ജി.ജി.എച്ച് .എസ്.എസ്. ആലത്തൂർ/ലിറ്റിൽകൈറ്റ്സ്/ഫ്രീഡം ഫെസ്റ്റ്
സ്വതന്ത്ര സോഫ്റ്റുവെയർ വാരാചരണം(2023)
സ്വതന്ത്ര സോഫ്റ്റുവെയർ വാരാചരണം(2025-26)
Little Kites യൂണിറ്റിന്റെ നേതൃത്വത്തിൽ വിപുലമായ സ്വതന്ത്ര സോഫ്റ്റ്വെയർ പ്രചാരണ പരിപാടികൾ സംഘടിപ്പിച്ചു. സാങ്കേതിക സ്വാതന്ത്ര്യത്തിന് മുൻഗണന നൽകി, സ്വതന്ത്ര സോഫ്റ്റ്വെയറിന്റെ പ്രാധാന്യത്തെക്കുറിച്ചും ഉപയോഗ സാധ്യതകളെക്കുറിച്ചും വിദ്യാർത്ഥികളിൽ ബോധവത്കരണം നടത്താൻ ലക്ഷ്യമിട്ട പരിപാടികളായിരുന്നു സംഘടിപ്പിച്ചത്.
FOSS Corner (Free and Open Source Software Corner) എന്ന പേരിൽ, വിവിധ സ്വതന്ത്ര സോഫ്റ്റ്വെയറുകളെക്കുറിച്ചുള്ള വിവരങ്ങൾ , ഇൻഫർമേഷൻ കിറ്റ് എന്നിവ ഉൾപ്പെടുത്തി പ്രത്യേക പ്രദർശനം ഒരുക്കി. ഈ കോർണറിലൂടെ, സ്വതന്ത്ര സോഫ്റ്റ്വെയറുകളുടെ മൂല്യങ്ങൾ, അവയുടെ പ്രയോഗ സാധ്യതകൾ, വിദ്യാർത്ഥികൾക്ക് ലഭ്യമായ സോഫ്റ്റ്വെയറുകൾ എന്നിവയെക്കുറിച്ചുള്ള വിശദമായ അറിവ് വിദ്യാർത്ഥികൾക്ക് ലഭിച്ചു.
വിശേഷ സ്കൂൾ അസംബ്ലിയുടെ ഭാഗമായി, വിദ്യാർത്ഥികൾ സ്വതന്ത്ര സോഫ്റ്റ്വെയർ പ്രതിജ്ഞ എടുത്തതോടൊപ്പം, Headmaster, LK Mentors എന്നിവർ ഈ മേഖലയുടെ പ്രാധാന്യത്തെക്കുറിച്ച് പ്രഭാഷണം നടത്തി. വിദ്യാർത്ഥികളിൽ സ്വതന്ത്ര സാങ്കേതിക വിദ്യകളുടെ അവബോധം വർദ്ധിപ്പിക്കാൻ ഇതുവലിയ സഹായമായി. അതിനോടൊപ്പം, സ്വതന്ത്ര സോഫ്റ്റ്വെയർ ക്വിസ് മത്സരത്തിലെ വിജയികളായ ഹസ്ന എച്ച്, ഷാൻറിയ ഷാൻജാസ് എന്നിവരെ അനുമോദിച്ചു.
UP വിഭാഗത്തിലെ വിദ്യാർത്ഥികൾക്ക്, Scratch, GIMP, Inkscape, Kalzium, PhET, Stellarium, GeoGebra എന്നിവ പോലുള്ള ഫ്രീ സോഫ്റ്റ്വെയറുകൾ പരിചയപ്പെടുത്തുന്ന ട്രെയിനിംഗുകൾ Little Kites കുട്ടികൾ സംഘടിപ്പിച്ചു. പ്രായോഗിക പ്രകടനങ്ങളിലൂടെ കുട്ടികൾക്ക് ഈ സോഫ്റ്റ്വെയറുകളുടെ പ്രവർത്തനങ്ങൾ മനസിലാക്കാൻ അവസരം ലഭിച്ചു.
പത്താം ക്ലാസിലെ LK അംഗങ്ങളായ അതുല്യ വി, ഹസ്ന എച്ച്, ആമീന, വിദ്യ എന്നിവർ സംയുക്തമായി 8-ാം ക്ലാസ്സ്, 9-ാം ക്ലാസ്സ് ഉൾപ്പെടുന്ന വിദ്യാർത്ഥികൾക്ക് സ്വതന്ത്ര സോഫ്റ്റ്വെയറിന്റെ ചരിത്രം, ലക്ഷ്യങ്ങൾ, പ്രായോഗിക ഉപയോഗം എന്നിവയെക്കുറിച്ച് സെമിനാർ നടത്തി.
ഇതോടൊപ്പം, ഒമ്പതാം ക്ലാസിലെ LK വിദ്യാർത്ഥികൾ ചേർന്ന് ഡിജിറ്റൽ മാഗസിൻ തയ്യാറാക്കുകയും ചെയ്തു.
