ദൗത്യം

ഫാത്തിമാബി മെമ്മോറിയൽ ഹയർ സെക്കണ്ടറി സ്ക്കൂളിലെ ഹരിത വിദ്യാലയം എന്ന തലത്തിലേക്ക് ഉയർത്തുക

മുദ്രാവാക്യം

നമ്മുടെ പരിസ്ഥിതി നമ്മുടെ ഉത്തരവാദിത്വം

സന്ദേശം

ഭൂമി നമുക്ക് പൈതൃകമായി ലഭിച്ചതല്ല. നമ്മുടെ കുട്ടികളിൽ നിന്നും കടം എടുത്തതാണ്

2018-19 അധ്യയന വർഷത്തിലെ പ്രവർത്തനങ്ങൾ

2018 ജ‌ൂൺ 19 - പരിസ്ഥിതി ദിനാഘോഷം

പരിസ്ഥിതി ദിനത്തിന്റെ ആവശ്യകത കുട്ടികളിൽ എത്തിക്കുന്നതിന്റെ ഭാഗമായി ഹെഡ്മാസ്റ്റർ ശ്രീ നിയാസ് ചോല സർ കുട്ടികൾക്ക് വൃക്ഷത്തൈകൾ വിതരണം ചെയ്യുകയും അത് സംരക്ഷിക്കുന്നതിന്റെ ആവശ്യകത ബോധ്യപ്പെടുത്തുകയും ചെയ്തു. നമ്മുടെ പരിസ്ഥിതിയുടെ സംരക്ഷകരാകേണ്ടത് നാം തന്നെയാണ്. പരിസ്ഥിതി സംരക്ഷണം നമ്മുടെ കടമതന്നെയാണ് എന്ന ബോദ്ധ്യം കുട്ടികളിൽ ഉളനാക്കുന്നതിനായി അദ്ധ്യാപകരുടെ നേതൃത്വത്തിൽ പ്ലക്കാർഡുകളുമേന്തി ഒരു റാലി നടത്തുകയുണ്ടായി. ക്ലാസ്സിൽ പരിസ്ഥിതിയുമായി ബന്ധപ്പെട്ടു CHART തയ്യാറാക്കൽ , വായുമലിനീകരണവുമായി ബന്ധപ്പെടുത്തി ഒരു ഫിലിം ഷോ നടത്തി. ക്ലബ്ബിലെ കൂട്ടുകാർ പരിസ്ഥിതി ഗാനം ഏറ്റുപാടി. ശ്രീ ഹാഷിംകുട്ടി പ്രസ്തുത ദിനത്തിന്റെ സന്ദേശം അസംബ്ളിയിൽ വച്ചു നൽകി.

2018 ജൂലൈ:28 -പ്രകൃതി സംരക്ഷണ ദിനം

ക്ലബ്ബിലെ കൂട്ടുകാർ എക്സിബിഷൻ സംഘടിപ്പിച്ചു . പ്ലാസ്റ്റിക് വിമുക്ത എക്സിബിഷൻ ആയിരുന്നു .കുട്ടികൾക്കു കിട്ടിയ തുണി ഉപയോഗിച്ചു അവർ തുണിസഞ്ചി തൈപ്പിച്ചുകൊണ്ട് വന്നത് എക്സിബിഷനിൽ വളരെ ശ്രദ്ദേയമായി.എക്സിബിഷൻ മറ്റു കുട്ടികളക്ക് കാണുന്ന വിധത്തിൽ സജ്ജമാക്കിയിരുന്നു. കൂടാതെ ക്ലബ്ബിലെ കുട്ടികൾ തന്നെ ഓരോ ക്ലാസ്സിലും കയറി പ്ലാസ്റ്റിക്കിന്റെ ഭവിഷ്യത്തിനെ കുറിച്ച് ബോധവത്കരണം നടത്തി.

പൊന്നിൻ ചിങ്ങപ്പിറവിയിൽ ജൈവപച്ചക്കറി കൃഷിയുമായി കൂമ്പാറ സ്കൂൾ

വയലേലകളിലൊക്കെയും സ്വർണപ്പൂങ്കുലകൾ പോലെ നെന്മണികൾ വിളഞ്ഞു നിന്ന ഒരു കാലം ഉണ്ടായിരുന്നു. കൊയ്‌ത്തുൽസവങ്ങൾ പതിവായിരുന്ന ഒരു പഴയകാലം. കൃഷിയിടങ്ങൾ നികത്തപ്പെട്ടിട്ടും നെന്മണികൾ കാണാക്കനിയായിട്ടും നമ്മുടെ തീൻമേശയിൽ വിഭവങ്ങൾക്ക് പഞ്ഞമില്ല. അന്യസംസ്ഥാനങ്ങളിൽ നിന്നെത്തുന്ന നിലവാരം കുറഞ്ഞ, വിഷമയമായ ഭക്ഷണസാധനങ്ങൾ കഴിച്ച് മലയാളികൾ രോഗികളായി മാറുന്ന ഈ സാഹചര്യത്തിൽ ജൈവകൃഷിക്ക് പ്രാധാന്യം ഏറി വരുന്നു. ഫാത്തിമാബി ഹൈസ്കൂൾ ചിങ്ങം-1 കർഷകദിനമായി ആചരിച്ചതോടൊപ്പം ജൈവകൃഷിപദ്ധതിക്കും തുടക്കമിട്ടു. നമ്മുടെ സംസ്ക്കാരത്തെയും, പാരമ്പര്യത്തെയും സംരക്ഷിക്കുകയെന്ന അവബോധം പുതുതലമുറയ്ക്ക് പകർന്നു കൊടുക്കുക എന്ന ലക്ഷ്യത്തോടെ ജൈവപച്ചക്കറികളായ തക്കാളി, വെണ്ട, പയർ, വഴുതന, ചീര, പച്ചമുളക് തുടങ്ങി വിവിധതരത്തിലുള്ള പച്ചക്കറിത്തൈകൾ 100 ഗ്രോ ബാഗുകളിലും, നിലത്തുമായി അധ്യാപകരും കുട്ടികളും ചേർന്ന് നട്ടു. സ്കൂളിന്റെ ഭക്ഷ്യസുരക്ഷ ഉറപ്പുവരുത്തുക എന്ന മഹത്തായ ഉദ്യമത്തിന്റെ ഉദ്ഘാടനകർമ്മം ഹെഡ് മാസ്റ്റർ നിയാസ് ചോല നിർഹിച്ചു. സ്കൂൾ വളപ്പിൽ കൃഷി ചെയ്യുന്ന പച്ചക്കറികൾ കുട്ടികളുടെ ഉച്ചഭക്ഷണത്തിനായി ഉപയോഗിക്കുന്നു. ഇക്കോ ക്ലബ്‌ കണ്വീനറായ ശ്രീമതി ഗീത മനക്കൽ , മറ്റ് അധ്യാപകർ, അനധ്യാപകർ, വിദ്യാർത്ഥികൾ തുടങ്ങിയവർ ഇതിൽ പങ്കുചേർന്നു . കൃഷി ഒരു തൊഴിൽ മാത്രമല്ല അതൊരു സംസ്കാരവും കൂടിയാണെന്ന തിരിച്ചറിവ് നേടാൻ ഈ പ്രവർത്തനത്തിലൂടെ സാധിച്ചു എന്നത് അഭിമാനകരമാണ്.

