എം.ജി.പി.എൻ.എസ്.എസ്. എച്ച്.എസ്. തലനാട്/ചരിത്രം

തലനാട് ഗ്രാമത്തിന്റെ ഹൃദയഭാഗത്തായി സ്ഥിതി ചെയ്യുന്ന ഒരു എയ്ഡഡ് വിദ്യാലയമാണ് മാടപ്പാട്ട് ഗോപാലപിള്ള നായർ സർവ്വീസ് സൊസൈറ്റി സെക്കന്ററി സ്കൂൾ. ഈ വിദ്യാലയം എൻ.എസ്.എസ്. സ്കൂൾ എന്ന പേരിലാണ് പൊതുവെ അറിയപ്പെടുന്നത്..1858-ൽ സ്ഥാപിച്ച ഈ വിദ്യാലയം കോട്ടയം ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ്. ഇല്ലിക്കൽ കല്ല് അടിവാരം എന്ന പേരിൽ ആദ്യം അറിയപ്പെട്ടിരുന്ന തലൈനാട് ആണ് ഇന്നറിയപ്പെടുന്ന തലനാട് എന്ന ഗ്രാമം. തല നാടിൻ്റെ ശില്പി ശ്രീ മാടപ്പാട്ട് ഗോപാലപിള്ള യുടെ നേതൃത്വത്തിൽ ജനപങ്കാളിത്തത്തോടെ 1956 ജൂൺ മാസത്തിൽ എൻഎസ്എസ് മാനേജ്മെൻറ് കീഴിൽ യു പി സ്കൂൾ ആയിട്ടാണ് ആണ് പ്രവർത്തനമാരംഭിച്ചത് .1960 അത് എൽ. പി വിഭാഗം കൂടി തുടങ്ങി .1982ൽ ഇന്ന് കാണുന്ന ഹൈ സ്കൂൾ ആയി ഉയർത്തുകയും ചെയ്തു. വിദ്യാലയത്തിൽ ആവശ്യമായ 3 ഏക്കർ സ്ഥലം സംഭാവനയായി നൽകിയത് ഉൾപ്പെടെ പുരോഗതിക്കാവശ്യമായ സർവ്വവിധ കാര്യങ്ങൾക്കും മേൽനോട്ടം വഹിച്ചത് ശ്രീ മാടപ്പാട്ട് ഗോപാലപിള്ള ആയിരുന്നു.

1931 ൽ യശശരീരനായ ശ്രീ മാടപ്പാട്ട് ഗോപാലപിള്ള മുരളീധര വിലാസം എന്ന പേരിൽ പ്രൈമറി സ്കൂൾ വടക്കുഭാഗത്ത് ആരംഭിക്കുകയുണ്ടായി. തിരുവിതാംകൂർ ദിവാനായിരുന്ന സർ സി പി രാമസ്വാമി അയ്യർ വിദ്യാഭ്യാസം ദേശസാൽക്കരിക്കുക എന്ന നയം പ്രഖ്യാപിച്ചപ്പോൾ മുരളീധര വിലാസം സ്കൂൾ വിട്ടുകൊടുക്കുകയാണ് ഉണ്ടായത് .പിന്നീട് 1956 ൽ ശ്രീ മന്നത്തു പത്മനാഭൻ്റെ ഏറ്റവും വലിയ ലക്ഷ്യങ്ങളിലൊന്ന് വിദ്യാഭ്യാസം എന്ന ആശയത്തിൽ ഊന്നി നിന്നുകൊണ്ട് ശ്രീ മാടപ്പാട്ട് ഗോപാലപിള്ള ഉള്ള തൻറെ ഒന്നര ഏക്കർ സ്ഥലം വിട്ടു കൊടുത്തുകൊണ്ട് യു പി സ്കൂൾ ആരംഭിച്ചു ആ സ്കൂൾ ആണ് ഇന്നത്തെ എം ജി പി എൻ എസ് എസ് ഹൈസ്കൂൾ.

സമീപപ്രദേശങ്ങളിൽ സ്കൂളുകൾ ഇല്ലാതിരുന്ന കാലഘട്ടങ്ങളിൽ മങ്കൊമ്പ്, മേച്ചാൽ എന്നീ പ്രദേശങ്ങളിൽ നിന്നും കുട്ടികൾ ഒറ്റയടിപ്പാതയിലൂടെ ഏകദേശം 18 കിലോമീറ്ററോളം നടന്നുവന്ന് ഈ സ്കൂളിൽ പഠിച്ചിരുന്നതാ യി പറയപ്പെടുന്നു .ഈ സ്കൂളിൽ നിന്നും പഠിച്ചിറങ്ങിയ 90 ശതമാനം കുട്ടികളും ഇന്ന് സർക്കാർ സർവീസിൽ ജോലി ചെയ്യുന്നുണ്ട്.ലാലച്ചൻ തലനാട് എന്ന വ്യക്തിയുടെ നേതൃത്വത്തിൽ ആരംഭിച്ച ടൈസ് എന്ന സൗജന്യ പി എസ് സി പരീക്ഷ പരിശീലന കേന്ദ്രം ഈ നാട്ടിലെ വിദ്യാർഥികൾക്ക് സർക്കാർ ജോലി നേടിക്കൊടുക്കാൻ സഹായകമായി. ഇന്ന് ഈ പഞ്ചായത്തിൽ ടൈസിന് ലാലച്ചൻ സ്മാരകമന്ദിരം എന്ന കെട്ടിടം സ്വന്തമായിട്ടുണ്ട്.