ഗവ.എച്ച്.എസ്സ്.എസ്സ് വീയപുരം/സ്റ്റൂഡന്റ് പോലീസ് കാഡറ്റ്/2025-26

2026-27

സ്കൂൾ ലെവൽ അഡ്വൈസറി കമ്മിറ്റി (SLAC) മീറ്റിംഗ്

1. SLAC-1: 2025 ജൂലൈ 31

വീയപുരം SPC യൂണിറ്റിൻ്റെ 2025-26 അക്കാദമിക വർഷത്തെ ആദ്യ SLAC മീറ്റിംഗ് 2025 ജൂലൈ 31 ന് നടത്തി. വീയപുരം പോലീസ് SHO ഷഫീക് എ, സ്കൂൾ HM ശ്രീലേഖ എസ്, വാർഡ് മെമ്പർ ജഗേഷ് എം, എക്സൈസ് ഇൻസ്പെക്ടർ ശ്രീ അരുൺ കുമാർ വി, സ്റ്റാഫ് സെക്രട്ടറി മുഹമ്മദ് ഷെരീഫ്, SPC DI അലി ഹസ്സൻകുഞ്ഞ്, CPO മാരായ പ്രദീപ് കുമാർ ജി, സജിത കുമാരി എസ്സ് എന്നിവർ പങ്കെടുത്തു. SPC യുടെ ഈ അക്കാദമിക വർഷത്തെ പ്രവർത്തനങ്ങൾ, വിവിധ ഡിപ്പാർട്ട്മെൻ്റുകളിൽ നിന്നും ഇൻഡോർ ക്ലാസ്സുകൾ ലഭ്യമാക്കുന്നത് സംബന്ധിച്ചും, SPC Day ആഘോഷങ്ങളെക്കുറിച്ചും തീരുമാങ്ങൾ എടുത്തു.

2. SLAC-2: 2025 ആഗസ്റ്റ് 26

വീയപുരം SPC യൂണിറ്റിൻ്റെ 2025-26 അക്കാദമിക വർഷത്തെ രണ്ടാം SLAC മീറ്റിംഗ് 2025 ആഗസ്റ്റ് 26 ന് നടത്തി. വീയപുരം പോലീസ് SHO ഷഫീക് എ, സ്കൂൾ HM ശ്രീലേഖ എസ്, വാർഡ് മെമ്പർ ജഗേഷ് എം, സ്കൂൾ PTA പ്രസിഡൻറ് കമറുദ്ധീൻ, എക്സൈസ് ഇൻസ്പെക്ടർ ശ്രീ അരുൺ കുമാർ വി, സ്റ്റാഫ് സെക്രട്ടറി മുഹമ്മദ് ഷെരീഫ്, SPC DI അലി ഹസ്സൻകുഞ്ഞ്, CPO മാരായ പ്രദീപ് കുമാർ ജി, സജിത കുമാരി എസ്സ് എന്നിവർ പങ്കെടുത്തു. SPC ഓണം ക്യാമ്പിനെ പറ്റിയും സൂപ്പർ സീനിയർ കേഡറ്റുകളുടെ പാസിംഗ് ഔട്ട് സെപ്റ്റംബറിൽ നടത്തുന്നതുമായും ബന്ധപ്പെട്ട തീരുമാനങ്ങൾ എടുത്തു.

SPC പാരന്റ്സ് മീറ്റിംഗ്

1. SPC പാരന്റ്സ് മീറ്റിംഗ് - 1: 2025 ആഗസ്റ്റ് 6

SPC ജൂനിയർ കേഡറ്റിൻ്റെ പാരൻ്റ്സ് മീറ്റിംഗ് 6/8/2025 ന് നടത്തി. പാരൻ്റ്സ് മീറ്റിംഗിൽ SPC യെക്കുറിച്ചും SPC കേഡറ്റുകൾ പാലിക്കേണ്ട നീയമങ്ങളെക്കുറിച്ചും ACPO സജിതകുമാരി എസ് വിശദീകരിച്ചു.

