എച്ച്. എസ്സ്. എസ്സ്. കൂത്താട്ടുകുളം/അക്ഷരവൃക്ഷം/ കണ്ണുതുറക്കൂ

കണ്ണുതുറക്കൂ ജാലകത്തിൻ വാതിൽ തുറന്ന നേരം; കൊച്ചു പൂമ്പാറ്റ തൻ വർണ്ണ ചിറകുകൾ വീശി, പാറിക്കളിക്കുന്നു പ്രകൃതി തൻ മാറിൽ. സപ്തവർണ്ണ ശബളമയായ്യള്ളാരു പൂവിൽ നൃത്തം പഠിക്കുന്ന മധുപനെ നോക്കി, പുഞ്ചിരിക്കുന്നു ദിവ്യൻ ദിവാകരൻ. വിണ്ണിന്റെ പൂമാരൻ. കളകളമൊഴുകുന്ന ഈ കുഞ്ഞോളങ്ങളിലൂടെ മീനുകൾ നീന്തിടുന്നു; കാവൽ ഗജങ്ങളെപ്പോലുള്ള മലകൾ. സർവ്വതും കാക്കുന്നവർ. പലവിധ പുഷ്‌പലതാദികളും, ചെറുപുഴു മുതൽ, വൻ മൃഗസഞ്ചയവും , തിങ്ങിവസിക്കും പ്രകൃതി യതിൽ - നാമൊരു ചെറു മർത്യകുലം. ഇവരെല്ലാമാണെന്റെ ശോഭ, എൻ പൊൻ കിരീടത്തിലെ വൈരം; ഇവരില്ലാതെ ഞാനില്ല സ്നേഹത്താൽ ചൊല്ലുന്നു പ്രകൃതി. അരുത് മർത്യാ കളങ്കമാക്കരുത്, എന്തിനു നീയെന്നെ ദ്രോഹിക്കുന്നു. സർവ്വതും നിൻ കീഴിലല്ല; നിനക്കഭയം നൽകിയതാണെന്റെ പിഴവ്; ഹീന കർമ്മിയായ മർത്യാ .......... കണ്ണുകൾ തുറന്നീടൂ ...... അനാമിക കെ. എസ്. 8 ഹയർ സെക്കന്ററി സ്ക്കൂൾ, കൂത്താട്ടുകുളം കൂത്താട്ടുകുളം ഉപജില്ല എറണാകുളം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Anilkb തീയ്യതി: 19/ 04/ 2020 >> രചനാവിഭാഗം - കവിത