സ്കൂൾ വളപ്പിലെ ജൈവവൈവിദ്ധ്യം

കൃഷിയെ പ്രാണനായും ജീവിതോപാധിയായും കരുതിയിരുന്ന ഒരു തലമുറ ഇവിടെ നിലനിന്നിരുന്നു. മണ്ണിനേയും മക്കളെയും ഒരുപോലെ സ്നേഹിച്ചിരുന്ന അവർക്ക് കൃഷി ഒരു വരുമാന മാർഗ്ഗം മാത്രമായിരുന്നില്ല. എന്നാൽ ഇന്ന് സ്ഥിതി അതല്ല. ഈ സാഹചര്യത്തിലാണ് കൂമ്പാറ ഫാത്തിമാബി ഹൈസ്കൂളിലെ കുട്ടികൾ പലതരം കാർഷി‍ക പ്രവർത്താനങ്ങളിലൂടെ സ്കൂൾ വളപ്പിൽ ജൈവവൈവിദ്ധ്യം ഒരുക്കാൻ ശ്രമിക്കുന്നത്. മണ്ണിന്റെ സ്വാഭാവികത നിലനിർത്തിക്കൊണ്ട് രാസവളങ്ങളോ കീടനാശിനികളോ ഉപയോഗിക്കാതെ തികച്ചും ജൈവരീതിയിലുള്ള കൃഷിയാണ് നടപ്പിലാക്കുന്നത്. അതിനായി അവർ വാഴകൃഷി, ശലഭോദ്യാനം, ഔഷധസസ്യത്തോട്ടം, ടെറസ് കൃഷി എന്നിങ്ങനെ സ്കൂൾ വളപ്പിൽ ജൈവവൈവിദ്ധ്യം ഒതുക്കാൻ ശ്രമിച്ചു വരുന്നു. പരിസ്ഥിതി അതിന്റെ മനോഹാരിതയിൽ സംരക്ഷിക്കണം എന്ന സന്ദേശമാണ് ഇതിലൂടെ കുട്ടികൾ സമൂഹത്തിന് നല്കുന്നത്.

ജൈവവൈവിദ്യ പാർക്ക്

സ്ക്കൂൾ ഇന്റർനാഷണൽ ലെവലിലേക്ക് ഉയർത്തുന്നതിന്റെ ഭാഗമായി 2014 - 15 പല നവീകരണ പ്രവർത്തനങ്ങളും നടത്തിയതിനൊപ്പം സ്കൂളിന്റെ മുൻവശത്ത് സുന്ദരമായ പൂന്തോട്ടം നിർമ്മിച്ചിട്ടുണ്ട്. ഏകദേശം 50ഇനങ്ങളിൽ പെട്ട ചെടികൾ ഇതിലുണ്ട്. ഫലവൃക്ഷങ്ങൾ, പൂചെടികൾ, വള്ളിച്ചെടികൾ, ഔഷധ സസ്യങ്ങൾ എന്നിവ മാത്രമല്ല ഒരു കുഞ്ഞു തടാകത്തിൽ അലങ്കാര മത്സ്യത്തേയും ഇവിടെ സംരക്ഷിച്ചു പോരുന്നു. പൂന്തോട്ടത്തിൽ ദിവസേന എത്തിച്ചേരുന്ന കുഞ്ഞു പക്ഷികളും പൂമ്പാറ്റകളും തേനീച്ചകളും മറ്റും കണ്ണിനും മനസ്സിനും വളരെ സന്തോഷം പകരുന്നു. ഇതിനോടൊപ്പം സ്ക്കൂളിന്റെ പിറക് വശത്തായ് സർക്കാറിൽ നിന്നും ലഭിച്ച ഫണ്ട് ഉപയോഗിച്ച് സീഡ് ക്ലബ്ബിന്റെ നേതൃത്ത്വത്തിൽ ഒരു പാർക്ക് നിർമ്മിച്ചിട്ടുണ്ട്. ഇതിന്റെ ലക്ഷ്യം താഴെ പറയുന്നവയാണ് ജൈവ വൈവിദ്യമെന്നാൽ എന്ത്, എന്തിന്, എങ്ങനെ എന്ന് കുട്ടികളടങ്ങുന്ന സമൂഹത്തെ ബോധവത്കരിക്കുക വളരെ പരിമിതമായ സ്ഥലത്ത് വിവിധയിനം പക്ഷിലദാധികളെയും ജീവികളേയും ഒരുമിച്ച് താമസിപ്പിക്കാമെന്നതിന് മാതൃകയാക്കുക പരിമിതമായ സ്ഥലത്ത് ഒരു പാർക്ക് നിർമിക്കുമ്പോൾ ഉപയോഗിക്കാവുന്ന, താഴെ പറയുന്ന മാർഗങ്ങൾ പരിചയപ്പെടുത്തുക

മൾച്ചിംഗ് (പുതയിടുക)