2. SPC പാരന്റ്സ് മീറ്റിംഗ് - 2: 2025 ആഗസ്റ്റ് 26

SPC ഓണം ക്യാമ്പിൻ്റെ പ്രാധാന്യത്തെപ്പറ്റിയും, ക്യാമ്പിലുള്ള പ്രവർത്തനങ്ങളെ പറ്റിയും രക്ഷാകർത്താക്കളെ അറിയിച്ചു.

പ്രവേശനോത്സവം

2025 ജൂൺ 9

വെള്ളപ്പൊക്കത്തെ തുടർന്ന് ക്യാമ്പ് പ്രവർത്തിച്ചിരുന്നതിനാൽ സ്കൂൾ 2025-26 അദ്ധ്യയന വർഷം പ്രവർത്തനങ്ങൾ ഒരു ആഴ്ച വൈകിയാണ് ആരംഭിച്ചത്. 2025 ജൂൺ 9 ന് പ്രവേശനോത്സവം നടത്തി. SPC കേഡറ്റുകൾ മധുരം നൽകി നവാഗതരായ കുട്ടികളെ സ്വീകരിച്ചു.

യോഗദിനാചാരണം

2025 ജൂൺ 21

SPC യൂണിറ്റിൻ്റെ നേതൃത്ത്വത്തിൽ യോഗദിനം-ജൂൺ 21 ആചരിച്ചു. യോഗാചാര്യനായ കൃഷ്ണകുമാർ സർ കേഡറ്റുകൾക്ക് യോഗയെ കുറിച്ച് ക്ലാസ്സ് നൽകി.

പോലീസ് സ്റ്റേഷൻ സന്ദർശനം

2025 ജൂൺ 23

ലീഗൽ ലിറ്ററസി പ്രോജക്ടിൻ്റെ ഭാഗമായി പോലീസ് സ്റ്റേഷൻ്റെ പ്രവർത്തനങ്ങൾ നേരിട്ടറിയുന്നതിനായി കേഡറ്റുകൾ 2025 ജൂൺ 23 ന് വീയപുരം പോലീസ് സ്റ്റേഷൻ സന്ദർശിച്ചു. വീയപുരം പോലീസ് സ്റ്റേഷനിലെ SI രാജീവ്, CPO രജ്ഞിത്ത് എന്നിവർ പോലിസ് സ്റ്റേഷൻ്റെ പ്രവർത്തനവും, സ്റ്റേഷനിൽ ഉളള വിവിധ ആയുധങ്ങളും കേഡറ്റുകൾക്ക് പരിചയപ്പെടുത്തി.

പോലീസ് സ്റ്റേഷന്റെ പ്രവർത്തങ്ങൾ പോലീസ് ഉദ്യോഗസ്ഥർ കേഡറ്റുകൾക്ക് വിശദീകരിച്ചു കൊടുക്കുന്നു.
CPO രജ്ഞിത്ത് സ്റ്റേഷനിൽ ഉളള വിവിധ ആയുധങ്ങൾ കേഡറ്റുകൾക്ക് പരിചയപ്പെടുത്തുന്നു

അന്താരാഷ്ട്ര ലഹരിവിരുദ്ധദിനാചരണം

2025 ജൂൺ 26

അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി വീയപുരം ഗവൺമെൻ്റ് ഹയർസെക്കൻ്ററി സ്കൂളിൽ പോലീസ്, ഹെൽത്ത് ഡിപ്പാർട്ട്മെൻ്റുകളുടെയും സ്കൂളിലെ SPC, വിമുക്തി ക്ലബ്ബ്, ഹെൽത്ത് ക്ലബ്ബ് എന്നിവയുടേയും സഹകരണത്തോടെ വിവിധ പ്രവർത്തനങ്ങൾ നടത്തുകയുണ്ടായി. ബോധവത്കരണ ക്ലാസ്സ്, ലഹരി വിരുദ്ധ പ്രതിജ്ഞ, ലഹരി വിരുദ്ധ റാലി, ഒപ്പുശേഖരണം, പോസ്റ്റർ രചന മത്സരം, ഫ്ലാഷ് മോബ്.

