എ.യു.പി.എസ്.വള്ളിക്കോട്/അക്ഷരവൃക്ഷം/ലേഖനം :കൊറോണ പ്രതിരോധം

കൊറോണ പ്രതിരോധം ലോകമെമ്പാടും കോവിഡ് ഭീതി പരത്തുമ്പോൾ, അതിനെ പ്രതിരോധിക്കാനുള്ള പ്രവർത്തനങ്ങളിൽ ഏറെ മുന്നിലാണ് കേരളം. അടിയന്തര സാഹചര്യം കണക്കിലെടുത്ത് സർക്കാർ നടപ്പിലാക്കിയ കരുതൽ നടപടികളും ആരോഗ്യപ്രവർത്തകരും സന്നദ്ധ-യുവജനസംഘടനകളുമടക്കം നടത്തിയ ബോധവൽക്കരണം ഉൾപ്പെടെയുള്ള പ്രവർത്തനങ്ങളും രോഗവ്യാപനത്തിന്റെ തോത് കുറയ്ക്കാൻ സഹായിച്ചു. സർക്കാറും ആരോഗ്യവകുപ്പും നൽകുന്ന കരുതൽ നിർദ്ദേശങ്ങൾ സമൂഹം ഒറ്റക്കെട്ടായി കൃത്യമായി പാലിച്ചാൽ ഈ കൊറോണ കാലത്തെയും നാം അതിജീവിക്കും. ആശങ്കകൾക്കിടയിലും കൊറോണ നമ്മുടെ നാട്ടിൽ വൈകിയാണ് വന്നതെന്ന ആശ്വാസമുണ്ട്. അതുകൊണ്ട് നമുക്ക് മുന്നൊരുക്കം നടത്താൻ സമയം ലഭിച്ചു. സർക്കാർ സ്വീകരിക്കുന്ന നടപടികൾക്ക് ഉദ്ദേശിച്ച ഫലം കിട്ടണമെങ്കിൽ സാമൂഹിക അകലവും, രോഗബാധിതർ നിർബന്ധമായും ഐസൊലേഷനും പാലിക്കണം. സോപ്പോ ഹാൻഡ് സാനിറ്റൈസറോ ഉപയോഗിച്ച് കൈ നന്നായി കഴുകുക, വീട്ടിൽ തന്നെയിരുന്ന് മറ്റുള്ളവരിൽനിന്നും സാമൂഹിക അകലം പാലിക്കുക തുടങ്ങിയവ കൃത്യമായി നാം പാലിക്കണം. എവിടെയും കോറോണയെക്കുറിച്ചുള്ള വാർത്തകളാണ്. വിദേശരാജ്യങ്ങളിലെ മരണനിരക്കുകൾ കേട്ടാൽ ആർക്കാണ് ഭയം തോന്നാത്തത്. സാഹചര്യം വളരെ മോശമാണെങ്കിലും അമിതമായി ഉത്കണ്ഠപ്പെട്ടാൽ ശരീരത്തിൽ അനാവശ്യമായി ഹോർമോണുകളുടെ തോത് വർധിക്കുകയും രോഗപ്രതിരോധശേഷി നഷ്ടപ്പെടുകയും ചെയ്യും. വ്യക്തിശുചിത്വവും ചിട്ടയായ ജീവിതവും വഴി രോഗസാഹചര്യങ്ങളോട് ദൂരം പാലിക്കുന്ന ബോധപൂർവ്വമായ ശ്രമമാണ്. ലോക്ക്ഡൗൺ ദിനങ്ങളിൽ അമിത ഉത്കണ്ഠയോടെ കഴിയാതെ നമ്മുടെ പ്രതിരോധശേഷി വർധിപ്പിക്കാൻ വിനിയോഗിക്കാം. കൊറോണമുമായുള്ള ഈ യുദ്ധത്തിൽ വിജയിക്കാൻ ഇക്കാര്യങ്ങൾ ശ്രദ്ധിക്കണം. സർക്കാറും ഇന്ത്യൻ മെഡിക്കൽ അസോസിയേഷനും നൽകുന്ന നിർദ്ദേശങ്ങൾ പാലിക്കുക.പ്രതിരോധശേഷി വർദ്ധിപ്പിക്കാം അതായത് നന്നായി ഉറങ്ങുക, വ്യായാമം ചെയ്യുക, ദേഷ്യം നിയന്ത്രിക്കുക, മറ്റുള്ളവരെ ഉപദ്രവിക്കാതിരിക്കുക. ഇതെല്ലാം പാലിക്കുകയാണെങ്കിൽ നമുക്ക് കോറോണയെ വേഗത്തിൽതന്നെ തുരത്താൻ കഴിയും. (ഹരിണി. എം V-A AUPS Vallikkode)