പ്രണയിച്ചുപോയി നിന്നെ ഞാൻ...
കടലിൻ ആഴമോളം..
വൃക്ഷത്തിൻ വേരോളം
നക്ഷത്രക്കൂട്ടമോളം
പ്രണയത്തെ ചാപല്യമായി കണ്ട്
പരിഹസിക്കപെടുന്ന ഓരോ മനുഷ്യനെപ്പോലെ
ഞാൻ നിന്നെ ചതിച്ചു
നിന്നെ മുറിവേൽപ്പിച്ചു...
അതിന് പകരമായി നീ തന്ന മഹാമാരിയാൽ
ഞാൻ മാത്രമല്ല
നിന്നെ മുറിവേൽപ്പിച്ചവർ അത്രയും വീണുപോയി
നിൻ മന്ദഹാസം ക്രൂരമാം ഭാവമായി മാറുന്നതുകണ്ട് അമ്പരന്നുപോയി...
നിന്നുടെ മാപ്പ് അർഹിക്കുന്നവർ അല്ല ഞങ്ങളെങ്കിലും
നിന്നെ മുറിവേൽപ്പിച്ചവർ ആണ് ഞങ്ങളെങ്കിലും
ഒരുനാൾ നീ തന്ന നന്മയാം പ്രണയത്തെ ഞാൻ മാനിച്ചിരുന്നു
അതിനെ തിന്മയായി കണ്ട് ഞാൻ കോപിച്ചിരുന്നു...
എങ്കിലും നിന്നെ ഞാൻ ഇനിയും പ്രണയിക്കും
എൻ അമ്മയാം പ്രകൃതിയെ ഞാൻ ഇനിയും പ്രണയിക്കും...