ജീവജാലങ്ങളും അജീവിയ ഘടകങ്ങളും സമരസപ്പെട്ടു കഴിയുന്ന വാസസ്ഥലങ്ങളേയും ചുറ്റുപാടുകളേയും പരിസ്ഥിതി എന്ന് വിളിക്കുന്നു. ആധുനിക കാഴ്ചച്ചപ്പാടുകളനുസരിച്ച് മനുഷ്യന്റെ അമിതമായ കൈകടത്തലുകളില്ലാത്ത പ്രകൃതിയും അതിലെ ജീവജാലങ്ങളും പരസ്പരാശ്രയത്തിൽ കഴിയുന്ന ഇടങ്ങൾ സന്തുലിതമായ പരിസ്ഥിതി എന്ന സങ്കൽപ്പത്തിന് ചേർന്ന വയാണ്. ഏതൊരു ജീവിയുടേയും ജീവിതം അവയുടെ ചുറ്റുപാടുകളുമായി അഭേദ്യമായി ബന്ധപ്പെട്ടു കിടക്കുന്നു. മണ്ണ്, ജലം, വായു, അനുഭവപ്പെടുന്ന കാലാവസ്ഥ തുടങ്ങിയവ ഓരോ വിഭാഗത്തിലേയും പരിസ്ഥിതിയുടെ അവിഭാജ്യ ഘടകങ്ങളാണ്.
ഇന്ന് " പരിസ്ഥിതി " എന്ന പദം ഏറെ ചർച്ചാ വിഷയമായിത്തീർന്നിട്ടുണ്ട്. പരിസ്ഥിതിയുടെ സന്തു ലനാവസ്ഥയെ ആധുനിക മനുഷ്യന്റെ വികസന പ്രവർത്തനങ്ങൾ തകിടം മറിക്കുമ്പോൾ സ്വാഭാവിക ഗുണങ്ങൾ നഷ്ടപ്പെട്ട് പ്രകൃതിയുടെ താളം തെറ്റുന്നു.
കഴിഞ്ഞ രണ്ട് വർഷങ്ങളിലും കേരളത്തെ നടുക്കിയ സംഭവമായിരുന്നു പ്രളയം. അതിനു കാരണവും പരിസ്ഥിതിയുടെ മേലുള്ള മനുഷ്യന്റെ കടന്നു കയറ്റമാണ്. അതിൽ നിന്നെല്ലാം കേരളം ഒരു ഫീനിക്സ്പക്ഷിയെപ്പോലെ കേരളം ഉയർത്തെഴുന്നേറ്റു.ഇപ്പോൾ ഇതാ ലോകത്തെതന്നെ ഭീതിയിലാഴ്ത്തികൊണ്ടിരിയ്ക്കുകയാണ് കോവിഡ് - 19കോറോണ എന്ന വൈറസ് ബാധ. ഒരു പക്ഷേ നാം പരിസ്ഥിതിയെ വേണ്ടവിധത്തിൽ ശ്രദ്ധിച്ചിരുന്നെങ്കിൽ സംരക്ഷിച്ചിരുന്നെങ്കിൽ ഇങ്ങനെയൊന്നും സംഭവിക്കില്ല എന്ന് തന്നെയാണ് എന്റെ വിശ്വാസം