വെർട്ടിക്കൽ ഗാർഡൻ

ടവർ ഗാർഡൻ

അപ് സൈക്ക്ലിംഗ് ഓഫ് പ്ലാസ്റ്റിക്

ഫേർട്ടിഗേഷൻ

വിവിധയിനം തുള്ളിനന

ഹാഗിംഗ് ഗാർഡൻ

പാർക്കിന്റെ ഭാഗമായ് പൂമ്പാറ്റകളെ ആകർഷിക്കുന്നതിനും അവക്ക് വംശവർദ്ധനവിന് സഹായിക്കുന്നതിനുമായിട്ടള്ള ഒരു ബട്ടർഫ്ലൈ ഗാർഡൻ നിർമ്മിച്ചിട്ടുണ്ട്. ഇത് പൂമ്പാറ്റകളെയും തേനീച്ചകളേയും പോലുള്ള ജീവികൾ മാനവരാശിയുടെ നിലനിൽപ്പിന് എത്രത്തോളം ആവശ്യമാണെന്ന് മനസ്സിലാക്കിക്കൊടുക്കുക എന്ന ലക്ഷ്യത്തോടെയാണ്.കുട്ടികളടങ്ങുന്ന സമൂഹത്തിന് ഈ വക പ്രവർത്തനങ്ങൾക്ക് അവസരം നൽകുക എന്ന ലക്ഷ്യവുമുണ്ട്.ബട്ടർഫ്ലൈ ഗാർഡനിൽ സ്ഥാപിച്ചിട്ടുള്ള ബട്ടർഫ്ലൈ പഡ്ലിംഗ് പോഡ് അതിനു ചുറ്റും സ്ഥാപിക്കാൻ നിശ്ചയിച്ചിരിക്കുന്ന ഇല്ലിവേലി എന്നിവ കുട്ടികൾക്ക് പുതിയ അനുഭവമായിരിക്കും

ജൈവ വൈവിദ്യ പാർക്കിനോടനുബന്ധിച്ചുള്ള പഠനപ്രവർത്തനങ്ങൾ

ഇത്തവണത്തെ ശാസ്ത്രോത്സവത്തിൽ ജൈവവൈവിദ്യ പാർക്കിനോടനുബന്ധിച്ചുള്ള പ്രോജക്ട് തയ്യാറാക്കിയിരിക്കുന്നു. ഇതുവഴി മറ്റു വിദ്യാലയങ്ങളിലെ കുട്ടികൾക്കും ജൈവവൈവിദ്യത്തെ കുറിച്ചുള്ള അവബോധം സൃഷ്ടിക്കാൻ സാധിക്കുമെന്ന് പ്രതീക്ഷിക്കുന്നു. ഒരു ജൈവ വൈവിദ്യ ആൽബം നിർമ്മിക്കുന്നുണ്ട്. ഇത് കുട്ടികൾക്ക് ഭാവിയിൽ റഫറൻസിനായി ഉപയോഗിക്കാവുന്നതാണ്

സമൂഹത്തിനുള്ള പങ്ക്

സ്ക്കൂൾ മാനേജ്മെന്റ് ഇത‌ിനു വേണ്ടിയുള്ള എല്ലാ സൗകര്യങ്ങളും ആവശ്യപ്പെടുന്നതിനനുസരിച്ച് ചെയ്തു തരുന്നുണ്ട്
പി ടി എ അംഗങ്ങൾ ഇതിനു വേണ്ട എല്ലാ പ്രോത്സാഹനവും നൽകുന്നു
അധ്യാപകർ

മീൻ വളർത്തൽ

ഹരിത സേന ക്ലബ്ബ് അംഗങ്ങളുടെ മേൽനോട്ടത്തിൽ ജൈവവൈവിധ്യ ഉദ്യാനത്തിൽ വിവിധയിനം മത്സ്യങ്ങളെ സംരക്ഷിച്ചുപോരുന്നു.ജൈവവൈവിധ്യ ഉദ്യാനത്തിലെ ഒരു ഭാഗത്തായി പ്രത്യേകം സജ്ജമാക്കിയ മീൻ കുളത്തിലാണ് മീൻകുഞ്ഞുങ്ങളെ സംരക്ഷിച്ചു പോരുന്നത്.മീൻ വളർത്തലിന്റെ ബാലപാഠങ്ങൾ പരിചയപ്പെടുത്തുക, മത്സ്യകൃഷിയുടെ സാധ്യതകൾ പരിചയപ്പെടുത്തുക, മത്സ്യകൃഷിയിൽ നേരിടേണ്ടിവരുന്ന പ്രയാസങ്ങൾ പരിചയപ്പെടുക, മത്സ്യകൃഷി യിലേക്ക് യുവതലമുറയെ ആകർഷിക്കുക തുടങ്ങിയ ലക്ഷ്യങ്ങളോടെ കൂടിയാണ് സ്കൂൾ ഹരിതസേന പ്രവർത്തകരുടെ മേൽനോട്ടത്തിൽ മീൻ വളർത്തൽ നടന്നുവരുന്നത്.

സ്മൃതി മരം

കൂമ്പാറ ഫാത്തിമാബി മെമ്മോറിയൽ ഹയർ സെക്കൻഡറി സ്കൂളിൽ ഹരിതവിദ്യാലയം പരിപാടിയുടെ ഭാഗമായി നടപ്പിലാക്കിവരുന്ന പദ്ധതിയാണ് സ്മൃതി മരം. തെരഞ്ഞെടുക്കപ്പെട്ട 50 കുടുംബങ്ങളിൽ അവരുടെ പ്രിയപ്പെട്ടവരുടെ ഓർമ്മക്കായി വൃക്ഷത്തൈകൾ നട്ടു കൊണ്ട് സ്മൃതി മധുരം ഒരുക്കുക എന്നതാണ് ഈ പദ്ധതികൊണ്ട് ഉദ്ദേശിക്കുന്നത്. മൺമറഞ്ഞുപോയ പ്രിയപ്പെട്ടവരുടെ ഓർമക്കായി ഒരുക്കിയ ഈ പദ്ധതിയിൽ വളരെ മികച്ച രീതിയിൽ ആണ് ആണ് നാട്ടുകാർ പങ്കാളികളായത് .ഹരിത സേന പ്രവർത്തകർ പദ്ധതിയിലെ അംഗങ്ങൾ ആയവരുടെ ഭവനങ്ങൾ സന്ദർശിക്കുകയും പദ്ധതി ഏത് രീതിയിൽ നടപ്പിലാക്കുന്നു എന്നതിനെക്കുറിച്ച് പഠനം നടത്തുകയും ചെയ്യുന്നു.

