എഫ്.എം.ജി.എച്ച്. എസ്.എസ് കൂമ്പൻപാറ/നാഷണൽ സർവ്വീസ് സ്കീം

നാഷണൽ സർവീസ് സ്കീം

      വിദ്യാർഥികളെ സാമൂഹിക സേവനത്തിൽ പങ്കാളികളാക്കുക എന്ന ഗാന്ധിജിയുടെ സ്വപ്നസാക്ഷാത്കാരം ആണ് നാഷണൽ സർവീസ് സ്കീം . നാഷണൽ സർവീസ് സ്കീമിൽ 100 കുട്ടികൾ അംഗങ്ങളാണ്.എൻ. എസ്. എസ് വോളന്റിയറായി തിരഞ്ഞെടുക്കപ്പെട്ട ഒരു വിദ്യാർത്ഥി രണ്ടു വർഷങ്ങളിലായി ഏറ്റവും കുറഞ്ഞത് 240 മണിക്കൂർ (ഓരോ വർഷവും 120 മണിക്കൂർ വീതം) സേവനപ്രവർത്തനങ്ങളിൽ ഏർപ്പെടേണ്ടതാണ്. ഇതിന് പുറമെഒരുസപ്തദിനക്യാമ്പിലുംനിർബന്ധമായും പങ്കെടുക്കണം. ഒരു വർഷത്തെ 120 മണിക്കൂർ പ്രവർത്തനങ്ങളിൽ20 മണിക്കൂർ വിവിധ പരിശീലനങ്ങൾക്കും (പൊതു ശിക്ഷണം 2 മണിക്കൂർ, പ്രിത്യേക ശിക്ഷണം 8 മണിക്കൂർ, വ്യക്തിത്വവികസനപരീശീലനം 10 മണിക്കൂർ), 30മണിക്കൂർ സ്കൂളിലെ സേവന പ്രവർത്തനങ്ങൾക്കും, 70 മണിക്കൂർ പുറമേയുള്ളസാമൂഹ്യപ്രവർത്തനങ്ങൾക്കുമായി വോളന്റിയേഴ്സ് വിനയോഗിക്കേണ്ടതാണ്.

"അതിജീവനം 2021'

ഫാത്തിമ മാതാഹയർസെക്കന്ററി സ്കൂളിലെനാഷണൽ സർവ്വീസ് സ്കീം യൂണിറ്റിന്റെ ഈവർഷത്തെ സപ്തദിനക്യാമ്പ് 2021 ഡിസംബർ26 മുതൽ 2022 ജനുവരി വരെ നമ്മുടെ വിദ്യാലയത്തിൽ വച്ച് നടന്നു. 'ഇടം' എന്നപേരിൽ ക്യാമ്പിൽ തനതിടം തയ്യാറാക്കുക.ക്യാമ്പസിൽ കൃഷിയിടം സജ്ജമാക്കുക,വയോജനങ്ങൾ നേരിടുന്നമാനസികപ്രയാസങ്ങളുമായി ബന്ധപ്പെട്ട പഠനം,ഭരണഘടനാ വാരാചാരണവുമായിബന്ധപ്പെട്ട കാമ്പയിൻ, ലിംഗനീതിയുമായിബന്ധപ്പെട്ടുള്ള പ്രവർത്തനം,വൈവിധ്യമാർന്ന ക്ലാസുകൾ, വിവിധനിർമ്മാണ പ്രവർത്തനങ്ങൾ, തനത്പ്രവർത്തനങ്ങൾ എന്നിവ, കോവിഡ് മഹാമാരിയുടെപശ്ചാത്തലത്തിൽ"അതിജീവനം 2021' എന്ന് പേരിട്ടിരിക്കുന്ന ഈക്യാമ്പുമായി ബന്ധപ്പെട്ട് നടപ്പിലാക്കി.

