എസ്.എ.വി.എച്ച്.എസ്.ആങ്ങമൂഴി/പ്രവർത്തനങ്ങൾ

   പാഠ്യേതര പ്രവർത്തനങ്ങൾ പഠ്യേതര പ്രവർത്തനങ്ങളിൽ ഞങ്ങളുടെ സ്‌കൂൾ എന്നും മുന്നിൽ തന്നെ നിൽക്കുന്നു. കലാകായിക മത്സരങ്ങൾ,ക്വിസ്സ് മത്സരങ്ങൾ ,കല കായിക ശാസ്ത്ര സാമൂഹ്യശാസ്ത്ര പ്രവൃത്തി പരിചയമേളകൾ ആർട്ട് ആൻഡ് ക്രാഫട് ,ദിനാചരണങ്ങൾ ,കൗൺസലിംഗ് ക്ലാസ്സുകൾ, പഠനവിനോദ യാത്രകൾ എന്നിവ എല്ലാ വർഷവും നടത്തിവരുന്നു . 1 ക്ലബ്ബ്കളുടെ പ്രവർത്തനം സ്‌കൂൾ സേഫ്റ്റിക്ലബ്‌ ,വിദ്യാരംഗം ,ഫോറസ്റ്ക്ലബ്‌ , ഐ ടി ക്ലബ്, ലിറ്റിൽ കൈറ്റസ്, ജൂനിയർ റെഡ്ക്രോസ് ,ഏക്കോക്ലബ്, ഹെൽത്ത്, ഇംഗ്ളീഷ് , ഹിന്ദി ,മാത്‍സ് ,സോഷ്യൽ സയൻസ് ,സയൻസ് എന്നീ ക്ലബുകൾ സ്കൂളിൽ പ്രവർത്തിച്ചു വരുന്നു . 2 കായിക മത്സരങ്ങൾ സബ്ജില്ലാ മുതൽ സംസ്ഥാനതലം വരെ മികച്ച നേട്ടങ്ങൾ കൈവരിക്കാൻ ടി സ്കൂളിന് കഴിഞ്ഞിട്ടുണ്ട് .ഈ സ്കൂളിൽനിന്ന് ദേശീയമീറ്റിൽ പങ്കെടുത്ത കുട്ടികൾ ഗ്രേയ്‌സ്‌മാർക്കിനു അർഹത നേടി. ചെസ്സ്മാത്സരത്തിൽ സംസ്ഥാനതലം വരെ കുട്ടികളെ പങ്കെടുപ്പിച്ചു സമ്മാനങ്ങൾ നേടാൻ സാധിച്ചു .ജില്ലയിൽ നടത്തപ്പെടുന്ന എല്ലാ ക്വിസ്സമത്സരങ്ങളിലും കുട്ടികളെ പങ്കെടുപ്പിച്ചു സമ്മാനങ്ങൾ നേടിയിട്ടുണ്ട്. 3 പ്രവൃത്തി പരിചയ ശാസ്ത്ര മേളകൾ പ്രവൃത്തിപരിചയമേളയിൽ തുടർച്ചയായി സംസ്ഥാനതലത്തിൽ 'എ 'ഗ്രേഡ് ഈ സ്കൂളിലെ കുട്ടികൾക്ക് ലഭിച്ചിട്ടുണ്ട് . ശാസ്ത്രമേളകളിലും കുട്ടികളെ പങ്കെടുപ്പിക്കുവാൻ സ്കൂളിന് കഴിഞ്ഞിട്ടുണ്ട് . 4 കലാമേളകൾ കുട്ടികളിൽ അന്തർലീനമായിക്കിടക്കുന്ന കലാവാസനകളെ കണ്ടെത്തി പരിപോഷിപ്പിക്കുകയും മേളകളിൽ മത്സരിപ്പിക്കുകയും ചെയ്തു വരുന്നു . 5 ആർട് ആൻഡ് ക്രാഫ്റ്റ് പരമ്പരാഗത രീതിയിൽനിന്നു വ്യതിചലിച്ച പുതിയ കാഴ്ചപ്പാട് കുട്ടികളിൽ സൃഷ്ട്ടിക്കുന്ന ചിത്രകല, ശിൽപ്പകല ,വാസ്തുശില്പം മുതലായവയിൽ താല്പര്യം ജനിപ്പിക്കുന്ന രീതിയിലുള്ള ക്യാമ്പുകൾ സ്കൂളിൽ സംഘടിപ്പിക്കാറുണ്ട് . 6കൗൺസലിംഗ് ക്ലാസുകൾ വ്യക്തിത്വവികസനം ,പരീക്ഷ ഒരുക്കം എന്നിവയുമായി ബന്ധപ്പെട്ട വിവിധ കൗൺസലിംഗ് ക്ലാസ്സുകൾ സ്കൂളിൽ സംഘടിപ്പിക്കുന്നുണ്ട് . 7 പഠനവിനോദയാത്രകൾ കുട്ടികൾക്ക് വിജ്ഞാനവും വിനോദവും പ്രദാനം ചെയ്യുന്ന പഠനവിനോദയാത്രകൾ സ്കൂളിൽ എല്ലാ വർഷവും നടത്തി