വീട്ടുവൈദ്യം - പ്രസിദ്ധീകരണം

പണ്ടുകാലങ്ങളിൽ നാട്ടിൻപുറങ്ങളിൽ നിലനിന്നിരുന്ന നാടൻ ചികിത്സാ രീതികളെക്കുറിച്ചും നാടൻ മരുന്നുകൾ കുറിച്ചും ചുമ പഠനം നടത്തുകയും ലഭ്യമായ വിവരങ്ങൾ ക്രോഡീകരിച്ച് വീട്ടു വൈദ്യം എന്ന പേരിൽ പ്രസിദ്ധീകരിക്കുകയും ചെയ്തു.അതോടൊപ്പംതന്നെ ലിറ്റിൽ കൈറ്റ്സ് ക്ലബ് അംഗങ്ങളുടെ മേൽനോട്ടത്തിൽ ലഭ്യമായ വിവരങ്ങളെ ഡിജിറ്റലൈസ് ചെയ്തു സ്കൂൾ വിക്കിയിൽ നാടോടി വിജ്ഞാനകോശം എന്ന പേജിൽ ഉൾക്കൊള്ളിക്കുകയും ചെയ്തു. നമ്മുടെ പോയ തലമുറയുടെ കാലഘട്ടത്തിൽ ഇതിൽ നിലനിന്നിരുന്ന നാടൻ ചികിത്സാ രീതികൾ കൾ അന്യം നിന്ന് പോകരുത് എന്ന ലക്ഷ്യത്തോടെയാണ് വീട്ടു വൈദ്യം എന്ന പ്രസിദ്ധീകരണം തയ്യാറാക്കിയത്..

മട്ടുപ്പാവ് കൃഷി

സ്ഥലസൗകര്യം കുറഞ്ഞവർക്കായും നഗരപ്രദേശങ്ങളിൽ ജീവിക്കുന്നവർക്കും വേണ്ടി നടപ്പിലാക്കിയ പുതിയ പ്രത്യേക പദ്ധതിയാണ് മട്ടുപ്പാവ് കൃഷി. പെൺകുട്ടികളുടെ ടോയ്ലറ്റ് കോംപ്ലക്സിന്റെ ടെറസിന് മുകളിൽ ഒഴിഞ്ഞ സ്ഥലത്ത് ചട്ടികളിൽ ആയി തക്കാളി പച്ചമുളക് വഴുതന വെണ്ട തുടങ്ങിയവയാണ് വളർത്തിയെടുക്കുന്നത് മട്ടുപ്പാവിലെ കൃഷി മണ്ണിനെ സ്നേഹിക്കുന്നവർക്ക് വിഷമില്ലാത്ത പച്ചക്കറികൾ നമ്മുടെ മട്ടുപ്പാവിലും........ മട്ടുപ്പാവ് കൃഷിയുടെ മേൽനോട്ടവും പരിചരണവും നടത്തുന്നത് ഹരിതസേന ക്ലബ് അംഗങ്ങളാണ്

നാട്ടറിവ് നാടൻ ഔഷധസസ്യങ്ങളുടെ ഡാറ്റാബാങ്ക്

നമ്മുടെ ചുറ്റുപാടുകളിൽ വളരുന്ന ചെറുതും വലുതുമായ സസ്യങ്ങൾ ഏതെങ്കിലും രീതിയിൽ‍ ഔഷധങ്ങൾ നിർമ്മിക്കുന്നതിനായി ഉപയോഗിക്കുന്നു. ഇത്തരം സസ്യങ്ങളെ പൊതുവേ ഔഷധസസ്യങ്ങൾ എന്ന് പറയുന്നു. ചികിത്സാരീതികൾ പ്രധാനമായും ആയുർവേദം, ആധുനിക വൈദ്യശാസ്ത്രം, ഹോമിയോപ്പതി, യൂനാനി, സിദ്ധവൈദ്യം തുടങ്ങി പലതരത്തിലുമുള്ളവ നിലനിൽക്കുന്നുണ്ട്. മനുഷ്യൻ മാത്രമല്ല പട്ടി, പൂച്ച തുടങ്ങിയ പല ജന്തുക്കളിലും ഔഷധസസ്യങ്ങൾ ഉപയോഗിക്കുന്നതിനുള്ള പ്രവണത കാണിക്കുന്നുണ്ട്. ഇത്തരം ഔഷധങ്ങളിൽ പലതും വാണിജ്യപരമായോ വീട്ടാവശ്യത്തിനായോ കൃഷിചെയ്യുന്നവയാണ്‌. തോട്ടങ്ങളിൽ ഇടവിളകളായോ തണൽ മരമായോ താങ്ങുമരമായോ ഔഷധസസ്യങ്ങൾ കൃഷിചെയ്യുന്നു. ഇത്തരത്തിൽ നമുക്ക് ചുറ്റും കാണപ്പെടുന്ന വിവിധ ഇനം ഔഷധ സസ്യങ്ങളെക്കുറിച്ചുള്ള ഉള്ള വിവരങ്ങളും അവയുടെ ഉപയോഗവും അടങ്ങിയ പ്രസിദ്ധീകരണമാണ് നാട്ടറിവ്

