ഗാന്ധി വിലാസം എൽ.പി .സ്കൂൾ‍‍‍‍ , ബ്ലാത്തൂർ/ചരിത്രം

ഉള്ളടക്കം

• 1 ചരിത്രം: 1946 കാലഘട്ടത്തിൽ ഒരോലപ്പുരയിൽ കല്യാട് ജൻമിയുടെ കീഴിലാണ് സ്ക്കൂൾ പ്രവർത്തനമാരംഭിക്കുന്നത്.  പിന്നീട് 1949 ൽ ഇന്ന് കാണുന്ന ഓട് മേഞ്ഞ കെട്ടിടമായി.  വാരപിടികക്കടുത്തുള്ള ജൻമിയുടെ പത്തായപ്പുര പൊളിച്ച് അതിൽ നിന്നും കിട്ടിയ ഓടും മരങ്ങുളും കൊണ്ടാണ്  ഈ കെട്ടിടം പണിതതെന്ന് ചരിത്രം.
• 2 1946 ലെ കർഷസംഘം സമരത്തെ അവഹേളിച്ച സ്ക്കൂളിലെ അധ്യാപകനെതിരെ അന്നത്തെ കുട്ടികൾ പ്രതിഷേധച്ചതിൽ ദേഷ്യം പൂണ്ട കല്യാട് യശമാനൻ അപ്പോൾ തന്നെ അധ്യാപകരെ കല്യാട് സ്ക്കൂളിലേക്ക് മാറ്റുകയും ബ്ലാത്തൂരിലെ പിള്ളറ് പഠിക്കണ്ട എന്ന് പറഞ്ഞ്  സ്ക്കൂൾ പൂട്ടുകയും (കത്തിച്ചു എന്നും പറയുന്നു)  അതിൽ പ്രതിഷേധിച്ച്  ഭാസ്ക്കരൻ മാഷിന്റെ (സുബ്രമണ്യ ഷേണായ് ) നേതൃത്വത്തിൽ കർഷകസംഘം ബ്ലാത്തൂർ പടിഞ്ഞാറെക്കരയിൽ  ഓല കൊണ്ട് ഒരു സ്ക്കൂൾ പണിത് കുട്ടികളെ അവിടെ പഠിപ്പിക്കുകയും ചെയ്തു എന്നും   സ്വാതന്ത്ര്യാനന്തരം  1949 ൽ വീണ്ടും ഇപ്പോഴുള്ള ഓടിട്ട കെട്ടിടത്തിൽ  സ്ക്കൂൾ തുറക്കുകയും  1954 ൽ രജിസ്ട്രേഷൻ കിട്ടി എന്നതും മറ്റൊരു ചരിത്രം.
• 3 1 മുതൽ 5 വരെയുള്ള ക്ലാസ്സുകൾ ഉണ്ടായിരുന്ന സ്ക്കൂളിന്റെ ആദ്യ അമരക്കാരൻ (ഹെഡ് മാഷ് ) വെളിയമ്പ്രയിലുള്ള  ശ്രീ നാരായണ മാരാർ ( മാരാർ മാഷ് ) മാഷ് ആയിരുന്നു. A M കുഞ്ഞിരാമൻ മാഷ് , കരുണാകരൻ മാഷ് , ബാലൻ മാഷ് , ശങ്കരൻ മാഷ്. തുടങ്ങി 5 അധ്യാപകരായിരുന്നു  അന്ന് പഠിപ്പിച്ചിരുന്നത്.
• 4 പിന്നീട് കെ കെ കുഞ്ഞിരാമൻ മാഷ് , V C രാമചന്ദ്രൻ മാഷ് , കൃഷ്ണൻ മാഷ് , ഗോപി മാസ്റ്റർ തുടങ്ങിയവർ പ്രധാനധ്യാപകരായി നേതൃത്വം കൊടുത്ത സ്ക്കൂൾ ഇപ്പോൾ ശ്രീമതി രാധിക ടീച്ചറിന്റെ നേതൃത്വത്തിലാണ് പ്രവർത്തിക്കുന്നത്.
• 5 കല്യാട് യശമാനിൽ നിന്നും ശ്രീ  കരിയിൽ  കോരൻ കാരണവർ സ്ക്കൂളിന്റെ ഉടമസ്ഥത ഏറ്റെടുക്കുകയും പിന്നീട് മാമാനിക്കുന്ന ക്ഷേത്രത്തിന് സ്ക്കൂൾ വിൽപ്പന നടത്തുകയും ചെയ്തു. ഇന്ന് മാമാനിക്കുന്ന് മഹാദേവി ക്ഷേത്രം ട്രസ്റ്റിൻെ്റ കീഴിൽ പ്രവർത്തിക്കുന്നു.
• 6 റവന്യൂ, പോലീസ്, സൈന്യം, അധ്യാപനം, വ്യാപാരം, കൃഷി, സാംസ്ക്കാരികം, രാഷ്ട്രീയം, കല, ആരോഗ്യം തുടങ്ങി വിവിധ മേഖലകളിൽ ഗാന്ധി വിലാസത്തിൽ നിന്നും ആദ്യാക്ഷരം കുറിച്ചവർ ഇന്ന് തിളങ്ങി നിൽക്കുന്നു.