വേനലിൻ ചൂടുള്ളൊരവധിക്കാലത്ത്
വിഷുക്കണി കാണാനായി ആഗ്രഹിച്ചു
അവധിക്കാലത്ത് കുടുംബത്തോടൊപ്പം
യാത്രപോകാനും ആഗ്രഹിച്ചു
കൊച്ചനുജത്തിയോടൊത്തു ചേർന്നോത്തിരി
കൊച്ചുമോഹങ്ങളും നെയ്തു കൂട്ടി
തിരിയിലെ തീയായ മോഹങ്ങളെല്ലാം
അണച്ചു കളഞ്ഞൊരു രാക്ഷസനായ്
ചൈനയിൽ ജനിച്ച വൈരസാം കോവിഡെൻ
നാടിനെ മൊത്തം വലിച്ചെറിഞ്ഞു
കാറ്റിന്റെ വേഗത്തിൽ പാറി വരുന്നൊരു
ദുഷ്ടനായ രാക്ഷസനായി കോവിഡ്
ഈ രാക്ഷസൻ നിർമ്മിച്ച ദുഷ്ടപ്രവർത്തികൾ
നാട്ടുകാർ ആരും അറിഞ്ഞതില്ല
നിമിഷത്തിന് വേഗത്തിൽ ശബ്ദത്തിന് വേഗത്തിൽ
മരണം മനുഷ്യർക്ക് നല്കീ കോവിഡ്
വിലമതിക്കുവാൻ കഴിയാത്ത ജീവിതത്തെ
തട്ടിത്തെറിപ്പിച്ചു നീ വന്നുവോ
പെട്ടന്ന് വന്നൊരു മിന്നിത്തിളങ്ങുന്ന
നക്ഷത്രമായി പൂത്തുമ്പിയായി
സൗമ്യഭാവത്തിലൊരു പുഞ്ചിരിതൂകി
വെളിച്ചം തരുന്നൊരു മാലാഖയായി
ഈ നഴ്സുമാർ ചെയ്‌ത നല്ലകാര്യമൊക്കെ
ഈശ്വരൻ തന്ന വരദാനമായി
ഭൂമിതൻ പുഞ്ചിരി മിന്നിത്തിളങ്ങുമ്പോൾ
കെട്ടുപോകാതെ നാം നോക്കണം
ശാരീരിക അകലം സാമൂഹിക ഒരുമ
പാലിച്ചു കോവിഡിനെ തുരത്താം
ഒരുമയോടൊത്തുചേർന്നൊന്നിച്ചു ചൊല്ലിടാം
കോവിഡിനെ നാം അതിജീവിക്കും