നാഷണൽ സർവീസ് സ്കീം യൂണിറ്റിന്റെ 2023-24 വർഷ പ്രവർത്തനങ്ങൾ

എൻഎസ്എസ് യൂണിറ്റ്

ഫാത്തിമ മാതാ സ്കൂളിലെ എൻഎസ്എസ് യൂണിറ്റ് വളരെ കാര്യക്ഷമമായ പ്രവർത്തനങ്ങളാണ് കാഴ്ചവെക്കുന്നത് .സ്കൂളിനും പൊതുജനങ്ങൾക്കും ഉപകാരപ്രദമാകുന്ന ഒട്ടനവധി പ്രവർത്തനങ്ങളാണ് ഈ യൂണിറ്റിന്റെ നേതൃത്വത്തിൽ നടക്കുന്നത് .പുതിയ കൃഷി രീതികൾ പരിശീലിക്കുന്നു ,സ്കൂൾ ക്യാമ്പസ് ശുചീകരണം ,ലഹരി വിരുദ്ധ പ്രവർത്തനങ്ങൾ ,മലിനമായ ചെറു ജലാശയങ്ങൾ വൃത്തിയാക്കൽ രക്തദാനവുമായി ബന്ധപ്പെട്ട പ്രവർത്തനങ്ങൾ ,സ്പെഷ്യൽ സ്കൂളിലെ കുട്ടികളോടൊപ്പം ഒരു ദിനം പരിസരത്തുള്ള മറ്റ് എൽ പി യുപി സ്കൂളിലെ കുട്ടികൾക്ക് ക്ലാസുകൾ നടത്തുന്നു അങ്ങനെ ഒരുപാട് കാര്യങ്ങൾ എൻഎസ്എസ് യൂണിറ്റിന്റെ പ്രവർത്തനങ്ങളിലൂടെ നടക്കുന്നു.

മില്ലറ്റ് കൃഷി

ജീവിതശൈലി രോഗങ്ങളെ പഠിക്ക് പുറത്തു നിർത്തുക എന്ന അവബോധം കുട്ടികളിൽ ഉണ്ടാക്കിയെടുക്കുന്നതിന്റെ ഭാഗമായി ഫാത്തിമ മാതായിലെ എൻഎസ്എസ് യൂണിറ്റിന്റെ നേതൃത്വത്തിൽ കൃഷിക്കായുള്ള നിലമൊരുക്കൽ നടന്നു മില്ലറ്റ് പോലുള്ള ചെറു ധാന്യങ്ങൾ നമ്മുടെ ശരീരത്തിന് എത്രമാത്രം ഗുണകരമാണെന്ന് മറ്റു കുട്ടികളെ മനസ്സിലാക്കി കൊടുക്കാനുള്ള ക്ലാസുകളും എൻഎസ്എസിന്റെ നേതൃത്വത്തിൽ സംഘടിപ്പിച്ചു.പിന്നീട് അധ്യാപകരും കുട്ടികളും ചേർന്ന് മില്ലറ്റ് കൃഷിയുടെ വിത്ത് പാകൽ നടത്തി.

അക്ഷര തെളിമ

എൻഎസ്എസ് യൂണിറ്റിന്റെ പഠന പ്രവർത്തനങ്ങളുടെ ഭാഗമായി ആനച്ചാൽ ജി എൽ പി എസ് സ്കൂളിലെ കുട്ടികൾക്ക് അക്ഷരങ്ങൾ പറഞ്ഞു കൊടുക്കുകയും എളുപ്പത്തിൽ ഗണിത ക്രിയകൾ ചെയ്യാൻ പരിശീലിപ്പിക്കുകയും ചെയ്തു.എൻ എസ് എസ് യൂണിറ്റിലെ അംഗങ്ങൾ ഒരു ദിവസം കുട്ടികളോടൊപ്പം കളിയും ചിരിയും പഠനവുമായി ചിലവഴിച്ചു.