2026-27

എസ്‌.എ.വി ഹൈസ്‌കൂൾ ആങ്ങമൂഴി - സ്കൂൾ പ്രവേശനോത്സവം 2026-27

വേനലവധിക്ക് ശേഷം സ്കൂൾ മുറ്റങ്ങൾ വീണ്ടും സജീവമായതോടെ, പത്തനംതിട്ട ജില്ലയിലെ സീതത്തോട് ഗ്രാമപഞ്ചായത്തിൽ സ്ഥിതി ചെയ്യുന്ന എസ്‌.എ.വി ഹൈസ്‌കൂൾ ആങ്ങമൂഴിയിൽ 2026-2027 അധ്യയന വർഷത്തെ പ്രവേശനോത്സവം വിപുലമായ പരിപാടികളോടെ സംഘടിപ്പിച്ചു. വർണ്ണാഭമായ ചടങ്ങുകളോടെയാണ് നവാഗതരായ വിദ്യാർത്ഥികളെ സ്കൂൾ അധികൃതരും മുതിർന്ന കുട്ടികളും ചേർന്ന് വരവേറ്റത്.

ഉദ്ഘാടനവും അധ്യക്ഷതയും

രാവിലെ കൃത്യം 10 മണിക്ക് സ്കൂൾ ഓഡിറ്റോറിയത്തിൽ പ്രവേശനോത്സവ ചടങ്ങുകൾ ആരംഭിച്ചു. സീതത്തോട് ഗ്രാമപഞ്ചായത്ത് വാർഡ് മെമ്പർ ശ്രീ. രാജു കലപ്പമണ്ണിൽ ചടങ്ങ് ഭദ്രദീപം കൊളുത്തി ഔദ്യോഗികമായി ഉദ്ഘാടനം ചെയ്തു. കുട്ടികളുടെ ഉജ്ജ്വലമായ ഭാവിക്ക് അക്കാദമിക മികവിനൊപ്പം തന്നെ മൂല്യാധിഷ്ഠിത വിദ്യാഭ്യാസവും ആവശ്യമാണെന്ന് അദ്ദേഹം ഉദ്ഘാടന പ്രസംഗത്തിൽ ഓർമ്മിപ്പിച്ചു.

