വാനിൽ കരിമഷി പടരുന്നു
കാർമേഘം കരയാറായല്ലോ
മാനും മുയലും മയിലും മണ്ണിൽ
തുള്ളിച്ചാടി രസിക്കുന്നു.
മയിലുകൾ പീലി വിരിക്കുന്നു
നൃത്തം ചെയ്ത് കളിക്കുന്നു.
വിണ്ണിൽ നിന്നൊരു നീർത്തുള്ളി
മണ്ണിൽ പുതുമഴയാകുന്നു
വറ്റിവരണ്ടൊരു പുഴയുടെ മീതെ
വാനിൽ കണ്ണീർ നിറയുന്നു.
വേരോറ്റനാൾ മണ്ണിൽ നിന്നൊരു
വൃക്ഷം വീണ്ടും ജനിക്കുന്നു.
പുലരികൾ പച്ചപ്പണിയുന്നു.
സന്തോഷത്തിൽ പുതുമഴയെപോൽ
ഭൂമിക്കൊരു കുളിരാകുന്നു.
