Schoolwiki സംരംഭത്തിൽ നിന്ന്
ഭൂമിയാണ് അമ്മ
പ്രകൃതി എന്നാൽ സുന്ദരലോകം .പ്രകൃതിയാണ് അമ്മ .ആ അമ്മയുടെ മടിത്തട്ടിലാണ് നാം വസിക്കുന്നത് .കുന്നുകളും മലകളും പുഴകളും കാട്ടരുവികളും സസ്യങ്ങളും പക്ഷിമൃഗാദികളും അടങ്ങുന്നതാണ് പ്രകൃതി .ഈ പ്രകൃതിയെ സംരക്ഷിക്കേണ്ടത് മനുഷ്യരായ നമ്മുടെ ഓരോരുത്തരുടെയും കടമയാണ് .മനോഹരമായ ഈ പരിസ്ഥിതി മനുഷ്യരുടെ അതിക്രമം മൂലം ദിനം പ്രതി നശിച്ചുകൊണ്ടിരിക്കുകയാണ് .അതിന്റെ കഠിന ഫലമായി പല പക്ഷികളും മൃഗങ്ങളും സസ്യങ്ങളും നാശഭീക്ഷണിയിലാണ് .മലകളും കുന്നുകളും കൃഷിനിലങ്ങളും ഇടിച്ചു നിരത്തി വീടുകളും ഫ്ലാറ്റുകളും ഫാക്ടറികളും നിർമ്മിച്ചുകൊണ്ടിരിക്കുകയാണ് .ഇതുമൂലം രാസമാലിന്യങ്ങൾ നിറഞ്ഞു .പുഴകളും തോടുകളും ജലസ്രോതസ്സുകളും മലിനമായിക്കൊണ്ടിരിക്കുന്നു .മനുഷ്യർ കുടിവെള്ളം പൈസ കൊടുത്ത വാങ്ങിക്കേണ്ട അവസ്ഥ വരെ ആയിരിക്കുന്നു .മനുഷ്യർ കാട്ടിൽ കയറി കാട് വെട്ടിത്തെളിച്ചതു മൂലം കാട്ടുമൃഗങ്ങൾ നാട് കൈയ്യടക്കിയിരിക്കുന്നു .പ്രക്ട്രിതിയോടുള്ള മനുഷ്യന്റെ അത്യാഗ്രഹം മൂലം ഭൂകമ്പം ,സുനാമി ,പ്രളയം എന്നീ മാർഗങ്ങളിലൂടെ പ്രകൃതി തിരിച്ചടിക്കുന്നു .അമിതമായ രാസവളം ,കീടനാശിനികൾ എന്നിവയുടെ ഉപയോഗം മൂലം മണ്ണിന്റെ ഘടന മാറിക്കൊണ്ടിരിക്കുന്നു .മണ്ണിലെ രാസമാലിന്യം വെള്ളത്തിലൂടെ ഒഴുകി, കടലിൽ പതിച്ചു കടൽ ജീവികൾക്കും ഭീക്ഷണിയാകുന്നു .ഇതിന്റെ ഫലമായി മനുഷ്യർക്കും പലവിധ മാരകരോഗങ്ങളും വന്നു കൊണ്ടിരിക്കുന്നു .പുതിയ പുതിയ കണ്ടുപിടുത്തങ്ങൾ മാനവരാശിക്ക് ദോഷങ്ങൾ വരുത്തിവയ്ക്കുന്നു.പ്ലാസ്റ്റിക്കിന്റെ കണ്ടുപിടുത്തം മൂലം പ്രകൃതി ഏറെ നശിച്ചു .പ്ലാസ്റ്റിക് കത്തിക്കുന്നത് മൂലം നമ്മുടെ ശുദ്ധവായു ഇല്ലാതാകുന്നു .പരിസ്ഥിതിയെ സംരക്ഷിക്കാൻ ജൂൺ അഞ്ചാം തീയതി പരിസ്ഥിതി ദിനമായി ആചരിക്കുന്നു .മരങ്ങൾ നട്ടും കാടുകൾ വെച്ച് പിടിപ്പിച്ചും നമുക്ക് പ്രകൃതിയോട് ചേർന്ന് നിൽക്കാം .പുഴകളും തോടുകളും മലിനമാകാതെ സംരക്ഷിക്കണം. അത് വരും തലമുറക്കുള്ള ഒരു വലിയ കരുതലാണ് .
|
