രാവിലതെ ചായ കഴിഞ്ഞു
ടിവി കണ്ട് കൊണ്ടിരിക്കുമ്പോൾ
അച്ഛൻ ഉറക്കം തൂങ്ങാറുണ്ടെന്നും
അപ്പോൾ അമ്മ വിളിച്ചുണർത്തി
ചൂട് ചായ കൊടുക്കുമെന്നും
ഉച്ചയൂണ് കഴിഞ്ഞ്
രണ്ട് പേരും ഒന്നു മയങ്ങുമെന്നും
പറമ്പിൽ തൊട്ടാർവാടി പൂക്കളുണ്ടെന്നും
വൈകുന്നേരം മുറ്റത്തെ മാവിൻ തണൽ സിറ്റൗട്ടിലെ കസേരയോട്
കുശലം പറയാൻ വരാറുണ്ടെന്നും
അഞ്ചു മണിയുടെ വെയിൽ
ഊണ് മേശപ്പുറത്ത് വിരിയിടും എന്നും
ഇന്നലെ വന്ന കൊറോണ കാട്ടിത്തന്നു.....
