ഗവ.എൽ പി എസ് തുരുത്തിശ്ശേരി/ചരിത്രം
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
തുരുത്തിശ്ശേരി ഭാഗത്തു സ്ഥിതി ചെയ്തിരുന്ന ഈ വിദ്യാലയം അത്താണി ഭാഗത്തേക്കു മാറ്റി പണിയുകയാണുണ്ടായത്.സ്‌കൂളിന്റെ മുൻവശം ദേശീയപാതയും പിറകിലും വടക്കുഭാഗത്തുംഎം .എ .എച്.എസ് വക ഗ്രൗണ്ടും തെക്കുഭാഗത്തായി മേക്കാട് ഭാഗത്തേക്കു പോകുന്ന വഴിയുമാണ്.
പണ്ട് ഈ സ്‌കൂളിന്റെ മുറ്റത്തു കൂടി കാളവണ്ടികളും മറ്റു വാഹനങ്ങളും പോയിരുന്നതായി പഴമക്കാരിൽ നിന്നും അറിയാൻ കഴിഞ്ഞിട്ടുണ്ട് .നെടുമ്പാശ്ശേരി ഗ്രാമപഞ്ചായത്തിന് വിട്ടു കിട്ടിയ ഒരു സ്ഥാപനമെന്ന നിലയിൽ സ്‌കൂളിന്റെ ഭൗതികസൗകര്യങ്ങൾ മെച്ചപ്പെടുത്തുന്നതിന് പഞ്ചായത് അധികൃതർ പരിശ്രമിച്ചിട്ടുണ്ട്.ഇപ്പോൾ സ്കൂളിന് ചുറ്റുമതിലും നിർമ്മിച്ചിട്ടുണ്ട്
കുറെ വർഷങ്ങൾക് മുൻപ് ഏകദേശം 20 ൽ പരം ഡിവിഷനുകളും 800 ൽ പരം കുട്ടികളും ഇവിടെ പേടിച്ചിരുന്നു എന്ന് അറിയാൻ കഴിഞ്ഞു .തൊട്ടടുത്തുള്ള ഹൈ സ്കൂൾ ആയ എം .എ .എച്.എസ് ൽ 5 -ആം ക്‌ളാസിൽ പ്രവേശനം ലഭിക്കുന്നതിനു വിദൂര സ്ഥലങ്ങളിൽ നിന്ന് പോലും ഇവിടത്തെ നാലാം ക്‌ളാസിൽ കുട്ടികളെ കൊണ്ടുവന്നു ചേർത്തിരുന്നു .
എന്നാൽ തൊട്ടടുത്ത് അത്താണി അസീസി എൽ പി സ്കൂൾ എന്ന അൺഎയ്ഡഡ് വിദ്യാലയവും പിന്നീട് തുരുത്തിശ്ശേരി സിംഹാസന പള്ളി വകയായി മാർ അത്തനേസിയസ്‌ എൽ പി സ്‌കൂളും തുടങ്ങിയതോടെ ഇവിടെ ഒന്നാം ക്‌ളാസിൽ കുട്ടികളുടെ പ്രവേശനം കുറയാൻ തുടങ്ങി. കൂടാതെ രക്ഷിതാക്കളുടെ സർക്കാർ സ്‌കൂളുകളോടുള്ള മനോഭാവവും കുട്ടികൾ കുറയാൻ കാരണമായി. അത് കൂടാതെ തുരുത്തിശ്ശേരി ഭാഗത്തു നിന്നും കുട്ടികൾക്കു ദേശീയപാത മുറിച്ചു കടന്നു വരിക വളരെ ബുദ്ധിമുട്ടുള്ള കാര്യമാണ് .എപ്പോഴും വാഹനങ്ങൾ അതിവേഗത്തിൽ പാഞ്ഞുപോകുന്നതിനാൽ കുട്ടികളെ സ്‌കൂളിന്റെ എതിർഭാഗത്തുള്ള രക്ഷിതാക്കൾ ഇവിടെ ചേർക്കാൻ മടിക്കുന്നു .
എന്നിരുന്നാലും ഇ അധ്യയന വർഷത്തെ ഹാജർനില മുൻവർഷത്തേക്കാൾ മെച്ചപ്പെടുത്തുന്നതിന് പഞ്ചായത്തിന്റെയും സ്കൂൾ സപ്പോർട്ടിങ് ഗ്രുപ്പിന്റെയും പൂർവ്വവിദ്യാര്ഥികളുടെയും ശ്രമഫലമായി സാധിച്ചു