കർമ്മഫലം
ഓർക്കണം നീ ചെയ്ത ചെയ്തികൾ മനുഷ്യാ
ഓർത്തിടേണം നീ ചെയ്ത പാപങ്ങളെല്ലാം
നീ വെട്ടി മാറ്റിയ നന്മ മരങ്ങൾ
ഒരുനാൾ നിൻ കാലനായി തീരുമെന്നോർക്കുക
പശ്ചാത്തപിച്ചിട്ടു കാര്യമില്ല..
പ്രളയം തിമിർത്താടി നാശം വിതച്ചത്
നീ നിന്റെ കണ്മുന്നിൽ കണ്ടതല്ലേ?
നരനായി വിശേഷിപ്പിക്കെ
നീ നിന്റെ ചെയ്തികൾ
നരഭോജി തുല്യം ചെയ്തിടുന്നു
ഈ പ്രളയകാലം നിന്നെ പഠിപ്പിച്ചതെന്തെന്ന-റിയുമോ ഹേ മനുഷ്യാ?
നീ ചെയ്ത തെറ്റിന് ഭൂമിതൻ കണക്കുപുസ്തകത്തിൽ
നിന്റെ പേരാദ്യം കിടപ്പതറിഞ്ഞില്ലേ?
അനുദിനം മരിക്കുന്ന ഭൂമി മാതാവിന്
ചരമഗീതം നീ രചിച്ചിടല്ലേ?
ഓർക്കണം നീ പെറ്റമ്മയെ പോലെ
അമ്മയാകും നിന്റെ ഭൂമി മാതാവിനെ.
സാങ്കേതിക പരിശോധന - Kannans തീയ്യതി: 18/ 04/ 2020 >> രചനാവിഭാഗം - കവിത
|