ആരോഗ്യരംഗത്തും എൻഎസ്എസ് യൂണിറ്റ്

ദേവിയാർ കോളനി പി എച്ച് സി യുടെ സഹകരണത്തോടെ ഹൈസ്കൂൾ കുട്ടികളുടെയും രക്ഷിതാക്കളുടെയും അനീമിയ ടെസ്റ്റ് നടത്തി.ടെസ്‍റ്റ് നടത്താനാവശ്യമായ കുട്ടികളുടെ വിവരങ്ങൾ ശേഖരിച്ചതും കുട്ടികളേയും രക്ഷിതാക്കളേയും അറിയിച്ചതും എല്ലാം എൻ എസ് എസ് യൂണിറ്റിലെ അംഗങ്ങൾ ആയിരുന്നു.

എൻഎസ്എസ് യൂണിറ്റിനുള്ള സെൽഫ് ഡിഫൻസ് പരിശീലനം

എൻഎസ്എസ് യൂണിറ്റിലെ കുട്ടികൾക്കായി സെൽഫ് ഡിഫൻസ് ക്ലാസ് നടത്തി ഇടുക്കി പോലീസ് വുമൺ സെല്ലിന്റെ നേതൃത്വത്തിലാണ് ഗേൾസ് സേഫ്റ്റി ഡെമോക്ലാസ്സ്‌ നടത്തിയത്.ഈ ക്ലാസിലൂടെ കുട്ടികളുടെ ആത്മ വിശ്വാസവും പ്രതികരണ ശേഷിയും വർദ്ധിപ്പിക്കാൻ സാധിച്ചു.

സ്കൂൾ ക്യാമ്പസ് ശുചീകരണം.

ഫാത്തിമ മാതയിലെ എൻഎസ്എസ് യൂണിറ്റിന്റെ നേതൃത്വത്തിൽ സ്കൂൾ ക്യാമ്പസിലെ മുഴുവൻ പ്ലാസ്റ്റിക് മാലിന്യങ്ങളും അല്ലാത്ത മാലിന്യങ്ങളും നീക്കം ചെയ്തു. സ്കൂളിലേക്കുള്ള വഴിയിലെ പുല്ലും മറ്റും വെട്ടി വൃത്തിയാക്കി .എൻഎസ്എസ് യൂണിറ്റിലെ കുട്ടികളുടെ ശുചീകരണ പ്രവർത്തനങ്ങൾ വളരെ ഉപകാരപ്രദവും പ്രശംസനീയവും ആണ്

സ്വാതന്ത്ര്യദിനാഘോഷം.

സ്വാതന്ത്ര്യദിനാഘോഷത്തിന്റെ ഭാഗമായി നടത്തപ്പെട്ട റാലിയിൽ എൻഎസ്എസ് യൂണിറ്റിലെ മുഴുവൻ അംഗങ്ങളുടെയും സാന്നിധ്യം ഉണ്ടായിരുന്നു അച്ചടക്കത്തോടെ റാലി നിയന്ത്രിക്കാൻ എല്ലാ അംഗങ്ങളും അധ്യാപകരോടൊപ്പം ചേർന്നുനിന്നു സ്വാതന്ത്ര്യദിനാഘോഷത്തിന്റെ ഭാഗമായി നടത്തപ്പെട്ട വിവിധ മത്സരങ്ങളിൽ അംഗങ്ങൾ പങ്കെടുക്കുകയും വിജയിക്കുകയും ചെയ്തു.

രോഗി സന്ദർശനം

ഫാത്തിമ മാതാ സ്കൂളിലെ എൻഎസ്എസ് യൂണിറ്റിന്റെ നേതൃത്വത്തിൽ ആ വാർഡിലെ കിടപ്പ് രോഗികൾ ആരൊക്കെയാണെന്ന് മനസ്സിലാക്കുകയും അവരുടെ വീടുകളിൽ സന്ദർശനം നടത്തുകയും സഹായങ്ങൾ നൽകുകയും ചെയ്തു .വാർഡ് മെമ്പർ ശ്രീ കെ കെ രാജു സാറിന്റെ സഹായത്തോടെയാണ് കുട്ടികൾ ഈ പ്രവർത്തനങ്ങൾ നടത്തിയത്

സ്വച്ഛതകീ സേവ ദിനാചരണം

എൻഎസ്എസ് യൂണിറ്റിന്റെ നേതൃത്വത്തിൽ സ്വച്ഛത സേവാ ദിനാചരണ പ്രവർത്തനത്തിന്റെ ഭാഗമായി ഉപയോഗശൂന്യമായി കിടന്ന ഒരു കൈത്തോട് വൃത്തിയാക്കുകയും പൊതുജനങ്ങൾക്ക് ഉപയോഗപ്രദമാക്കുന്ന ജലസ്രോതസ്സായി മാറ്റുകയും ചെയ്തു.