1. ബോധവത്കരണ ക്ലാസ്സ്

സ്കൂൾ പ്രിൻസിപ്പൽ ഡി. ഗോപകുമാറിൻ്റെ അദ്ധ്യക്ഷതയിൽ നടന്നയോഗം വീയപുരം പഞ്ചായത്ത് പ്രസിഡൻ്റ് ശ്രീമതി ഷീജ സുരേന്ദ്രൻ ഉദ്ഘാടനം ചെയ്തു. ചെറുതന പഞ്ചായത്ത് പ്രസിഡൻ്റ് എബി മാത്യൂ, വീയപുരം പഞ്ചായത്ത് മെമ്പർ ഇഗേഷ് എം, വീയപുരം പോലീസ് SHO ഷഫീക്ക് എ, SI പ്രദീപ്, വീയപുരം ഹെൽത് ഇൻസ്പെക്ടർ സുനിൽ സുധാകരൻ എന്നിവർ ചടങ്ങിൽ സംസാരിക്കുകയും ലഹരിയുടെ ദൂഷ്യ വശങ്ങളെക്കുറിച്ച് കുട്ടികളെ ബോധവത്കരിക്കുയും ചെയ്തു. വീയപുരം പോലീസ് സബ് ഇൻസ്പെക്ടർ ശ്രീ. രാജീവ് നന്ദി പ്രകാശിപ്പിച്ചു.

2. ലഹരി വിരുദ്ധ പ്രതിജ്ഞ

വീയപുരം പോലീസ് സബ് ഇൻസ്പെക്ടർ ആയ ശ്രീ. രാജീവ് കുട്ടികൾക്ക് ലഹരി വിരുദ്ധ പ്രതിജ്ഞാ വാചകം ചൊല്ലികൊടുത്തു.

3. ലഹരി വിരുദ്ധ റാലി

ലഹരി വിരുദ്ധ റാലി വീയപുരം പഞ്ചായത്ത് പ്രസിഡൻ്റ് ഷീജ സുരേന്ദ്രൻ ഫ്ലാഗ് ഓഫ് ചെയ്തു. വീയപുരം സ്കൂളിൽ നിന്നും ആരംഭിച്ച ലഹരിവിരുദ്ധ റാലി വീയപുരം ജംഗ്ഷനിൽ എത്തിച്ചേരുകയും പൊതുജനപങ്കാളിത്തം കൊണ്ട് ശ്രദ്ധേയമാവുകയും ചെയ്തു. വിദ്യാർത്ഥികളോടൊപ്പം അദ്ധ്യാപകർ, അനദ്ധ്യാപകർ, പി. റ്റി. എ പ്രതിനിധികൾ, ജനപ്രതിനിധികൾ എന്നിവരും റാലിയുടെ ഭാഗമായി. റാലിയിൽ പങ്കെടുത്ത എല്ലാ വിദ്യാർത്ഥികൾക്കും ജംഗഷനിലെ ഓട്ടോ തൊഴിലാളി യൂണിയൻ്റെ നേതൃത്ത്വത്തിൽ ലഘുഭക്ഷണം വിതരണം ചെയ്തു.

ലഹരി വിരുദ്ധ റാലി വീയപുരം പഞ്ചായത്ത് പ്രസിഡന്റ് ശ്രീമതി ഷീജ സുരേന്ദ്രൻ ഫ്ലാഗ് ഓഫ് ചെയ്യുന്നു.
ലഹരി വിരുദ്ധ റാലി.

.

4. ഒപ്പുശേഖരണം

ലഹരിക്കെതിരേയുള്ള ഒപ്പു ശേഖരണം വീയപുരം പോലീസ് SHO ഷെഫീക്ക് എ തുടങ്ങി വച്ചു. ജനപ്രതിനിധികൾ, പി. റ്റി. എ പ്രതിനിധികൾ അദ്ധ്യാപകർ, അനദ്ധ്യാപകർ, വിദ്യാർത്ഥികൾ, രക്ഷകർത്താക്കൾ എന്നിവർ പ്രസ്തുത പ്രവർത്തനത്തിൽ പങ്കാളികളായി.

