പങ്കെടുത്തു.കൂടുതൽ വായിക്കുക.

പങ്കെടുത്തു.കൂടുതൽ വായിക്കുക. മേഘ്ന ജ്യോതിലാൽ, അഞ്ജലി. സി.എസ്. എന്നീ കുട്ടികളാണ് വേദി നിയന്ത്രിച്ചത്. സ്കൂളിന്റെ മുൻവർഷത്തെ പ്രവർത്തനങ്ങൾ ഉൾപ്പെടുത്തിയുള്ള ഒരു വീഡിയോ പ്രദർശനവും കുട്ടികളുടെ കലാപരിപാടികളും എല്ലാം കൂടി ഓൺലൈൻ ആയിട്ടാണെങ്കിലും പ്രവേശനോത്സവം ഗംഭീരമാക്കുവാൻ കഴിഞ്ഞു.

പരിസ്ഥിതി ദിനാഘോഷം - ജൂൺ 5

ഈ സ്കൂളിലെ മുൻ അദ്ധ്യാപകനായ ശ്രീ. കെ.എൻ. ശ്രീകുമാറിന്റെ അതീവ ഹൃദ്യമായ ഒരു ക്ലാസ്സ് ആണ് പരിസ്ഥിതി ദിനത്തിൽ ഒരുക്കിയത്. കുട്ടികളുടെ പരിസ്ഥിതി കവിതാലാപനവും സുജ ടീച്ചറുടെ ഓൺലൈൻ ക്വിസ് പ്രോഗ്രാമും പരിപാടിക്ക് മോടി കൂട്ടി. പോസ്റ്റർ രചനയും ഉണ്ടായിരുന്നു.

ജൂനിയർ റെഡ് ക്രോസ് - പഠനക്ലാസ് - ജൂൺ 17

JRCയുടെ നേതൃത്വത്തിൽ Covid 19 & Child Mental Health എന്ന വിഷയത്തിൽ കോട്ടയം ഡെപ്യൂട്ടി DMO ഡോ. അനിത കുമാരി. റ്റി ക്ലാസ്സ് എടുത്തു.

വായനപക്ഷാചരണം - ജൂൺ 19 – ജൂലൈ 7

ജൂൺ 19 വയാനദിനത്തിൽ ഉദ്ഘാടന സന്ദേശം ജില്ലാ പഞ്ചായത്തംഗം ശ്രീ. ജിജോ മോഡി നല്കി. തുടർന്ന് വായനദിന സന്ദേശം നല്കിയത് എഴുത്തുകാരനും പൊതു വിദ്യാഭ്യാസ സംരക്ഷണ യജ്ഞം ജില്ലാ കോ ഓർഡിനേറ്ററുമായ ശ്രീ. രാജേഷ്. എസ്. വള്ളിക്കോട് ആയിരുന്നു. മഹാകവി ജി. ശങ്കരക്കുറുപ്പിന്റെ സൂര്യകാന്തി കവിതാലാപനവും അന്ന് നടന്നു. തുടർന്നുള്ള ദിവസങ്ങളിൽ കഥാരചന, കവിതാരചന, ഉപന്യാസരചന, ചിത്രരചന, പ്രസംഗം തുടങ്ങിയ ഇനങ്ങിൽ മത്സരങ്ങൾ നടത്തി. യോഗാദിനവും ലഹരി വിരുദ്ധദിനവും വായന പക്ഷാചരണത്തിന്റെ ഭാഗമായി നടന്നു. ജൂലൈ 7 ന് ഓൺലൈൻ സാഹിത്യ ക്വിസ് മത്സരത്തോടെ ഈ പരിപാടിക്ക് സമാപനമായി.

യോഗാദിനം - ജൂൺ 21

ഇടുക്കി ജില്ലയിൽ ഏലപ്പാറ സ്കൂളിലെ ശ്രീജാറാണി ടീച്ചർ യോഗാ ക്ലാസ്സ് എടുത്തു. യോഗാ പ്രദർശനം ഉൾപ്പെടുത്തി ഒരു മണിക്കൂർ നീണ്ട ക്ലാസ്സ് കുട്ടികൾക്ക് ഏറെ ഇഷ്ടപ്പെട്ടു.

ചാന്ദ്രദിനം - ജൂലൈ 21

SSA മുൻ സ്റ്റേറ്റ് പ്രോഗ്രാം ആഫീസറും ശാസ്ത്ര സാഹിത്യ പരിഷത്ത് പ്രവർത്തകനുമായ ഡോ. ടി.പി. കലാധരൻ സാറിന്റെ ചാന്ദ്രദിന സന്ദേശം ഏറെ വിജ്ഞാനപ്രദമായിരുന്നു. തുടർന്ന് കുട്ടികളുടെ കലാപരിപാടികളും ചാന്ദ്രദിന ക്വിസും.

ശാസ്ത്രരംഗം, വിദ്യാരംഗം ക്ലബ്ബുകളുടെ ഉദ്ഘാടനം - ജൂലൈ 24

മലയാലപ്പുഴ ഗ്രാമപഞ്ചായത്ത് വൈസ് പ്രസിഡന്റും അദ്ധ്യാപകനുമായ ശ്രീ. കെ. ഷാജി ഉദ്ഘാടനം ചെയ്തു. സയൻസ് അദ്ധ്യാപകനും റിസോഴ്സ് പേഴ്സണും ആയിരുന്ന ശ്രീ. ബിജുമാത്യു സാറിന്റെ ക്ലാസ്സ് ഹൃദ്യവും വിജ്ഞാനപ്രദവുമായിരുന്നു.

ഹിരോഷിമ നാഗസാക്കി ദിനാചരണം - ആഗസ്റ്റ് 6, 9

യുദ്ധവിരുദ്ധ വീഡിയോ പ്രദർശനം, പ്രസംഗം, പോസ്റ്റർ രചന, ക്വിസ് മത്സരം എന്നിവ നടത്തി.

സ്വാതന്ത്ര്യദിനാഘോഷം - ആഗസ്റ്റ് 15

സ്കൂളിൽ പതാക ഉയർത്തുന്ന ചടങ്ങിൽ പിറ്റിഎ പ്രസിഡന്റും അദ്ധ്യാപകരും ഓഫീസ് ജീവനക്കാരും പങ്കെടുത്തു. ഓൺലൈൻ ആയി കുട്ടികളുടെ പ്രസംഗവും ദേശഭക്തിഗാനാലാപനവും, ക്വിസ് പ്രോഗ്രാമും നടത്തി.

പൂർവ വിദ്യാർത്ഥി സംഗമം - ഡിസംബർ 27

1966 ൽ ആണ് സ്കൂൾ ആരംഭിച്ചത്. അന്നു മുതൽ കഴിഞ്ഞ വർഷം പഠിച്ചിറങ്ങിയവർ വരെ പങ്കെടുത്ത വളരെ വിപുലമായ ഒരു സമ്മേളനമാണ് നടന്നത്. മുൻ അദ്ധ്യാപകരും പങ്കെടുത്തു. കേരള സർവകലാശാലാ വൈസ് ചാൻസലർ ഡോ. വി.പി. മഹാദേവൻ പിള്ള ഉദ്ഘാടനം ചെയ്തു. അലൂമ്നി അസോസിയേഷൻ രൂപികരിച്ച് പ്രവർത്തനം വിപുലമാക്കുന്നതിനുള്ള ശ്രമം നടന്നു കൊണ്ടിരിക്കുന്നു.