കർഷകനുമായുള്ള അഭിമുഖം

ജൈവകൃഷിയിൽ അനുഭവ സമ്പന്നരായ പ്രദേശത്തെ തലമുതിർന്ന കർഷകരുമായി സംവദിക്കുന്നതിനുള്ള അവസരം നൽകുന്നതിനായി കർഷകരുമായി അഭിമുഖം സംഘടിപ്പിച്ചു. മാപ്രയിൽ അവുത കുട്ടി ചേട്ടൻ, അസൈൻ ഊരാളി, വിൻസെൻറ് എന്നീ കർഷകരുമായാണ് അഭിമുഖം സംഘടിപ്പിച്ചത്. കർഷകർ സ്കൂൾ ക്യാമ്പസിലെ ജൈവ പച്ചക്കറി കൃഷി തോട്ടം സന്ദർശിക്കുകയും വിളകൾ എങ്ങനെ പരിപാലിക്കാം ഏതെല്ലാം കാലയളവിൽ എങ്ങനെ വളം ചേർക്കണം എന്നീ കാര്യങ്ങളെക്കുറിച്ചും ജൈവ കീടനാശിനിയായി ആയ വെളുത്തുള്ളി കഷായം ഹായ് എങ്ങനെ തയ്യാർ ചെയ്യാം എന്നും എന്നും വിശദീകരിച്ച് നൽകി. അതോടൊപ്പം തന്നെ മാപ്രയിൽ അവുത കുട്ടി ചേട്ടൻ നാടൻ ചെടികളുടെ ഔഷധ പ്രാധാന്യം വിശദീകരിച്ച് നൽകുകയും ചെയ്തു

ഭൂമിക്കൊരു കുട ഓസോൺ ദിനം

സെപ്തംബർ 16 സോഷ്യൽ സയൻസ് ക്ലബ്ബിൻറെ യും ഹരിതസേന യുടെയും സംയുക്താഭിമുഖ്യത്തിൽ ഓസോൺ ദിനം സമുചിതമായി ആഘോഷിച്ചു. ഓസോൺ പാളിയുടെ പ്രാധാന്യവും ഓസോൺ പാളിയിൽ ഉണ്ടാകുന്ന വിള്ളലുകൾ ഏത് രീതിയിൽ പ്രകൃതിയെ സ്വാധീനിക്കുന്നു എന്നും, ഓസോൺ പാളിയെ ഏത് രീതിയിൽ സംരക്ഷിക്കാം എന്നതിനെക്കുറിച്ചുള്ള സന്ദേശം വിളിച്ചോതുന്നതായി ഓസോൺ ദിനം. ദിനാചരണ പ്രവർത്തനങ്ങൾ ഹെഡ്മാസ്റ്റർ നിയാസ് ചോല സാർ ഉദ്ഘാടനം ചെയ്തു. ചടങ്ങിൽ സോഷ്യൽ സയൻസ് ക്ലബ്ബ് കൺവീനർ ഗീത മനക്കൽ അധ്യക്ഷതവഹിച്ചു.

പ്ലാസ്റ്റിക് മാലിന്യങ്ങളുടെ പുനരുപയോഗം

ഭൂമിക്ക് ഭാരമായി ഭൂമിയിലെ ജീവന്റെ നിലനിൽപ്പിനു തന്നെ ഭീഷണിയായി കൊണ്ടിരിക്കുന്ന പ്ലാസ്റ്റിക് മാലിന്യങ്ങളെ കാര്യക്ഷമമായി നടത്തുക എന്ന ലക്ഷ്യത്തോടുകൂടി സ്കൂളിൽ നടപ്പിലാക്കിയ പദ്ധതിയാണ് പ്ലാസ്റ്റിക് മാലിന്യങ്ങളുടെ പുനരുപയോഗം. ഈ പദ്ധതിയുടെ ഭാഗമായി ഉപയോഗശൂന്യമായി വലിച്ചെറിയുന്ന പ്ലാസ്റ്റിക് കയറുകൾ ഉപയോഗിച്ചുകൊണ്ട് കുട്ട നിർമ്മാണം , പ്ലാസ്റ്റിക് ബോട്ടിലുകളെ മനോഹരമായി ഫ്ലവർ വെയ്സുകൾ ആക്കി മാറ്റുന്നത്. മറ്റു രീതിയിലുള്ള ഉള്ള ചിത്രങ്ങൾ തുടങ്ങിയവയുടെ നിർമാണവും പരിശീലനവും നടന്നുവരുന്നു.

നമുക്കു മടങ്ങാം മഷിപ്പേന യിലേക്ക്....

ഓരോ ദിവസവും പ്രകൃതിയിലേക്ക് വലിച്ചെറിയുന്ന പ്ലാസ്റ്റിക് പേനകളുടെ ആധിക്യം കുട്ടികളെ ബോധ്യപ്പെടുത്തുക, മഷിപ്പേന , പേപ്പർ പേന ,വിത്ത് പേന എന്നിവയുടെ ഉപയോഗം വിപുലപ്പെടുത്തുക എന്ന ലക്ഷ്യത്തോടുകൂടിയാണ് ക്യാമ്പയിൻ തുടങ്ങിയത്. ഹൈസ്കൂൾ ഹിന്ദി വിഭാഗം അധ്യാപകനായ ശ്രീ സലിം സാറാണ് പ്രചാരണ പ്രവർത്തനങ്ങൾ ഏകോപിപ്പിക്കുന്നത്. പദ്ധതിയുടെ ഭാഗമായി ദിനേനെ ഓരോ ക്ലാസിലെയും കുട്ടികൾ ഉപയോഗ ശേഷം വലിച്ചെറിയുന്ന പ്ലാസ്റ്റിക് പേനകൾ ശേഖരിക്കുന്നതിനായി മുഴുവൻ ക്ലാസ് മുറികളിലും പെൻ ബോക്സ് സ്ഥാപിച്ചു. ക്യാമ്പയിനിന്റെ ഭാഗമായി കൂട് തരൂ........ പേര് തരാം എന്ന പേരിൽ ഇൽ പുതിയ പദ്ധതി നടപ്പിലാക്കി. ഉപയോഗശൂന്യമായ 20 പ്ലാസ്റ്റിക് പേനകൾ നൽകിയാൽ പകരം ഒരു വിത്ത് പേന നൽകുന്ന പദ്ധതിയാണ് കൂട് തരൂ........ പേര് തരാം

പ്ലാസ്റ്റിക് ബോട്ടിൽ, പ്ലാസ്റ്റിക് പ്ലേറ്റ് നിരോധനം .