5. പോസ്റ്റർ രചന മത്സരം

ലഹരി വിരുദ്ധ ദിനത്തിൻ്റെ ഭാഗമായി സ്കൂളിൽ പോസ്റ്റർ രചനാ മത്സരം സംഘടപ്പിച്ചു. ടി മത്സരത്തിൽ എച്ച്. എസ് വിഭാഗത്തിൽ ജിയ സൂസൻ (9B) 1-ാം സ്ഥാനവും, അനാമിക ഷാബു (9A) 2-ാം സ്ഥാനവും കരസ്ഥമാക്കി, യു. പി വിഭാഗത്തിൽ ഹൈഫ രാജീവ് (6B), അനുഷ ഹരിദാസ് (6B ) എന്നിവർ യഥാക്രമം ഒന്നും രണ്ടും സ്ഥാനങ്ങൾ കരസ്ഥമാക്കി.

6. ഫ്ലാഷ് മോബ്

ലഹരിക്കെതിരേയുള്ള സന്ദേശം നൽകുന്നത്തിനായി സീനിയർ വിഭാഗം പെൺകുട്ടികളുടെ നേതൃത്ത്വത്തിൽ ഫ്ലാഷ് മോബ് അവതരിപ്പിച്ചു.

ലോക ജനസംഖ്യാദിനാചാരണം

2025 ജൂലൈ 11

ലോക ജനസംഖ്യ ദിനമായ ജൂലൈ 11 ന് ജനസംഖ്യാ വളർച്ച മൂലമുണ്ടാകുന്നു പ്രശ്നങ്ങളെക്കുറിച്ച് കുട്ടികളെ ബോധവത്കരിക്കുന്നതിനായി SPC യുടെ നേതൃത്ത്വത്തിൽ പോസ്റ്റർ നിർമ്മിക്കുകയും പോസ്റ്റർ പ്രദർശനം നടത്തുകയും ചെയ്തു.

ന്യൂട്രിയൻ്റ് ഗാർഡൻ ഉദ്ഘാടനം

2025 ജൂലൈ 11

വീയപുരം കൃഷിഭവൻ്റെ സഹകരണത്തോടെ ഹെൽത്ത് ക്ലബ്ബ്, സീഡ് ക്ലബ്ബ്, SPC എന്നിവയുടെ നേതൃത്ത്വത്തിൽ GHSS വിയപുരത്ത് ന്യൂട്രിയൻ്റ് ഗാർഡൻ ആരംഭിച്ചു. പഞ്ചായത്ത് പ്രസിഡൻ്റ് ഷീജ സുരേന്ദ്രൻ ഉദ്ഘാടനം ചെയ്തു.

SPC ദിനാഘോഷം

2025 ആഗസ്റ്റ് 2

SHO ഷഫീക് എ. SPC പതാക ഉയർത്തുന്നു.
SPC ക്വിസ്
SPC ക്വിസിൽ ഒന്നാം സ്ഥാനം നേടിയ റിയ റേച്ചൽ വർഗീസ്

GHSS വീയപുരത്തെ SPC യൂണിറ്റിൻ്റെ നേതൃത്ത്വത്തിൽ SPC യുടെ സ്ഥാപക ദിനമായ ആഗസ്റ്റ് 2 വിവിധ പരിപാടികളോടെ ആഘോഷിച്ചു. വീയപുരം പോലീസ് SHO ആയ ഷെഫീക്ക് എ SPC പതാക ഉയർത്തിക്കൊണ്ട് പരിപാടികൾക്ക് തുടക്കം കുറിച്ചു. ശേഷം കേഡറ്റുകളുടെ നേതൃത്ത്വത്തിൽ വിവിധ കലാപരിപാടികൾ നടത്തി. ദിനാഘോഷത്തിൻ്റെ ഭാഗമായി നടത്തിയ SPC ക്വിസ്സിൽ സീനിയർ കേഡറ്റായ റിയ റേച്ചൽ വർഗീസ്സ് ഒന്നാം സ്ഥാനം നേടി.

സ്വാതന്ത്ര്യ ദിനാഘോഷം

2025 ആഗസ്റ്റ് 15

GHSS വീയപുരത്ത് നടന്ന സ്വാതന്ത്ര്യ ദിനാഘോഷ പരിപാടികളിൽ സ്കൂൾ SPC യും സജീവമായി പങ്കെടുത്തു. SPC സീനിയർ കേഡറ്റായ മൈഥിലി എം സ്വാത്രന്ത്ര്യ ദിനാഘോഷ പരിപാടികൾ ആങ്കർ ചെയ്തു. സ്വാതന്ത്ര്യ ദിനറാലിയിലും ശേഷം നടത്തിയ കലാപരിപാടികളിളും SPC കേഡറ്റുകളുടെ സജീവ പങ്കാളിത്തം ഉണ്ടായിരുന്നു.