പ്ലാസ്റ്റിക് ഫ്രീ ക്യാമ്പസ്

സ്കൂൾ ക്യാമ്പസിൽ പ്ലാസ്റ്റിക്കിന്റെ ഉപയോഗം നിയന്ത്രിക്കുന്നതിനായി എൻഎസ്എസ് യൂണിറ്റിലെ അംഗങ്ങളുടെ നേതൃത്വത്തിൽ കുട്ടികൾക്ക് പ്ലാസ്റ്റിക്കിന്റെ ദൂഷ്യവശങ്ങളെ കുറിച്ച് മനസ്സിലാക്കി കൊടുക്കാൻ ക്ലാസുകൾ നടത്തി. സ്കൂളിൽ പലയിടങ്ങളിൽ ആയി പ്ലാസ്‍റ്റിക് വസ്തുക്കളുടെ ഉപയോഗം നിയന്ത്രിക്കുന്നതിനായി നോട്ടീസുകൾ പതിപ്പിച്ചു. തുണി സഞ്ചിയുടെ വിതരണവും നടത്തി.

രക്തദാനം മഹാദാനം

രക്തദാനത്തിന്റെ ആവശ്യകതയും മഹത്വവും വിളിച്ചോതുന്ന നിറവ് എന്ന ഷോർട്ട് ഫിലിം എൻഎസ്എസ് യൂണിറ്റിലെ കുട്ടികളുടെ നേതൃത്വത്തിൽ നിർമിക്കുകയും യൂട്യൂബിൽ അപ്ലോഡ് ചെയ്യുകയും ചെയ്തു.അന്നേ ദിവസം കുട്ടികൾ രക്തദാന ചങ്ങല പിടിക്കുകയും ചെയ്തു.

നാഷണൽ സർവീസ് സ്കീം യൂണിറ്റിന്റെ2024-25 വർഷത്തെ പ്രവർത്തനങ്ങൾ

സൈബർ ബോധവൽക്കരണ ക്ലാസ്സ്

21/8/2024 ബുധനാഴ്ച,ഫാത്തിമ മാതാ ഗേൾസ് ഹയർസെക്കൻഡറി സ്കൂളിലെഎൻഎസ്എസ് യൂണിറ്റ്വോളണ്ടിയേഴ്സ് രാവിലെ 9 മണിയോടെ സ്കൂളിൽ എത്തിച്ചേർന്നു.പ്രോഗ്രാം ഓഫീസറുടെ നേതൃത്വത്തിൽ "സത്യമേവ ജയതേ" എന്ന് പ്രവർത്തനത്തിന് തുടക്കം കുറിച്ചു.ഇടുക്കി എസ്പി ഓഫീസർ രാജൻ സാർ സൈബർ സേഫ്റ്റി അവയർനസ് ക്ലാസ് നടത്തി. ലോകത്തിൻറെ മികവുകളും കുറവുകളും അദ്ദേഹം വ്യക്തമാക്കി.രണ്ടുമണിക്കൂർ നീണ്ട ക്ലാസ് കൊണ്ട്സൈബർ സേഫ്റ്റിയെക്കുറിച്ച് എൻഎസ്എസ് വോളന്റിയേഴ്സിനെ അവബോധരാക്കി.

