പ്രളയം അതിഘോര പ്രളയം സുരസ കണക്കെ വിഴുങ്ങാനെത്തിയ പ്രളയം ഈ കൊച്ചു കേരള നാട്ടിൻ - പ്രാണൻ്റെ കളിയീ പ്രളയം ക്ഷോഭിച്ചു കുന്നുകൾ ക്ഷോഭിച്ചു പുഴകൾ പ്രതികാരാഗ്നിയിൽ താണ്ഡവമാടി പ്രകൃതി പതിവായി മലയോരങ്ങളിൽ , മഴ വെള്ളപ്പാച്ചിലും ഉരുൾ പൊട്ടലും പുഴകളും അണക്കെട്ടുകളും പിഴുതെറിഞ്ഞു ആയിരമായിരം സ്വപനങ്ങളും ജീവനുകളും ഒരായിസ്സിന്റെ വിയർപ്പിൻ ഫലമാം മണിസൗധങ്ങൾ നിലം പതിച്ചു ........... ഓടിയെത്തി മീൻ മണക്കും അപരിഷ്‌കൃതരാം സ്നേഹ നിധികളാം കടലിൻ മക്കൾ മാറോടണച്ചു തൻ സോദരങ്ങളെ തകരാതെ കൈപ്പിടിച്ചുയർത്തി പ്രളയം പഠിപ്പിച്ച പാഠങ്ങൾ പലത് സ്നേഹത്തിന്റെ ഒരുമയുടെ പ്രകൃതിയുടെ കരുതലിന്റെ സാഹോദര്യത്തിന്റെ .............. പ്രകൃതിയെ കറക്കാം പക്ഷേ അറക്കരുതെന്ന് വിളിച്ചോതുന്നീ പ്രളയം മഹാപ്രളയമേ .............. തകർക്കാനാവില്ല മലയാളദേശത്തിൻ മനക്കരുത്ത്