SPC ഓണം ക്യാമ്പ്

1. ഒന്നാം ദിവസം

SPC പതാക ഉയർത്തൽ

GHSS വീയപുരം SPC യൂണിറ്റിന്റെ ആഭിമുഖ്യത്തിൽ 2025-26 വർഷത്തെ SPC ഓണം ക്യാമ്പ് ആഗസ്റ്റ് 27, 28, 29 ദിവസങ്ങളിൽ സംഘടിപ്പിച്ചു. ആഗസ്റ്റ് 27 രാവിലെ 10:00 am ന് വിയപുരം പോലീസ് സ്റ്റേഷനിലെ SI ശ്രീ. രാജീവ് പതാക ഉയർത്തിക്കൊണ്ട് എസ്പിസിയുടെ ഓണാൻ ക്യാമ്പ് ആരംഭിച്ചു.

വിയപുരം പോലീസ് സബ് ഇൻസ്പെക്ടർ ശ്രീ. രാജീവ് SPC പതാക ഉയർത്തുന്നു
വീയപുരം ഗ്രാമപഞ്ചായത്ത് പ്രസിഡന്റ് ശ്രീമതി. ഷീജ സുരേന്ദ്രൻ ക്യാമ്പിന്റെ ഉദ്ഘാടന കർമം നിർവഹിക്കുന്നു

ക്യാമ്പ് ഉദ്ഘാടനം

തുടർന്ന് നടന്ന ഉദ്ഘാടന സമ്മേളനത്തിന് വാർഡ് മെമ്പർ ശ്രീ. ജഗേഷ് എം. അധ്യക്ഷത വഹിച്ചു. സ്കൂൾ HM ശ്രീമതി. ശ്രീലേഖ എസ്. സ്വാഗതം ആശംസിച്ചു. ക്യാമ്പിന്റെ ഉദ്ഘാടനം വീയപുരം ഗ്രാമപഞ്ചായത്ത് പ്രസിഡന്റ് ശ്രീമതി. ഷീജ സുരേന്ദ്രൻ നിർവഹിച്ചു. തുടർന്ന് വീയപുരം S.I. ശ്രീ. രാജീവ് കേഡറ്റുകൾക്ക് ക്യാമ്പ് സന്ദേശം നൽകി. അദ്ധ്യാപകരായ മുഹമ്മദ് ഷെരീഷ്, ഷൈനി എബ്രഹാം, ഹരിപ്പാട് ഫയർ & റെസ്ക്യു ഓഫീസറായ രാഹുൽ ആർ എന്നിവർ ആശംസകൾ നൽകി. SPC യുണിറ്റ് ACPO ആയ ശ്രീമതി. സജിതകുമാരി എസ് നന്ദി രേഖപ്പെടുത്തി.

ഫയർ ആൻ്റ് റെസ്ക്യു ക്ലാസ്സ്

ക്യാമ്പിലെ ആദ്യ സെഷൻ ഫയർ ആൻ്റ് റെസ്‌ക്യു സർവ്വീസിനെ കുറിച്ചായിരുന്നു. ഹരിപ്പാട് ഫയർ & റെസ്ക്യു ഓഫീസറായ രാഹുൽ ആർ ൻ്റെ നേതൃത്ത്വത്തിൽ കേഡറ്റുകൾക്ക് CPR, ചോക്കിംഗ്, ഫയർ എക്സ്റ്റിൻഗ്യുഷർ, വിവിധ റസ്ക്യു ലിഫ്റ്റിംഗ് ടെക്നിക്കുകൾ എന്നിവയെകുറിച്ചുള്ള ക്ലാസ്സ് നൽകി.