2019 20 അധ്യയനവർഷം പൂർത്തിയാകുന്നതോടെ ക്യാമ്പസ് പൂർണ്ണമായും പ്ലാസ്റ്റിക് മുക്തമാക്കുക എന്ന ലക്ഷ്യം സാക്ഷാത്കരിക്കുന്നതിന്റെ ഭാഗമായി കുട്ടികളിലും അധ്യാപകരിലും പ്ലാസ്റ്റിക് ബോട്ടിൽ പ്ലാസ്റ്റിക് പ്ലേറ്റ് എന്നിവയുടെ ഉപയോഗം നിരുത്സാഹപ്പെടുത്തുന്നതിനായുള്ള പ്രചാരണ പ്രവർത്തനങ്ങൾ നടന്നുവരുന്നു. ഈ വർഷം പുതുതായി പ്ലേറ്റ് , ബോട്ടിൽ വാങ്ങുന്ന കുട്ടികളോട് കർശനമായും സ്റ്റീൽ പ്ലേറ്റിലേക്കും ബോട്ടിലുകളിലെക്കും മടങ്ങാനുള്ള നിർദേശം നൽകി.പ്രചാരണ പ്രവർത്തനങ്ങളുടെ ഭാഗമായി സ്കൂൾ ഫണ്ടിൽ നിന്നും ഉച്ച ഭക്ഷണം കഴിക്കുന്നതിനായി 120 സ്റ്റീൽ പ്ലേറ്റുകൾ വാങ്ങി സൗകര്യമേർപ്പെടുത്തിയിട്ടുണ്ട്. അതോടൊപ്പം ക്യാമ്പസിലേക്ക് പ്ലാസ്റ്റിക് ക്യാരി ബാഗുകൾ കൊണ്ടുവരുന്നത് പൂർണമായും നിരോധിച്ചു.ജെ ആർ സി, സ്കൗട്ട് ആൻഡ് ഗൈഡ്, ഹരിതസേന ക്ലബ്ബ് അംഗങ്ങളുടെ നേതൃത്വത്തിലാണ് പ്ലാസ്റ്റിക് ക്യാരി ബാഗുകളുടെ നിരോധന പ്രവർത്തനങ്ങൾ നടന്നു വരുന്നത്

പേപ്പർ ബാഗ് തുണിസഞ്ചി നിർമ്മാണ പരിശീലനവും വിതരണവും .

കൂമ്പാറ പ്രദേശത്തെ പ്ലാസ്റ്റിക് നിർവ്യാപന പ്രവർത്തനങ്ങളുടെ ഭാഗമായി പത്തിനൊപ്പം പത്ത് തൊഴിൽ പദ്ധതി യോടൊപ്പം ചേർന്നു ഹരിതസേനയുടെ നേതൃത്വത്തിൽ പേപ്പർ ബാഗ് തുണിസഞ്ചി നിർമ്മാണ പരിശീലനം നൽകി. ഇത്തരത്തിൽ കുട്ടികൾ തന്നെ തയ്യാറാക്കിയ പേപ്പർ ബാഗ് അ തുണിസഞ്ചി വിതരണം നടത്തി.വീടുവീടാന്തരം കയറിയിറങ്ങി പ്ലാസ്റ്റിക് ഭീകരതക്കെതിരെ ബോധവൽക്കരണം നടത്തിയതോടൊപ്പം തുണിസഞ്ചി പേപ്പർ ബാഗ് എന്നിവ നൽകുകയും ചെയ്തു.പദ്ധതിയുടെ ഭാഗമായി കൂമ്പാറ യിലെ മുഴുവൻ കടകളിലും കയറിയിറങ്ങി ബോധവൽക്കരണം നടത്തുകയും ചെയ്തു.

ഡ്രൈ ഡേ ആചരണം .

എല്ലാ രണ്ടാഴ്ച കൂടുമ്പോഴും സ്കൂൾ ഹരിതസേനയുടെ യും ജെ ആർ സി സ്കൗട്ട് ഗൈഡ് വിദ്യാർഥികളുടെ നേതൃത്വത്തിൽ ഡ്രൈഡേ പ്രവർത്തനങ്ങൾ നടന്നുവരുന്നു. പ്രധാനമായും ശുചീകരണ പ്രവർത്തനങ്ങൾ ആണ് ഡ്രൈ ഡേ യുടെ ഭാഗമായി നടന്നു വരുന്നത്. ഡ്രൈഡേ പ്രവർത്തനങ്ങൾക്കിടയിൽ ക്യാംപസിൽ വ്യാപിക്കുന്ന പ്ലാസ്റ്റിക് കവറിന്റെ ഭീകരത തിരിച്ചറിഞ്ഞ് ഹരിത സേന പ്രവർത്തകർ സ്കൂൾ സ്റ്റോറിൽ പ്ലാസ്റ്റിക് കവറിൽ പൊതിഞ്ഞിരുന്ന മിഠായികളുടെ വിൽപ്പന പൂർണമായും നിരോധിച്ചു അതോടൊപ്പം സ്കൂൾ പരിസരത്തെ മറ്റു കടക്കാർക്കും ആവശ്യമായ നിർദ്ദേശങ്ങൾ നൽകി..

പ്രകൃതിപാഠം ഡിജിറ്റൽ ക്യാമ്പയിനിങ് .

പ്രകൃതിസംരക്ഷണത്തിന് നല്ലപാഠം പുതുതലമുറയിലേക്ക് എത്തിക്കുക എന്ന ലക്ഷ്യത്തോടെ സ്കൂൾ ലിറ്റിൽ കൈറ്റ് റ യൂണിറ്റിന് കീഴിൽ ആരംഭിച്ച സോഷ്യൽ മീഡിയ ക്യാമ്പയിൻ ആണ് പ്രകൃതിപാഠം.പ്രകൃതി സംരക്ഷണ സന്ദേശം ഉൾക്കൊള്ളുന്ന ഷോർട്ട് ഫിലിമുകൾ ഡോക്യുമെന്ററി കവിതകൾ ചിത്രങ്ങൾ സന്ദേശങ്ങൾ എന്നിവയാണ് ഫേസ്ബുക്ക് വാട്സാപ്പ് ഗ്രൂപ്പുകളിലൂടെ പ്രചരിപ്പിക്കുന്നത്...

പശ്ചിമഘട്ട മലനിരകളും കേരളീയ ജീവിതവും .

