വി.എച്ച്.എസ്.എസ്. കരവാരം/പ്രവർത്തനങ്ങൾ/2026-27

പ്രവേശനോത്സവം 2026 ജൂൺ 1

കരവാരം വൊക്കേഷണൽ ഹയർസെക്കൻഡറി സ്കൂളിലെ 2025-26അദ്ധ്യയന വർഷത്തെ പ്രവേശനോത്സവം 2026 ജൂൺ 1 നു സ്കൂൾ ഓഡിറ്റോറിയത്തിൽ വച്ച് നടന്നു.നവാഗതരെ വരവേൽക്കുന്നതിനായി സ്കൂൾ വർണാഭമായി അലങ്കരിച്ചു .വി.എച്ച് .എസ് .ഇ വിഭാഗം പ്രിൻസിപ്പൽ ശ്രീമതി .പ്രിയദർശിനി ടീച്ചർ സ്വാഗതമേകി .ഈശ്വര പ്രാർത്ഥനയോടെ ആരംഭിച്ച യോഗത്തിൽവാർഡ് മെമ്പർ ശ്രീ. മനോജ്‌ ഉത്‌ഘാടന കർമ്മം നിർവഹിച്ചു .ബഹുമാനപ്പെട്ട വിദ്യാഭ്യാസ മന്ത്രി യുടെ പ്രവേശനോത്സവ സന്ദേശം സ്കൂളിൽ പ്രദർശിപ്പിച്ചു.തുടർന്ന് കഴിഞ്ഞ വർഷം സ്കൂളിൽ നടത്തിയ പ്രവർത്തനങ്ങളുടെ വീഡിയോ പ്രദർശിപ്പിച്ചു. ഹൈസ്കൂൾ വിഭാഗം പ്രഥമാധ്യാപിക ശ്രീമതി .റീമ ടീച്ചർ ,സീനിയർ അസിസ്റ്റന്റ് ശ്രീ .അരുൺ ശേഖർ ,പി .ടി .എ എക്സിക്യൂട്ടീവ് മെമ്പർ ശ്രീമതി.സിസ്‌ന എന്നിവർ ആശംസ അർപ്പിച്ചു .വി.എച്ച് .എസ്.എസ്‌ വിഭാഗം സ്റ്റാഫ് സെക്രട്ടറി ശ്രീ .രതീഷ് സർ നന്ദി രേഖപ്പെടുത്തി .2025-26അദ്ധ്യയന വർഷം എസ് .എസ് .എൽ. സി പരീക്ഷയിൽ ഉന്നത വിജയം നേടിയ കുട്ടികൾക്ക് മൊമെൻഡോ നൽകി അനുമോദിച്ചു. തുടർന്ന് സൈബർ സുരക്ഷ പ്രതിജ്ഞ ചൊല്ലി അവസാനിപ്പിച്ചു.

വാർഡ് മെമ്പർ ശ്രീ .മനോജ് ഉത്‌ഘാടന കർമ്മം നിർവഹിക്കുന്നു

• 
  പ്രവേശനോൽസവം -2026 ജൂൺ 1

സ്വാഗത പ്രസംഗം പ്രിൻസിപ്പൽ ശ്രീമതി .പ്രിയദർശിനി ടീച്ചർ

• 
  പ്രവേശനോൽസം ഉത്‌ഘാടനം 2026

കുട്ടികൾക്ക് ഹെഡ് മിസ്ട്രസ് ശ്രീമതി റീമ ടീച്ചർ ആശംസകൾ നേരുന്നു

SSLC പരീക്ഷയിൽ ഉന്നത വിജയം നേടിയ കുട്ടികൾ

സൈബർ സുരക്ഷാ പ്രതിജ്ഞ

• 
  സീനിയർ അസിസ്റ്റൻറ്  ശ്രീ.അരുൺ ശേഖർ  ആശംസകൾ അർപ്പിക്കുന്നു

• 
  പി ടി എ എക്സിക്യൂട്ടീവ് മെമ്പർ ശ്രീമതി .സിസ്‌ന ആശംസകൾ അർപ്പിക്കുന്നു

പരിസ്ഥിതി ദിനം- 2026 ജൂൺ 5

2026 ജൂൺ 5 വെള്ളിയാഴ്ച്ചസ്കൂളിൽ പരിസ്ഥിതി ദിനം ആചരിച്ചു .രാവിലെ നടത്തിയ സ്പെഷ്യൽ അസ്സംബ്ലിയിൽ കുട്ടികൾ പരിസ്ഥിതി ദിന പ്രതിജ്ഞ ഏറ്റുചൊല്ലി .2026 ലെ പരിസ്ഥിതി ദിന സന്ദേശം "പ്രകൃതിയിൽ നിന്ന് പ്രചോദനം ഉൾക്കൊണ്ട് കാലാവസ്ഥക്കായി നമ്മുടെ ഭാവിക്കായി "എന്നാണ് .കാലാവസ്ഥാ വ്യതിയാനത്തെ ചെറുക്കുന്നതിലും പരിഹാരങ്ങൾ കണ്ടെത്തുന്നതിലും ഉന്നൽനൽകുന്നതാണ് ഈ വർഷത്തെ സന്ദേശം. പരിസ്ഥിതി ദിന ക്വിസ് ,കവിതകൾ ,പരിസ്ഥിതി ദിന സന്ദേശം ,ഡാൻസ് ,പോസ്റ്റർ നിർമാണം തുടങ്ങി വിവിധ  പ്രവർത്തനങ്ങളിലൂടെ കുട്ടികൾക്ക് പരിസ്ഥിതി സംരക്ഷണത്തിൻറെ പ്രാധാന്യം മനസ്സിലാക്കി കൊടുക്കുക എന്നതായിരുന്നു ലക്ഷ്യം .കുട്ടികൾ കവിതകൾ ചൊല്ലുകയും വൃക്ഷ തൈകൾ നടുകയും ചെയ്തു .പരിസ്ഥിതി ദിന ക്വിസിൽ 8ബി യിലെ ഗായത്രി .യു .എം ഒന്നാം സ്ഥാനവും 9എ യിലെ ഗാഥാ രണ്ടാം സ്ഥാനവും കരസ്ഥമാക്കി .പോസ്റ്റർ നിർമാണ മത്സരത്തിൽ 8ബി യിലെ ഗായത്രിയും 8സി യിലെ തസ്‌നി താഹയും ഒന്നാം സ്ഥാനം പങ്കിട്ടു .10എ യിലെ പ്രിജി രണ്ടാം സ്ഥാനം കരസ്ഥമാക്കി .