ഹരിപ്പാട് ഫയർ & റെസ്ക്യു ഓഫീസറായ രാഹുൽ ആർ
ക്ലാസ് നയിക്കുന്നു

ലഹരിവിരുദ്ധ ബോധവത്കരണ ക്ലാസ്സ്

കാർത്തികപ്പള്ളി എക്സൈസ് റേഞ്ച് സബ് ഇൻസ്പെക്ടറായ ശ്രീ. അരുൺ കുമാർ വി കേഡറ്റുകൾക്ക് ലഹരിയുടെ ദൂഷ്യവശങ്ങളെക്കുറിച്ചുള്ള ബോധവത്കരണക്ലാസ്സ് നൽകി.

ബോധവൽക്കരണ ക്ലാസിനു ശേഷം കേഡറ്റുകളുടെ പരേഡ് ട്രെയിനിംഗ് പരേഡ് ഗ്രൗണ്ടിൽ നടന്നു. ക്യാമ്പസ് ക്ലീനിങ്ങോടെ ക്യാമ്പിന്റെ ഒന്നാം ദിവസത്തെ പ്രവർത്തനങ്ങൾ അവസാനിച്ചു.

2. രണ്ടാം ദിവസം

യോഗ ട്രെയിനിങ്

യോഗ അധ്യാപകരായ ദിനേശ്, ജയശ്രീ ഷാ എന്നിവർ കേഡറ്റുകൾക്ക് യോഗ പരിശീലനം നൽകുന്നു.

ക്യാമ്പിന്റെ രണ്ടാം ദിവസത്തെ പ്രവർത്തനങ്ങൾ രാവിലെ 7:30 ന് ആരംഭിച്ചു. ആദ്യത്തെ സെഷൻ യോഗയെ സംബന്ധിച്ചതായിരുന്നു. യോഗ അധ്യാപകരായ ദിനേശ്, ജയശ്രീ ഷാ എന്നിവരുടെ നേതൃത്വത്തിൽ കേഡറ്റുകൾക്ക് യോഗ ട്രെയിനിങ് നൽകി.

സൈബർ അവയർനെസ്സ് ക്ലാസ്

പ്രഭാതഭക്ഷണത്തിനുശേഷം രണ്ടാമത്തെ സെക്ഷൻ ആയിട്ടുള്ള സൈബർ അവയർനെസ്സ് ക്ലാസ് നടത്തി. വിയപുരം പോലീസ് സബ് ഇൻസ്പെക്ടർ ആയിട്ടുള്ള രാജീവ് നേതൃത്വത്തിലായിരുന്നു സൈബർ അവയർനെസ് ക്ലാസ്സ് കണ്ടെത്തിയത്. കുട്ടികൾ അകപ്പെടാൻ സാധ്യതയുള്ള വിവിധ സൈബർ കുറ്റകൃത്യങ്ങളെ കുറിച്ച് രാജീവ് സാർ കേഡറ്റുകൾക്ക് വിശദീകരിച്ചു കൊടുത്തു.

വിയപുരം പോലീസ് സബ് ഇൻസ്പെക്ടർ ശ്രീ. രാജീവ് സൈബർ അവയർനെസ് ക്ലാസ്സ് നടത്തുന്നു.
ലൈസൻസ്ഡ് സ്നേക്ക് റെസ്ക്യൂവർ ആയ ചാർലി വർഗീസിസ് ക്ലാസ് നയിക്കുന്നു.

സ്നേക്ക് ബൈറ്റ് അവയർനെസ്സ് ക്ലാസ്

ഉച്ചയ്ക്കു ശേഷമുള്ള ആദ്യ സെഷൻ സ്നേക്ക് ബൈറ്റ് അവയർനെസ്സ് ക്ലാസ് ആയിരുന്നു. ലൈസൻസ്ഡ് സ്നേക്ക് റെസ്ക്യൂവർ ആയ ചാർലി വർഗീസ് ൻ്റെ നേതൃത്വത്തിൽ ആയിരുന്നു ക്ലാസ് നടത്തിയത്. ചാർലി സർ വിവിധതരം പാമ്പുകളെ കുറിച്ചും കേരളത്തിലുള്ള വിഷമുള്ള പാമ്പുകളെ കുറിച്ചും പാമ്പുകടിയേറ്റ് കഴിഞ്ഞാൽ എന്താണ് ചെയ്യേണ്ടത് എന്നതിനെക്കുറിച്ച് കേഡറ്റുകൾക്ക് മനസ്സിലാക്കി കൊടുത്തു.