പ്രകൃതി സംരക്ഷണ പാഠം വിദ്യാർഥികളിലും അധ്യാപകരിലും രക്ഷിതാക്കളിലും എത്തിക്കുക എന്ന ലക്ഷ്യത്തോടെ സ്റ്റാഫ് കൗൺസിലിന്റെയും പിടിഎയുടെയും സംയുക്താഭിമുഖ്യത്തിൽ പശ്ചിമഘട്ട മലനിരകളും കേരളീയ ജീവിതവും എന്ന വിഷയത്തെ ആസ്പദമാക്കി പഠനക്ലാസ് സംഘടിപ്പിച്ചു ഹൈസ്കൂൾ വിഭാഗത്തിലെ മുഴുവൻ കുട്ടികളെയും രക്ഷിതാക്കളെയും ഉൾക്കൊള്ളിച്ച് നടന്ന ക്ലാസിന് നേതൃത്വം നൽകിയത് ഹൈസ്കൂൾ വിഭാഗം അധ്യാപകനും പരിസ്ഥിതി ക്ലബ് കോർഡിനേറ്ററുമായ ഹാഷിം കുട്ടി സർ നേതൃത്വം നൽകി പരിപാടിയിൽ പങ്കെടുത്ത മുഴുവൻ രക്ഷിതാക്കൾക്കും ഹരിതസേന പ്രവർത്തകർ അവരുടെ വകയായി വിത്തു പേന നൽകി..

ജൈവവൈവിധ്യ ഉദ്യാനം .

യുപി വിഭാഗം കെട്ടിടത്തിന് മുൻവശത്തായി ഏകദേശം 10 സെന്റ് വിസ്തൃതിയിൽ മനോഹരമായി ജൈവവൈവിധ്യ ഉദ്യാനം പരിസ്ഥിതി ക്ലബ്ബ് പ്രവർത്തകരുടെയും ഹരിതസേന പ്രവർത്തകരുടെയും നേതൃത്വത്തിൽ പരിപാലിച്ചു പോരുന്നു. ഉദ്യാനത്തിലെ വിവിധ മരങ്ങൾക്കു ചുറ്റും വിവിധ ജാമിതീയ രൂപങ്ങളുടെ ആകൃതിയിൽ കെട്ടി പെയിൻറ് ചെയ്ത മനോഹരമായ ഒരു ജോമട്രിക്കൽ ഗാർഡനും ഉദ്യാനത്തിൽ തയ്യാറാക്കിയിട്ടുണ്ട്. അതോടൊപ്പം തന്നെ ഒഴിവുസമയങ്ങളിൽ വിദ്യാർഥികൾ കൂടി ഇരിക്കാനും സംസാരിക്കുന്നതിനും ആയി ഉദ്യാനത്തിൽ ഇരിപ്പിടങ്ങളും ക്രമീകരിച്ചിരിക്കുന്നു..

ജീവന്റെ ജലം

കടുത്ത വേനലിൽ പക്ഷികൾക്ക് ദാഹമാകറ്റുന്നതിനായി കുടിവെള്ളം ലഭ്യമാക്കുക എന്ന ലക്ഷ്യത്തോടുകൂടി നടപ്പിലാക്കിയ പദ്ധതിയാണ് ജീവന്റെ ജലം. വേനൽക്കാലത്ത് ഹരിതസേന പ്രവർത്തകർ ജൈവവൈവിധ്യ ഉദ്യാനത്തിലെ വിവിധമരങ്ങളിൽ മൺചട്ടി തൂക്കി അതിൽ കുടി വെള്ളം ഒഴിച്ച് വെക്കുകയാണ് ചെയ്യുന്നത് . വേനൽക്കാലങ്ങളിൽ ജൈവവൈവിധ്യ ഉദ്യാനത്തിൽ വെള്ളം കുടിക്കുന്നതിനായി എത്തുന്ന പക്ഷികളുടെ കാഴ്ച ഒരു നവ്യാനുഭവം ആണ്...<br/

ആയുർവേദ സസ്യ തോട്ടം

ആയുർവേദ ഔഷധ പ്രാധാന്യമുള്ള മരങ്ങളും ചെടികളും ഉൾക്കൊള്ളിച്ചുകൊണ്ട് ക്യാംപസിൽ ഹൈ സ്കൂൾ കെട്ടിടത്തിന് പിറകുവശത്തായി ആയുർവേദ ഔഷധ സസ്യ തോട്ടം തയ്യാറാക്കി വരുന്നു മരങ്ങളുടെയും ചെടികളുടെയും ഔഷധ പ്രാധാന്യം കുട്ടികളെ ബോധ്യപ്പെടുത്തുക, അത്തരം ചെടികളുടെയും മരങ്ങളുടെയും സംരക്ഷണവുമാണ് ആയുർവേദ സസ്യ തോട്ടം കൊണ്ട് ഉദ്ദേശിക്കുന്നത്..<br/

ഫലവൃക്ഷ തോട്ടം

നമ്മുടെ ചുറ്റുപാടിൽ നിന്നും അന്യം നിന്നു പോകുന്ന നാടൻ ഫലവൃക്ഷങ്ങൾ ഉൾക്കൊള്ളിച്ചുകൊണ്ട് 5 സെൻറ് വിസ്തൃതിയിൽ ഹൈ സ്കൂൾ കെട്ടിടത്തിന് പിറകിലായി നാടൻ ഫലവൃക്ഷ തോട്ടം തയ്യാറാക്കി വരുന്നു. നാടൻ ഫലവൃക്ഷങ്ങൾ ആയ ഞാവൽ നെല്ലിക്ക പുളി അമ്പഴങ്ങ നൊട്ടങ്ങ ചക്കപ്പഴം ഈനാമ്പഴം ചതുരപ്പുളി അരിനെല്ലി പാഷൻഫ്രൂട്ട് എരഞ്ഞി പഴം ചീനി അയനിച്ചക്ക തുടങ്ങിയവയാണ് പ്രധാനമായും ഫലവൃക്ഷ തോട്ടത്തിൽ പരിപാലിച്ചു വരുന്നത്...<br/

