അമ്മയെയാരും മറക്കരുത്
അമ്മയെയാരും വെറുക്കരുത്
പാലൂട്ടി നമ്മളെ നോക്കി വളർത്തും
അമ്മയെയാരും മറക്കരുത്
എവിടെ ജീവിച്ചാലും എവിടെ വളർന്നാലും
അമ്മയെയാരും മറക്കരുത്
വെയിൽ കൊണ്ട് വാടിത്തളർന്നാലോ
മഴയിൽ തണുത്തു വിറച്ചാലോ
സ്നേഹാശ്വാസമായ് നിറദീപമായ്
കരുതലായ് അമ്മ നിൽക്കുന്നു
ആദ്യം പഠിക്കുന്നതാദ്യം ചൊല്ലുന്ന-
തമ്മയെന്ന വാക്ക് മാത്രം
അമ്മ നമുക്കൊരു ബാധ്യതയല്ല
സഹോദരങ്ങളെ നമ്മളറിയുവിൻ
പോറ്റമ്മ നമ്മുടെ ഭൂമിയാണ്
പെറ്റമ്മ നമ്മുടെ അമ്മയാണ്