രക്തദാനം മഹാദാനം

25/9/2024 ബുധനാഴ്ച, ഫാത്തിമ മാതാ ഗേൾസ് ഹയർസെക്കൻഡറിി സ്കൂളിലെ എൻഎസ്എസ് വോളണ്ടിയേഴ്സ് പ്രോഗ്രാം ഓഫീസർ നേതൃത്വത്തിൽ "സുന്ദര കേരളം" എന്ന ബോധവൽക്കരണ ക്ലാസിൽ പങ്കാളികളായി.ഹയർസെക്കൻഡറിയിലെ സുവോളജി വിഭാഗം ടീച്ചർ സിസ്റ്റർ ഡേയ്സ് റാണിയാണ് രക്തദാന ബോധവൽക്കരണ ക്ലാസ് നയിച്ചത്.രക്തദാനത്തിന്റെ പ്രാധാന്യവും രക്തക്കുറവ് ശരീരത്തിന് ബാധിക്കുന്ന രീതികളും സിസ്റ്റർ വ്യക്തമാക്കി.ജനങ്ങൾക്ക് മാതൃക എന്ന നിലയിൽ ഓരോ എൻഎസ്എസ് വോളണ്ടിയേഴ്സും രണ്ടുപേരെ വീതം രക്തദാനത്തിന് സജ്ജരാക്കി.രണ്ടുമണിക്കൂർ നീണ്ട ക്ലാസ് കൊണ്ട് എൻഎസ്എസ് വോളണ്ടിയേഴ്സിനെ രക്തദാനത്തിന്റെ പ്രാധാന്യത്തെക്കുറിച്ച് അവബോധരാക്കി.

ക്യാമ്പസ് ക്ലീനിംഗ്

28/8/2024 ബുധനാഴ്ച, ഫാത്തിമ മാതാ ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് ക്യാമ്പസിനായി പ്രവർത്തിച്ചു.ഗ്രീൻ ക്യാമ്പസ് ആയ എഫ് എം ജി എച്ച് എസ് എസിൽ എൻഎസ്എസ് വോളണ്ടിയേഴ്സ് പ്രോഗ്രാം ഓഫീസറുടെ നേതൃത്വത്തിൽ ഒരു മണിക്കൂർ ക്യാമ്പസ് വൃത്തിയാക്കുകയും പുതിയ ചെടികൾ നട്ടുപിടിപ്പിക്കുകയും ചെയ്തു.മറ്റുള്ളവർക്ക് മാതൃക എന്ന രീതിയിൽ എൻഎസ്എസ് വോളണ്ടിയേഴ്സ് പ്രവർത്തിച്ചു.

മാനസികാരോഗ്യ ബോധവൽക്കരണ ക്ലാസ്സ്

10/10/2024 വ്യാഴാഴ്ച, ഫാത്തിമ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് 'ഹെൽത്തിന്റെ' ഭാഗമായി 'മെന്റൽ ഹെൽത്തിനെ' പറ്റി ബോധവാന്മാരായി ലോകത്തിൽ വിവിധ മെന്റൽ് ഹെൽത്ത് വിദഗ്ധർ നടത്തുന്ന ഒരു മണിക്കൂർ നീണ്ട മെന്റൽ ഹെൽത്തിന്റെ ദേശീയ ഓൺലൈൻ സെമിനാറിൽ എൻഎസ്എസ് വോളണ്ടിയേഴ്സ് പങ്കെടുത്തു.

ഗ്രീൻ ഗാർഡിയൻ പരിപാടി

16/9/2024 തിങ്കളാഴ്ച, ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് "ഗ്രീൻ ഗാർഡിയൻ" എന്ന പ്രവർത്തനത്തിൽ പങ്കാളികളായി. പരിസരങ്ങൾ വൃത്തിയാക്കുന്നതിനായി ഹരിത കർമ്മ സേന നടത്തിയ പ്രവർത്തനത്തിൽ എൻഎസ്എസ് വോളണ്ടിയേഴ്സ് 5 മണിക്കൂർ പങ്കാളികളായി. ഹരിത കർമ്മ സേനയ്ക്കൊപ്പം വോളണ്ടിയേഴ്സ് വേസ്റ്റ് കളക്ട് ചെയ്ത് എല്ലാവർക്കും മാതൃകയായി തീർന്നു.

