കൊറോണയുണ്ടത്രേ കൊറോണായിപ്പോൾ കൊടുംഭീകരനാം അവനൊരു കൃമികീടം അഖിലാണ്ഡലോകവും വിറപ്പിച്ചുകൊണ്ടവൻ അതിവേഗം പടരുന്നു കാട്ടുതീയായ് വിദ്യയിൽ കേമനാം മാനവരൊക്കെയും വിധിയിൽ പകച്ചങ്ങു നിന്നിടുമ്പോൾ വിരസത ഒട്ടുമേ പിടികൂടാതവൻ വിലസുന്നു ലോകത്തിൻ ഭീഷണിയായ് ഇനിയാര് ഇനിയാര് മുൻപന്തിയിലെന്ന് രാഷ്ട്രങ്ങൾ ഓരോന്നും ഭയന്നിടുന്നു ഞാനില്ല ഞാനില്ല എന്നോതിക്കൊണ്ടവർ ഓടാൻ ശ്രമിക്കുന്നു ഭീരുക്കളായ് കേമത്തം കാട്ടാൻ മുന്നിൽ നിന്നോർ കേണിടിന്നു അല്പം ശ്വാസത്തിനായ് കേട്ടവർ കേട്ടവർ അടക്കുന്നു മാർഗങ്ങൾ കേറിവരാതെ തടഞ്ഞിടുവാൻ കണ്ണിലും കാണാത്ത കാതിലും കേൾക്കാത്ത കൊറോണ നീയിത്ര ഭീകരനോ ആണവ ആയുധ കോപ്പുകൾ പോലും നിൻ ആനന്ദനൃത്തത്തിൻ കളിപ്പാവയോ സങ്കടമുണ്ട് മനസ്സകമെല്ലാമെ സച്ചരാം മനുജരെ ഓർത്തിടുമ്പോൾ സത്യത്തിൽ ഈ ഗതി ചൂണ്ടിക്കാട്ടുന്നത് സത്യമാർഗത്തിൻ ദിശയല്ലയോ അഹന്തകളെല്ലാം വെടിയുക മനുജാ നീ അഹങ്കരിക്കേണ്ടവൻ അവനല്ലയോ നിസാരനാം കൃമികീടത്തെ കാണാതെ നിൻ്റെ നിസ്സാരത ഓർക്കുക നീ
സാങ്കേതിക പരിശോധന - Manojjoseph തീയ്യതി: 22/ 04/ 2020 >> രചനാവിഭാഗം - കവിത