ചടങ്ങിൽ സ്കൂൾ പി.ടി.എ പ്രസിഡന്റ് ശ്രീ. സി. ഡി. പ്രസാദ് അധ്യക്ഷത വഹിച്ചു. സ്കൂൾ പ്രഥമാധ്യാപകൻ ശ്രീ. ലിജു ജോർജ് ചടങ്ങിൽ പങ്കെടുത്തവർക്ക് സ്വാഗതം ആശംസിക്കുകയും പുതിയ അധ്യയന വർഷത്തെ പ്രവർത്തനങ്ങളെക്കുറിച്ച് വിശദീകരിക്കുകയും ചെയ്തു.

അനുഗ്രഹ പ്രഭാഷണം

സ്കൂൾ ലോക്കൽ മാനേജർ റവ. ഫാ. ജോൺ നിർമ്മലന്ദ് OIC ചടങ്ങിൽ മുഖ്യസാന്നിധ്യമാകുകയും കുട്ടികൾക്ക് അനുഗ്രഹ പ്രഭാഷണം നൽകുകയും ചെയ്തു. അറിവിനൊപ്പം നല്ല ശീലങ്ങളും മാനവിക മൂല്യങ്ങളും വളർത്തിയെടുക്കാൻ പുതിയ അധ്യയന വർഷം കുട്ടികൾക്ക് സഹായകമാകട്ടെ എന്ന് അദ്ദേഹം ആശംസിച്ചു.

ആശംസകൾ

വിദ്യാർത്ഥികൾക്ക് ആശംസകൾ നേർന്നുകൊണ്ട് പ്രമുഖ വ്യക്തിത്വങ്ങൾ സംസാരിച്ചു:

ശ്രീ. പ്രകാശ് (ഇൻസ്പെക്ടർ ഓഫ് പോലീസ്, മൂഴിയാർ പോലീസ് സ്റ്റേഷൻ) കുട്ടികൾക്ക് ആശംസകൾ നേരുകയും സുരക്ഷിതമായ സ്കൂൾ ജീവിതത്തിന്റെയും അച്ചടക്കത്തിന്റെയും പ്രാധാന്യത്തെക്കുറിച്ച് സംസാരിക്കുകയും ചെയ്തു.

ശ്രീ. പി. കെ. വാസുദേവൻ (വാർഡ് മെമ്പർ, സീതത്തോട് ഗ്രാമപഞ്ചായത്ത്) വിദ്യാർത്ഥികൾക്ക് പുതിയ അധ്യയനവർഷത്തെ എല്ലാവിധ ഭാവുകങ്ങളും നേർന്നു.

സൈബർ സുരക്ഷാ പ്രതിജ്ഞ

ഡിജിറ്റൽ യുഗത്തിൽ കുട്ടികൾ ഇന്റർനെറ്റ് ഉപയോഗിക്കുമ്പോൾ പാലിക്കേണ്ട സുരക്ഷ മുൻനിർത്തി ചടങ്ങിൽ പ്രത്യേക സൈബർ സുരക്ഷാ പ്രതിജ്ഞ നടന്നു. ഒമ്പതാം ക്ലാസ് വിദ്യാർത്ഥി മാസ്റ്റർ ദേവദത്തൻ സഹപാഠികൾക്കായി സൈബർ സുരക്ഷാ പ്രതിജ്ഞ ചൊല്ലിക്കൊടുത്തു.

സമാപനം

സ്കൂൾ സ്റ്റാഫ് സെക്രട്ടറി ശ്രീ. ജോസഫ് വി. തോമസ് ചടങ്ങിന് നന്ദി പ്രകാശനം നടത്തി. പുതിയ അധ്യയന വർഷത്തെ വരവേൽക്കാൻ അധ്യാപകരും പി.ടി.എ ഭാരവാഹികളും ചേർന്നൊരുക്കിയ മധുരപലഹാര വിതരണവും കുട്ടികളുടെ വിവിധ കലാപരിപാടികളും പ്രവേശനോത്സവത്തിന് മാറ്റുകൂട്ടി. ഔദ്യോഗിക ചടങ്ങുകൾ ദേശീയഗാനത്തോടെ സമാപിച്ചു.