ഉപജീവനം

28/8/2024 ബുധനാഴ്ച, ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ ഒന്നാം വർഷം എൻഎസ്എസ് യൂണിറ്റും രണ്ടാം വർഷ എൻഎസ്എസ് യൂണിറ്റും പൊതുവിദ്യാഭ്യാസ ഡയറക്ടറുടെ നിർദ്ദേശം അനുസരിച്ച് "ഉപജീവനം" എന്ന പരിപാടിക്ക് തുടക്കം കുറിച്ചു. വയനാടിന്റെ പുനരധിവാസത്തോട് അനുബന്ധിച്ച് ഓരോ സ്കൂളിലെയും എൻഎസ്എസ് യൂണിറ്റ് 20000 രൂപ വീതം ശേഖരിച്ച് നൽകാൻ ആവശ്യപ്പെട്ടു.സ്ക്രാപ്പ് ചലഞ്ചിലൂടെ ഓരോ എൻഎസ്എസ് വോളണ്ടിയറും 200 രൂപ വീതം നൽകി. സ്കൂളിൽ നിന്നും വയനാടിനായി 20000 രൂപ എൻഎസ്എസ് യൂണിറ്റ് സ്വരൂപിച്ച് നൽകി.

ഒരു ദിനം ഒരു അറിവ് പ്രോഗ്രാം

12/8/2024 തിങ്കളാഴ്ച, ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് "ഒരു ദിനം ഒരു അറിവ് "എന്ന് പദ്ധതിയുടെ ഭാഗമായി എൻഎസ്എസ് വോളണ്ടിയേഴ്സ് പ്രോഗ്രാം ഓഫീസർ നേതൃത്വത്തിൽ രണ്ടുപേർ അടങ്ങുന്ന ഗ്രൂപ്പുകളായ തിരിഞ്ഞ് ഓരോ ദിവസവും രണ്ടു പേർ വീതം ഇൻഫോ വാളിൽ പുതിയ അറിവുകൾ പങ്കുവെക്കാൻ ആരംഭിച്ചു.ഒരു ദിവസം ഒരു മണിക്കൂർ ഇൻഫോ വാളിന് വേണ്ട വിവരങ്ങൾ തയ്യാറാക്കാൻ വോളണ്ടിയേഴ്സ് തയ്യാറായി.

ജീവാമൃതം പ്രോഗ്രാം

10/8/2024 ശനിയാഴ്ച, ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് സ്കൂളിൽ ഒത്തുകൂടുകയും "ജീവാമൃതം" എന്ന പരിപാടിയുടെ ഭാഗമായി ദത്ത് ഗ്രാമം സന്ദർശിക്കുക ഉണ്ടായി.ദത്ത് ഗ്രാമത്തിലെ വീടുകളിൽ സമയം ചെലവഴിക്കുകയും ചെയ്തു. എൻഎസ്എസ് പ്രോഗ്രാം ഓഫീസറുടെ നേതൃത്വത്തിൽ മാലിന്യങ്ങളെ പറ്റിയും മാലിന്യം കലർന്ന കുടിവെള്ളം ഉപയോഗിക്കുമ്പോൾ വരുന്ന രോഗങ്ങളെ കുറിച്ചും മറ്റും ഉദ്ബോധനം നൽകി. അഞ്ചുമണിക്കൂർ നീണ്ട സേവനത്തിനൊടുവിൽ ദത്ത് ഗ്രാമത്തിലെ വീടുകളിൽ നിന്നും കുടിവെള്ളം ശേഖരിച്ച് എസ്എൻഡിപി വിഎച്ച്എസ്എസ് അടിമാലിയിലെ ലാബിൽ പരിശോധിച്ചു ഗുണമേന്മ ഉറപ്പുവരുത്തി.

