സെന്റ് പോൾസ് എച്ച്.എസ്. നരിയാപുരം/അക്ഷരവൃക്ഷം/മഹാമാരിക്കാലം

മഹാമാരിക്കാലം എന്റെ ഓർമയിൽ ആദ്യമായാണ് ഇങ്ങനെയൊരു അവധിക്കാലം. എല്ലാ അവധിക്കാലത്തും ബന്ധുവീടുകളിലായിരിക്കും. ഈ അവധിക്കാലത്ത് വീട്ടിൽ മാത്രം ചുരുങ്ങി. എന്നെപോലെ എല്ലാ കൂട്ടുകാരും ഇന്ന് വീട്ടിൽ തന്നെയായിരിക്കും. പണ്ട് അവധിക്കാലം എന്നു കേൾക്കുമ്പോൾ തന്നെ സന്തോഷമായിരുന്നു. എന്നാൽ ഇന്നത്തെ അവസ്ഥയിൽ വലിയ സങ്കടം തോന്നുന്നു. കൂട്ടുകാരെ ഒന്നിച്ചു കാണാനോ കളിക്കാനോ ഒന്നും കഴിയുന്നില്ല. പക്ഷെ ഈ അവധിക്കാലത്താണ് കുറേനാളായി ഞാനാഗ്രഹിച്ച പലതും ചെയ്യാൻ സാധിച്ചത്. ഒരുപാട് പുസ്തകങ്ങൾ വായിച്ചു, കുറേ ചിത്രങ്ങൾ വരച്ചു... അമ്മയുടെ വലിയ പരാതിയായിരുന്നു ഞാൻ ഒരു ജോലിയും ചെയ്യുന്നില്ലെന്ന്. എന്നാൽ ഈ അവധി ദിവസങ്ങളിൽ ഞാൻ വീടും പരിസരവുമൊക്കെ വ്യത്തിയാക്കി. ഒപ്പം കുറച്ച് പാചകവും പഠിച്ചു. ഈ അവസരത്തിൽ നമുക്ക് ചികിത്സയിൽ കഴിയുന്ന എല്ലാ കോവിഡ് രോഗികൾക്കു വേണ്ടിയും പ്രാർത്ഥിക്കാം. ഈ വലിയ മഹാമാരി ലോകത്തു നിന്നും തൂത്തെറിയപ്പെടട്ടേ, പ്രതീക്ഷയുടെ നല്ല ദിവസം വേഗമെത്തട്ടെ...   ക്രിസ്റ്റി അനിൽ കോശി 10 B സെന്റ് പോൾസ് ഹൈസ്കൂൾ നരിയാപുരം പന്തളം ഉപജില്ല പത്തനംതിട്ട അക്ഷരവൃക്ഷം പദ്ധതി, 2020 അനുഭവകുറുപ്പ്