ശലഭോദ്യാനം

ഹരിതസേന പ്രവർത്തകരുടെ നേതൃത്വത്തിൽ സ്കൂളിൽ ശലഭോദ്യാനം തയ്യാറായി വരുന്നു. യുപി വിഭാഗം കെട്ടിടത്തിന് മുൻവശത്തായി 3 സെൻറ് വിസ്തൃതിയിലാണ് ശലഭോദ്യാനം തയ്യാറാക്കുന്നത്. വംശനാശ ഭീഷണി നേരിടുന്ന വിവിധ വിഭാഗങ്ങളിൽ പെടുന്ന ശലഭങ്ങളുടെ വ്യാപനമാണ് പ്രധാനമായും ഉദ്ദേശിക്കുന്നത്. ശലഭങ്ങളെ ആകർഷിക്കുന്ന വിവിധ തരത്തിലുള്ള ചെടികളാണ് ശലഭ ധ്യാനത്തിൽ വളർത്തി എടുക്കുന്നത്..<br/

ജലസ്രോതസ്സുകളുടെ സംരക്ഷണം

ഹയർസെക്കൻഡറി കെട്ടിടത്തിന് പിറകുവശത്ത് സ്വകാര്യവ്യക്തിയുടെ സ്ഥലത്ത് സ്ഥിതി ചെയ്യുന്ന മലിനമായി കിടക്കുന്ന കുളം അധ്യാപകരുടേയും ഹരിതസേന പ്രവർത്തകരുടെയും നേതൃത്വത്തിൽ ശുചീകരിച്ചു സംരക്ഷിച്ചുപോരുന്നു.കുടിവെള്ളക്ഷാമം നേരിടുന്ന വേനൽകാലങ്ങളിൽ പ്രയോജനപ്രദമാക്കാൻ സാധ്യമാകും വിധം ആണ് കുളം സംരക്ഷണം ഏറ്റെടുത്തത് അതോടൊപ്പം കൂമ്പാറ അങ്ങാടിയിൽ കാടു പിടിച്ചു കിടന്നിരുന്ന പഞ്ചായത്ത് കിണർ പരിസരം ശുചീകരിക്കുകയും ചെയ്തു. അതോടൊപ്പം കിണറിലെ വെള്ളം ക്ലോറിനേഷൻ ചെയ്ത് അണുവിമുക്തമാക്കുകയും ചെയ്തു...<br/

ജൈവ പച്ചക്കറി കൃഷി

സ്കൂൾ ഹരിതസേന പ്രവർത്തകരുടെ നേതൃത്വത്തിൽ ക്യാംപസിൽ ജൈവ പച്ചക്കറി കൃഷി നടന്നുവരുന്നു. ജൈവ കാർഷിക സംസ്കാരം കുട്ടികളിൽ എത്തിക്കുക എന്നതാണ് ഇതുകൊണ്ട് ഉദ്ദേശിക്കുന്നത് . ചേന ചേമ്പ് പച്ചമുളക് വെണ്ട പയർ വഴുതന തക്കാളി തുടങ്ങിയവയാണ് പ്രധാനമായും കൃഷി ചെയ്തു വരുന്നത്....<br/

ബയോ കമ്പോസ്റ്റ്

ജൈവ പച്ചക്കറി കൃഷിക്ക് ഉപയോഗിക്കുന്നതിനുള്ള ജൈവവളം സ്കൂളിൽ തന്നെയാണ് തയ്യാറാക്കുന്നത് പാചക പുരയിൽ നിന്നും ഓരോ ദിവസവും ഒഴിവാക്കുന്ന പച്ചക്കറി അവശിഷ്ടങ്ങളും മറ്റും ഉപയോഗിച്ചാണ് ബയോ കമ്പോസ്റ്റ് തയ്യാറാക്കുന്നത്....<br/

നാട്ടറിവ്

നാടൻ മരങ്ങളുടെയും ചെടികളുടെയും ഔഷധ പ്രാധാന്യം അന്വേഷിച്ചറിഞ്ഞു ശാസ്ത്രീയമായി രേഖപ്പെടുത്തിയ പ്രസിദ്ധീകരണമാണ് നാട്ടറിവ്.ഹരിതസേന പ്രവർത്തകരുടെ നേതൃത്വത്തിൽ ഇതിന്റെ ഭാഗമായി ആയുർവേദ ഡോക്ടർമാർ നാട്ടിലെ ആദ്യകാല കുടിയേറ്റ കർഷകർ തുടങ്ങിയവരുമായി സംവദിക്കുകയും അതുവഴി ലഭിച്ച വിവരങ്ങൾ ക്രോഡീകരിക്കുകയും ചെയ്തത്. ഈ തലമുറയോടെ ഇത്തരം വിവരങ്ങൾ അന്യം നിന്ന് പോകരുത് എന്ന ലക്ഷ്യത്തോടെയാണ് ഇത്തരം ഒരു പ്രസിദ്ധീകരണം തയ്യാറാക്കിയത്....<br/

മറ്റു പ്രവർത്തനങ്ങൾ

എല്ലാ വർഷവും കൃഷിവകുപ്പ് നൽകുന്ന പച്ചക്കറി വിത്തുകൾ കുട്ടികൾക്ക് വിതരണം നടത്താറുണ്ട്
പച്ചക്കറി തൈ വിതരണം
കൂമ്പാറ ഭഗത്ത് കൃഷി പ്രോത്സാഹനത്തിന് നടത്തന്ന തറവാട് കൃഷി
ബോധവൽക്കരണ ക്ലാസ്സ്
മൂല്യ വർദ്ധിത ഉൽപ്പന്നങ്ങളായ Jam, Squash മുതലായവയുടെ നർമാണ പരിശീലന ക്ലാസ്
കൃഷി വകുപ്പിന്റെ സഹായത്തോടെ Grow bag, Vermi compost മുതലായവ കൃഷി സാധനങ്ങൾ മിതമായ നിരക്കിൽ‍ വിതരണം
Micro Green 'എന്ത്?' 'എങ്ങന?' എന്ന് കുട്ടികളെ മനസ്സിലാക്കുകയും ഇത് ഒരു സംരംഭമായി തുടങ്ങാനുള്ള മാർഗ്ഗനിർദേശങ്ങളും നൽകി