ശുചിത്വ ബോധവൽക്കരണ പരിപാടി

30/8/2024 വെള്ളിയാഴ്ച,ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് "സുന്ദര കേരളം" എന്ന് പരിപാടിയുടെ ഭാഗമായി പ്രവർത്തനങ്ങൾ നടത്തി.എൻഎസ്എസ് പ്രോഗ്രാം ഓഫീസിൻറെ നിർദ്ദേശങ്ങൾ അനുസരിച്ച് 'ശുചിത്വം' എന്ന വിഷയവുമായി ബന്ധപ്പെട്ട് മത്സരങ്ങൾ നടത്തി വിജയികളെ കണ്ടെത്തി. ശുചിത്വവുമായി ബന്ധപ്പെട്ട പോസ്റ്ററുകൾ നിർമ്മിച്ച സമ്മാനം നൽകി. ഒരു മണിക്കൂർ "സുന്ദര കേരളം" എന്ന പ്രവർത്തനത്തിനായി എൻഎസ്എസ് പ്രവർത്തിച്ചു.

സേവന പ്രവർത്തനങ്ങൾ

20/8/2024 ചൊവ്വാഴ്ച ഫാത്തിമ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് "റീസ്റ്റോർ "എന്ന സേവന പരിപാടിയുടെ ഭാഗമായി 2023 പ്രോഗ്രാം ഓഫീസറുടെ നേതൃത്വത്തിൽ എൻഎസ്എസ് വോളണ്ടിയേഴ്സ് മച്ചിപ്ലാവ് സ്നേഹാരാമം വൃത്തിയാക്കിയിരുന്നു, 2024 എൻഎസ്എസ് യൂണിറ്റ് വോളണ്ടിയേഴ്സ് ആ സേവനം പുനരാരംഭിക്കുകയും,5 മണിക്കൂർ നീണ്ട സേവനത്തിനൊടുവിൽ സ്നേഹാരാമം വൃത്തിയാക്കി, പഴയ ചെടികൾ പകരം പുതിയ ചെടികൾ നട്ടുപിടിപ്പിച്ചു.

സ്പെഷ്യൽ സ്ക്കൂൾ സന്ദർശനം

15/8/2024 വ്യാഴാഴ്ച, ഫാത്തിമ മാതാ ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് 77 സ്വാതന്ത്ര്യ ദിനാഘോഷത്തിനായി ചാറ്റുപാറ സ്പെഷ്യൽ സ്കൂൾ ആയ കാർമൽ ജോതി പബ്ലിക് സ്കൂളിലെ ഭിന്നശേഷിക്കാരായ കുട്ടികൾക്കൊപ്പം സമയം ചെലവഴിച്ചു.എൻഎസ്എസ് പ്രോഗ്രാം ഓഫീസറുടെ നേതൃത്വത്തിൽ കുട്ടികൾക്ക് കോക്കഡാമ വിതരണം ചെയ്തു.കോക്കഡാമ ഉണ്ടാക്കുന്ന വിധം അവയുടെ ഉപയോഗം എങ്ങനെ എന്ന് എൻഎസ്എസ് വോളണ്ടിയർ വിശദീകരിച്ച് നൽകി. കുട്ടികളുടെയും എൻഎസ്എസ് വോളണ്ടിയേഴ്സിന്റെയും നൃത്തങ്ങളും പാട്ടുകളുമായി മൂന്നു മണിക്കൂറോളം ചെലവഴിച്ചു.അവർക്കായുള്ള ഒരു ദിവസത്തെ ഭക്ഷണവും എൻഎസ്എസ് യൂണിറ്റ് സജ്ജമാക്കി.ദേശീയ ഗാനത്തോടെ എൻഎസ്എസ് യൂണിറ്റിന്റെ 77 സ്വാതന്ത്ര്യദിനാഘോഷം സമാപിച്ചു.

