കോട്ടക്കൽ

വെങ്കിടക്കോട്ട എന്നറിയപ്പെട്ടിരുന്ന പ്രദേശമാണ് ഇന്ന് കോട്ടക്കൽ എന്ന പേരിൽ പ്രശസ്തമായത് .വള്ളുവകോനാതിരിയുടെ അധീനതയിലായിരുന്ന ഈ പ്രദേശം പിന്നീട് സാമൂതിരി കയ്യടക്കുകയുണ്ടായി.1787 ൽ ടിപ്പു സുൽത്താൻ ഈപ്രദേശം ആക്രമിച്ചു കീഴ്പ്പെടുത്തി.1799 ൽ ടിപ്പു സുൽത്താന്റെ മരണത്തോടെ ഈ പ്രദേശം ബ്രിട്ടീഷുകാരുടെ കീഴിലായി.ബ്രിട്ടീഷ് ഭരണം വന്നതോടെ ഇംഗ്ലീഷ് വിദ്യാഭ്യാസവും ഇവിടെ പ്രചരിച്ചു.കേരളത്തിലാകെ ഇംഗ്ലീഷ് വിദ്യാഭ്യാസം പുത്തനുണർവ്വ് പകർന്നപ്പോൾ കോട്ടക്കലിനു മാത്രം അവകാശപ്പെടാവുന്ന ഒരു പ്രത്യേകതയായിരുന്നു ആര്യവൈദ്യശാലയുടെ ജനനം.