(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
കോവിഡ്കാലം
കോവിഡ് എത്തി കൊലവിളിയോടെ ലോകമിതെല്ലാം ഞെട്ടിവിറച്ചു
വീട്ടിൽ നിന്നും പുറത്തേക്കാരും പോകരുതെന്നു കൽപ്പന നൽകി
സർക്കാർ ചെയ്തതു നല്ലൊരു കാര്യം ചിലരതു പാലിക്കാതെ നടന്നു,
അധികാരികളതു ചോദ്യം ചെയ്താൽ അവരുടെ മേലെ കൈയ്യേറ്റങ്ങൾ
ലോകം മുഴുവൻ ഒത്തൊരുമിച്ചത് നമ്മുടെയെല്ലാം ഭാഗ്യം തന്നെ!
ജോലികൾ ചെയ്യാൻ പോകാതായാൽ കഷ്ടതയേറെ നമ്മളിലുണ്ട്
ആ കഷ്ടതയെ ഇന്നു സഹിച്ചാൽ നല്ലൊരു ഭാവി നമുക്കുണ്ടാവും
അതിനൊരു പരിഹാരങ്ങളുമായി സർക്കാർ നമ്മുടെ മുന്നിലതുണ്ട്.
നന്മയ്ക്കായി പറയുവതെല്ലാം നമ്മൾ പാലിച്ചീടണമെന്നും
ഇനിയും രോഗം പടരരുതെന്നും ദൈവത്തോട് പ്രാർത്ഥിച്ചീടാം!