സ്വഛത ഹി സേവ വാരാഘോഷം

27/9/2024 വെള്ളിയാഴ്ച, ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് "സ്വച്ഛത ഹി സേവ" വാരാഘോഷത്തിൽ പ്രവർത്തനങ്ങൾ നടത്തി. മാലിന്യമുക്ത കേരളത്തോട് അനുബന്ധിച്ച് "മാലിന്യനിർമ്മാർജ്ജനം" പ്രമേയം ആക്കി പ്രോഗ്രാം ഓഫീസറുടെ നേതൃത്വത്തിൽ എൻഎസ്എസ് വോളണ്ടിയേഴ്സ് കൂമ്പൻപാറ ജംഗ്ഷനിൽ തെരുവ് നാടകം അവതരിപ്പിച്ചു. മൂന്നു മണിക്കൂർ നീണ്ട പരിശ്രമത്തിൽ എൻഎസ്എസ് വോളണ്ടിയേഴ്സ് മാലിന്യത്തെ കുറിച്ച് ഒരു അവബോധനം ജനങ്ങൾക്ക് നൽകാൻ സാധിച്ചു.

സ്വഛത ഹി സേവ തുടർപ്രവർത്തനങ്ങൾ

30/9/2024 തിങ്കളാഴ്ച, ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് "സ്വച്ഛത ഹി സേവ"എന്ന പ്രവർത്തനത്തിന്റെ ഭാഗമായി പ്ലാസ്റ്റിക് ശേഖരിച്ചു . എൻഎസ്എസ് വോളണ്ടിയേഴ്സ് പ്രോഗ്രാം ഓഫീസറുടെ നേതൃത്വത്തിൽ 20 കിലോ പ്ലാസ്റ്റിക് ശേഖരിച്ചു.3 മണിക്കൂർ നീണ്ട സേവനത്തിൽ വോളണ്ടിയേഴ്സ് 20 കിലോ പ്ലാസ്റ്റിക് ശേഖരിക്കുകയും പൊളിഞ്ഞപാലം തോട്ടിലും മാലിന്യങ്ങൾ നീക്കി വൃത്തിയാക്കി. ഈ സേവനത്തിലൂടെ ജനങ്ങൾക്ക് മാതൃകയാകാൻ എൻഎസ്എസ് വോളണ്ടിയേഴ്സിന് സാധിച്ചു.

2/10/2024 ബുധനാഴ്ച, ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് "സ്വച്ഛത ഹി സേവ" എന്ന പ്രവർത്തനത്തിന്റെ ഭാഗമായി ജനങ്ങൾക്ക് തുണിസഞ്ചികൾ വിതരണം ചെയ്തു. പ്ലാസ്റ്റിക് നിർമാർജനവുമായി ബന്ധപ്പെട്ട പ്രോഗ്രാം ഓഫീസർ നേതൃത്വത്തിൽ എൻഎസ്എസ് വോളണ്ടിയേഴ്സ് തുണിസഞ്ചി നിർമ്മിക്കുകയും ഉണ്ടായി. അഞ്ചുമണിക്കൂർ നീണ്ട പരിശ്രമത്തിൽ ദേശീയപാതയിൽ വണ്ടികളും കടകളും സമീപ വീടുകളിലും തുണിസഞ്ചികൾ നൽകി പ്ലാസ്റ്റിക് ബോധവൽക്കരണം നടത്തി.പ്ലാസ്റ്റിക് ഉപേക്ഷിച്ച മനോഹരമായ ജീവിതത്തെപ്പറ്റി ജനങ്ങൾക്ക് ഉദ്ബോധനം നൽകി.

ഹരിതഭൂമി പ്രോഗ്രാം

26/8/2024 തിങ്കളാഴ്ച, ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് "ഹരിതഭൂമി" എന്ന പ്രവർത്തനം നടത്തി.എൻഎസ്എസ് പ്രോഗ്രാം ഓഫീസറുടെ നിർദ്ദേശങ്ങൾ അനുസരിച്ച് വീടുകളിലും ക്യാമ്പസിലും വിവിധയിനം പച്ചക്കറികൾ കൃഷി ചെയ്തു. നട്ടുവളർത്തിയ പച്ചക്കറികൾ വിളവെടുത്ത എൻഎസ്എസ് വോളണ്ടിയർ ദത്ത് ഗ്രാമത്തിൽ വിതരണം ചെയ്തു..

തിരികെ...പ്രധാന താളിലേയ്ക്ക്.....