ക്ലാസിനു ശേഷം പരേഡ് ട്രെയിനിങ്ങും ശേഷം ക്യാമ്പസ് ക്ലീനിങ്ങും നടത്തിക്കൊണ്ട് രണ്ടാമത്തെ ദിവസത്തെ പ്രവർത്തനങ്ങൾ അവസാനിച്ചു.

3. മൂന്നാം ദിവസം

SPC ക്യാമ്പിലെ മൂന്നാമത്തെ ദിവസം പ്രധാനമായും ഓണാഘോഷമായിരുന്നു. കേഡറ്റുകൾ പൂക്കളം നിർമ്മിച്ചും, വിവിധ മത്സരങ്ങൾ നടത്തിക്കൊണ്ടും, കലാപരിപാടികൾ അവതരിപ്പിച്ചും ഓണാഘോഷം നടത്തി.

പാസ്സിങ് ഔട്ട്‌ പരേഡ്

ഒക്ടോബർ 8

GHSS വീയപുരം, GHSS ആയാപറമ്പ് SPC യൂണിറ്റുകൾ സംയുക്തമായി സൂപ്പർ സീനിയർ കേഡറ്റുകളുടെ പാസിംഗ് ഔട്ട്‌ പരേഡ് 2025 ഒക്ടോബർ 8 ന്, GHSS ആയാപറമ്പ് സ്കൂൾ ഗ്രൗണ്ടിൽ വെച്ച് നടത്തി. ജില്ലാ പഞ്ചായത്ത്‌ മെമ്പർ ശ്രീമതി എ. ശോഭ ചടങ്ങിൽ മുഖ്യ അഥിതിയായി സല്യൂട്ട് സ്വീകരിച്ചുകൊണ്ട് കേഡറ്റുകളെ അഭിവാദ്യം ചെയ്ത് സംസാരിച്ചു. GHSS വീയപുരത്തെ കേഡറ്റായ ഫാത്തിമ ഫാസില ഇസ്മായിൽ കാദിർ പരേഡ് കമാൻഡറും, GHSS ആയാപറമ്പിലെ കേഡറ്റായ ദിൽന അമാന സെക്കന്റ്‌ കമാൻഡറും ആയി പരേഡ് നിയന്ത്രിച്ചു. വീയപുരം വാർഡ് മെമ്പർ ജഗേഷ് എം, വീയപുരം പോലീസ് SHO ശ്രീ. ഷഫീക്ക് എ, HM മാരായ ശ്രീമതി ശ്രീലേഖ എസ്, ശ്രീമതി. സീന കെ. നൈനാൻ, സി പി ഒ മാർ, ഡി ഐ മാർ, രക്ഷകർത്താക്കൾ, അധ്യാപകർ എന്നിവർ ചടങ്ങിൽ പങ്കെടുത്തു.

കേഡറ്റുകൾ ദേശിയ പതാകയെ സല്യൂട്ട് ചെയ്യുന്നു.

നഗരവാടിക സന്ദർശനം

ഒക്ടോബർ 30

കേരള വനം വന്യജീവി വകുപ്പ് “നഗര വാടിക” പദ്ധതിയുടെ ഭാഗമായി വീയപുരം തടി ഡിപ്പോയിൽ സജ്ജീകരിച്ചിട്ടുള്ള കുട്ടികളുടെ പാർക്ക്‌, അലങ്കാര മുളത്തോട്ടം, പ്രതീക വനങ്ങൾ, വനശ്രീ ഇക്കൊഷോപ്പ് എന്നിവ ഗവൺമെൻറ് ഹയർ സെക്കൻഡറി സ്കൂൾ വീയപുരത്തെ SPC കേഡറ്റുകൾ സന്ദർശിച്ചു.

