അജ്ഞാതൻ ആരാഞ്ഞു ആരാണ് ഭ്രാന്തൻ അമ്മതൻ മടിയിലൂയലാടുമാ കുരുന്നുപറഞ്ഞു, തെരുവിൽ ഭാണ്ഡംപേറുമാ തെരുവുതെണ്ടിയാണു ഭ്രാന്തൻ അപ്പോഴതാരോ അശരീരിയൽ ചൊല്ലി അനാട്ടമിഹാളിൽ അട്ടഹസിക്കുമാ അജ്ഞാത പ്രൊഫസറാണു ഭ്രാന്തൻ അനന്തമാം ലോകത്തെ പാടിപുകഴ്ത്തുമാ അന്ധനാം കവിയാണു ഭ്രാന്തൻ എല്ലാം ശ്രവിക്കവെ ആരോ പറഞ്ഞു നോട്ടുകെട്ടുകൾ തേടിയലയും പരിഷ്കാരിയാം മനുഷ്യാ നീയാണു ഭ്രാന്തൻ നീയാണു ഭ്രാന്തൻ
മതംപോയ് രാഷ്ട്രീയവും സമുദായങ്ങളും വെളുത്തവൻ കറുത്തവൻ ഭേദബുദ്ധികളെല്ലാം മനുഷ്യൻ മാത്രമായി........ എങ്ങും പച്ചയായമനുഷ്യൻ ആഢംബരങ്ങൾ അലങ്കാരപൊങ്ങച്ചമെല്ലാം മാഞ്ഞുപോയ് വിശപ്പുമാത്രമായി മനുഷ്യരിൽ മദ്യംമയക്കിയഹൃദയങ്ങൾ പുത്രകളത്രാദികളെ നിർമ്മലമായി പുൽകിയിരുന്നു മറഞ്ഞുപോയ് പൗരത്വഭേദഗതി സമരങ്ങൾ നിരാഹാരകോലാഹലങ്ങളെല്ലാം മാലിന്യമാം പുകവണ്ടികൾ, യന്ത്രശാലകൾ സർവ്വതും നിശബ്ദമായിനിന്നുപോയി പ്രകൃതി എങ്ങും പരിമളം പടർത്തിയവേളയിൽ അഹോ ! മനുഷ്യൻ മാത്രം മുഖം മൂടിയണിഞ്ഞു.
സാങ്കേതിക പരിശോധന - Sunirmaes തീയ്യതി: 17/ 04/ 2020 >> രചനാവിഭാഗം - കവിത
