ്പിക്കുന്ന വരെ കണ്ടെത്തി പ്രോത്സാഹിപ്പിക്കുന്നു. പച്ചക്കറി വിത്തുകൾ കൊടുത്തു കൃഷിയുടെ ബാലപാഠങ്ങൾ അഭ്യസിപ്പിക്കുകയും പ്രകൃതിയോടിണങ്ങി ജീവിക്കേണ്ടതിന്റെ ആവശ്യകത മനസ്സിലാക്കി കൊടുക്കുകയും ചെയ്യുന്നു.
ഗണിത ക്ലബ്ബ്
കുട്ടികളിലെ ശേഖരണ വായന പ്രോത്സാഹിപ്പിക്കുന്നതിനും സർഗ്ഗാത്മകത, യുക്തിബോധം, നിർമാണപ്രവർത്തനം, ഗണിത ശേഷി വികസനം വർദ്ധിപ്പിക്കുന്നതിനും സഹായകരമാകുന്ന രീതിയിൽ ഗണിത ക്ലബ്ബ് രൂപീകരിച്ച പ്രവർത്തനങ്ങൾ സംഘടിപ്പിച്ചു. വീട്ടിലും ക്ലാസ് മുറിയിലും ഗണിതലാബ് ക്രമപ്പെടുത്തി. രാവിലെ ഉപയോഗിച്ച ഗണിത കേളികൾ നടത്തി കുട്ടികളിൽ ഗണിത അഭിരുചി വളർത്തുന്നതിനു സഹായിക്കുന്നു.
ഹെൽത്ത് ക്ലബ്
കുട്ടികളിലെ ആരോഗ്യകരമായ വളർച്ചയ്ക്കും വികാസത്തിനും ഉതകുന്ന പ്രവർത്തനങ്ങൾ ഏകോപിപ്പിച്ച് ഹെൽത്ത് ക്ലബ്ബ് രൂപീകരിക്കുകയും വ്യായാമം, ഗെയിംസ്, യോഗ പ്രവർത്തനങ്ങൾ ഇതിന്റെ ഭാഗമായി നൽകി. സ്കൂളിലെ ചിൽഡ്രൻസ് പാർക്ക്, മൾട്ടി പർപ്പസ് കോർട്ട് ഉപയോഗിച്ച് കായിക പരിശീലനം നൽകുകയും ചെയ്തു.സമൃദ്ധമായ ഉച്ച ഭക്ഷണം കൂടാതെ പാൽ, മുട്ട തുടങ്ങിയവയും കുട്ടികൾക്ക് നൽകിവരുന്നു ദിവസവും ഒരു മണിക്കൂർ കായികവിനോദങ്ങൾക്കു വേണ്ടി കുട്ടികൾക്ക് സമയം അനുവദിക്കുന്നു.
ഹലോ ഇംഗ്ലീഷ്
സമഗ്ര ശിക്ഷ കേരളത്തിന്റെ ആഭിമുഖ്യത്തിൽ പൊതു വിദ്യാലയത്തിലെ ഇംഗ്ലീഷ് പഠനം കാര്യക്ഷമമാക്കാൻ ആവിഷ്കരിച്ച പദ്ധതിയാണ് ഹലോ ഇംഗ്ലീഷ്. ഇംഗ്ലീഷ് പഠനം രസകരവും അനായാസവും ആക്കാനുള്ള വിവിധതരം പഠനപ്രവർത്തനങ്ങൾ ഇതിൽ ഉൾക്കൊള്ളിച്ചിരിക്കുന്നു. ആക്ടിവിറ്റി ബേസ്ഡ് ക്ലാസ് റൂം ലൈവ് ആകാൻ ഉപയുക്തം ആയിരുന്നു. ഇംഗ്ലീഷ് ഭാഷാ ശേഷികൾ വികസിപ്പിക്കുന്നതിനും കമ്മ്യൂണിക്കേറ്റീവ് ഇംഗ്ലീഷ് മെച്ചപ്പെടുത്തുന്നതിനും ഇംഗ്ലീഷ് പഠനം ആസ്വാദ്യകരമാക്കാനും പദ്ധതി സഹായമായി.
ബാലസഭ
ബാലസഭയുടെ നേതൃത്വത്തിൽ ചിൽഡ്രൻസ് ഡേ, ഓണം സെലിബ്രേഷൻ, ആർട്സ് ഡേ സെലിബ്രേഷൻ, ആനിവേഴ്സറി സെലിബ്രേഷൻ തുടങ്ങിയവയോട് അനുബന്ധിച്ച് വിവിധ കലാപരിപാടികൾ സംഘടിപ്പിച്ചു. ഓൺലൈൻ- ഓഫ്‌ലൈൻ മത്സരങ്ങളും സംഘടിപ്പിച്ചു. കുട്ടികളിൽ ക്രിയേറ്റിവിറ്റി വളർത്തുന്നതിന് നൃത്ത മത്സരങ്ങൾ, കാർഡ് നിർമ്മാണം, ക്രാഫ്റ്റ് എന്നിവയും ഗാർഡനിങ്ങ് എന്നിവയും നടത്തി. ചിത്രീകരണം യൂട്യൂബ് ചാനൽ വഴി പ്രദർശിപ്പിക്കുകയും ചെയ്തു.
വായന ചങ്ങാത്തം
കുട്ടികളുടെ വായനയെ പ്രോത്സാഹിപ്പിക്കുന്നതിനായി 2022,മാർച്ച് നാലാം തീയതി വായന ചങ്ങാത്തം എന്ന പരിപാടി സ്കൂളിൽ നടത്തി. സ്കൂളിലെ തന്നെ മലയാളം അധ്യാപികയായ ശ്രീമതി ബിന്ദു ടീച്ചർ ആണ് പരിപാടി ഉദ്ഘാടനം ചെയ്തത്..അധ്യക്ഷപ്രസംഗം ശ്രീ. ജോബി വഞ്ചിപ്പുര, ശ്രീമതി.മഞ്ജു സജി, ശ്രീ. തോമസ് മാസ്റ്റർ, ശ്രീമതി. ജോളി ടീച്ചർ എന്നിവർ ഈ പരിപാടിയിൽ ആശംസകളും നൽകി. വായനയുമായി ബന്ധപ്പെട്ട് കുട്ടികൾ നടത്തിയ കലാപരിപാടികളും ഇന്നേ ദിവസം നടത്തുകയുണ്ടായി. കുട്ടികളെ പുസ്തകവായന പരിചയപ്പെടുത്തുകയും നല്ല പുസ്തകങ്ങളാണ് നല്ല കൂട്ടുകാർ എന്ന് ഓർമ്മപ്പെടുത്തുകയും ചെയ്തു. അവരവർ വായിച്ച പുസ്തകങ്ങൾ ഓരോരുത്തരും പരിചയപ്പെടുത്തി. കുട്ടികൾക്ക് പുസ്തകം വായിക്കാനും വായിച്ചു മനസ്സിലാക്കാനും വായിച്ചുകൊണ്ട് വളരാനുമുള്ള നല്ലൊരു പ്രചോദനം നൽകി ഈ മീറ്ററിങ്ങ്.
ചിത്രശാല
 |
 |
 |
 |
 |
 |
 |
 |
 |
 |
 |
 |
 |