കേഡറ്റുകൾ CPO, ACPO എന്നിവർക്കൊപ്പം

രാഷ്ട്ര ഏകതാ ദിനാചരണം

ഒക്ടോബർ 31

സ്റ്റുഡൻറ് പോലീസ് കേഡറ്റ് പദ്ധതി ഗവൺമെൻറ് ഹയർ സെക്കൻഡറി സ്കൂൾ വീയപുരം ഒക്ടോബർ 31 രാഷ്ട്ര ഏകതാ ദിനാചരണത്തിന്റെ ഭാഗമായി കൂട്ടയോട്ടം സംഘടിപ്പിച്ചു. വീയപുരം പോലീസ് SI ശ്രീ. ഉദയകുമാർ കൂട്ടയോട്ടം ഫ്ലാഗ് ഓഫ് ചെയ്തു. കൂട്ടയോട്ടം അവസാനിച്ച പായിപ്പാട് ജംഗ്ഷനിൽ വെച്ച് വീയപുരം പോലീസ് SHO ശ്രീ. സുബ്രഹ്മണ്യൻ രാഷ്ട്ര ഏകതാ ദിനാഘോഷത്തിന്റെ പ്രാധാന്യത്തെക്കുറിച്ച് കേഡറ്റുകളോട് സംസാരിച്ചു. വീയപുരം പോലീസ് SI ശിവദാസമേനോൻ, ഡ്രിൽ ഇൻസ്ട്രക്ടർമാരായ അലി ഹസ്സൻ കുഞ്ഞ്, ബിന്ദു എം എസ്, കമ്മ്യൂണിറ്റി പോലീസ് ഓഫീസർ പ്രദീപ്‌ കുമാർ ജി, അധ്യാപകനായ രോഹിത്, സിവിൽ പോലീസ് ഓഫീസർമാരായ എബിൻ ആൽബിൻ, വിഷ്ണു എന്നിവർ കൂട്ടയോട്ടത്തിന് നേതൃത്വം, നൽകി. വീയപുരം ഹയർ സെക്കന്ററി സ്കൂൾ മുതൽ പായിപ്പാട് ജംഗ്ഷൻ വരെ രാവിലെ 6. 30 നാണ് കൂട്ടയോട്ടം സംഘടിപ്പിച്ചത്.

പ്രൊമോഷൻ ടെസ്റ്റ്‌

നവംബർ 6,15

നവംബർ സൂപ്പർ സീനിയർ കേഡറ്റുകളുടെ കായിക ക്ഷമത പരീക്ഷയും പരേഡ് ടെസ്റ്റും നവംബർ 6 ന് നടത്തി. എഴുത്തു പരീക്ഷ നവംബർ 15 നും നടത്തി.

കായികക്ഷമത പരീക്ഷ
എഴുത്തു പരീക്ഷ
പരേഡ് ടെസ്റ്റ്‌

ശിശുദിനാചരണം

നവംബർ 14

SPC കേഡറ്റുകൾ സ്കൂളിലെ LKG, UKG കുട്ടികളോടൊപ്പം ശിശു ദിനം ആഘോഷിച്ചു. കുട്ടികൾക്ക് മധുരം വിതരണം ചെയ്യുകയും, കുട്ടികളോടൊപ്പം പാട്ടു പാടുകയും, കുട്ടികളുടെ വിവിധ മത്സരങ്ങൾ സംഘടിപ്പിക്കുകയും ചെയ്തു.

SPC കേഡറ്റുകൾ കുട്ടികളോടൊപ്പം

ലഹരി വിരുദ്ധ ബോധവത്കരണ ക്ലാസ്

2025 നവംബർ 19

കാർത്തികപ്പള്ളി എക്സൈസ് റേഞ്ച് സിവിൽ എക്സൈസ് ഓഫീസറും വിമുക്തി കോർഡിനേറ്ററുമായ സജീവ് കുമാർ എസ്, SPC, വിമുക്തി ക്ലബ്‌ കുട്ടികൾക്കായി ലഹരി വിരുദ്ധ ബോധവത്കരണ ക്ലാസ്സ്‌ നടത്തി.ക്ലാസ്സിന് അവസാനം സജീവ് സർ കുട്ടികൾക്ക് ലഹരിവിരുദ്ധ പ്രതിജ്ഞ ചൊല്ലിക്കൊടുക്കുകയും കുട്ടികൾ ഏറ്റു ചൊല്ലുകയും ചെയ്തു.