ജി.എച്ച്.എസ്.എസ് പാളയംകുന്ന്/പരിസ്ഥിതി ക്ലബ്ബ്
ഹരിതകേരളം പ്രോട്ടോകോൾ
വർദ്ധിച്ചുവരുന്ന പ്ലാസ്റ്റിക്ക് മാലിന്യങ്ങൾ പരമാവധി കുറയ്ക്കുവാനും വിദ്യാലയങ്ങൾ ഹരിതസുന്ദരമാകാനും വേണ്ടി സർക്കാർ ആരംഭിച്ച പദ്ധതിയായ ഹരിതകേരളം പ്രോട്ടോക്കോൾ ജി.എച്ച്.എസ്.എസ്. പാളയംകുന്ന് 2017 ജനുവരി മുതൽ നടപ്പിലാക്കി. സ്ക്കുളിലെ എല്ലാതര പ്ലാസ്റ്റിക്ക് മാലിന്യങ്ങളും നിർമാർജ്ജനം ചെയ്യുകയാണ് ആദ്യമായി ഞങ്ങൾ ചെയ്ത പ്രവർത്തനം.ഇതിന്റെ ഭാഗമായി എച്ച്.എസ്.വിഭാഗത്തിലെ അമ്പത് മിടുക്കരായ കുുട്ടികൾക്ക് സൗജന്യമായി മഷിയൊഴിക്കുന്ന പേനയും മഷിക്കുപ്പിയും അസംബ്ലിയിൽ വച്ച് എച്ച്.എം.സമ്മാനിച്ചു.അന്ന് അസംബ്ലി നടത്തിയ കുട്ടികൾ പ്ലാസ്റ്റിക്ക് ഉപയോഗത്തിന്റെ ദൂഷ്യഫലങ്ങൾ പ്രസംഗത്തിലുടെ അവതരിപ്പിച്ചു.
പരിസ്ഥിതി ദിനാഘോഷം
പരിസ്ഥിതി സംരക്ഷിക്കേണ്ടതിന്റെ ഉത്തരവാദിത്വം പുതിയ തലമുറകളായ കുട്ടികളിലേക്ക് എത്തിക്കുവാനായി ലോക പരിസ്ഥിതി ദിനമായ ജൂൺ 5 ന് G H S S പാളയംകുന്നിന്റെ അങ്കണത്തിൽ അധ്യാപകരും കുട്ടികളും ചേർന്ന് ഒരു സ്പെഷ്യൽ അസ്സെംബ്ലി അവതരിപ്പിച്ചു. അതിൽ ഇപ്പോഴത്തെ പരിസ്ഥിതിയുടെയും, മനുഷ്യന്റെ ദൂഷ്യ സ്വഭാവങ്ങളെ കുറിച്ചും പരാമർശങ്ങളുയർന്നു. അസ്സെംബ്ളിക്കിടയിൽ ബഹുമാനപ്പെട്ട പ്രിൻസിപ്പൾ പ്രീത മിസ്സ് സ്കൂൾ ഫോർമെർ വൈസ് പഴ്സനായ അൽഷയ്ക്ക് ഒരു തൈ നൽകി പരിപാടി ഉദ്ധ്ഘാടനം ചെയ്തു. ശേഷം ബഹുമാനപ്പെട്ട സ്കൂൾ എച്ച്. എം കുട്ടികളിലേക്ക് പരിസ്ഥിതി സന്ദേശവും നൽകി. 'Connect people to nature' എന്ന സന്ദേശവും ഇക്കൂട്ടത്തിനിടയിൽ ഉയർന്നുകേട്ടു. പരിപാടിയുടെ അവസാനം കുട്ടികൾക്ക് ഒരു മരത്തൈയും ബഹുമാനപ്പെട്ട മുഖ്യമന്ത്രി പിണറായി വിജയൻറെ ഒരു കത്തും കുട്ടികൾക്ക് നൽകി പരിപാടി സമാപിച്ചു.
പരിസ്ഥിതി ദിനാഘോഷം 2021-22
ഗവണ്മെന്റ് ഹയർസെക്കന്ററി സ്കൂൾ പാളയംകുന്നിലെ 2021-22 അക്കാദമിക വർഷത്തെ എക്കോക്ലബ് പ്രവർത്തനങ്ങൾ ജൂൺ 5 പരിസ്ഥിതി ദിനാചരണ പ്രവർത്തങ്ങൾക്ക് തുലാം നൽകിക്കൊണ്ട് ആരംഭിച്ചു.
ഈ കോവിഡ് കാലത്തും പരിസ്ഥിതി ദിനാചരണം സമുചിതമായിത്തന്നെ നടത്തുവാൻ കഴിഞ്ഞു. വൃക്ഷതൈകൾ നടൽ, പോസ്റ്റർ രചനാമത്സരം, ഉപന്യാസ രചന, പരിസ്ഥിതി ദിന ഗാനം എന്നിവയിൽ കുട്ടികൾ പങ്കെടുത്തു. പരിസ്ഥിതി സംരക്ഷണവും വികസനവും എന്ന വിഷയത്തെ ആസ്പദമാക്കി കുട്ടികൾക്ക് ബോധവൽക്കരണ ക്ലാസുകൾ നടത്തി. ഒൻപതാം ക്ലാസ്സ് വിദ്യാർഥികൾക്കായി ആഗോള താപനം തടയുന്നതിൽ സസ്യങ്ങൾക്കുള്ള പങ്ക് എന്ന വിഷയത്തിൽ സെമിനാർ പ്രബന്ധ രചനാമത്സരം നടത്തി.
ഓസോൺ ദിനാചരണവുമായി ബന്ധപ്പെട്ട് ക്വിസ് മത്സരവും ഉപന്യാസ രചനാമത്സരവും നടന്നു. ഒൻപതാം ക്ലാസ്സ് വിദ്യാർഥികൾക്കായി മാലിന്യ സംസ്കരണം, പുനരുപയോഗസാധ്യതകൾ പുന:ചംക്രമണം എന്നിവയെക്കുറിച്ചുള്ള അവബോധം നൽകി. പ്ലാസ്റ്റിക് വസ്തുക്കളുടെ ഉപയോഗം നിയന്ത്രിക്കാനുള്ള മാർഗങ്ങൾ ചർച്ചാ ക്ലാസ്സ് നടത്തി പ്ലാസ്റ്റിക് ഉപയോഗിക്കാൻ കഴിയുന്ന സംവിധാനങ്ങളെക്കുറിച്ച് കുട്ടികൾ രചനകൾ തയാറാക്കി. വിദ്യാർഥികൾക്കായി ജൈവവൈവിധ്യ സംരക്ഷണത്തിന്റെ പ്രാധാന്യം എന്ന വിഷയം സെമിനാർ ആയി നടത്തി. പരിസ്ഥിതി
സംരക്ഷിക്കാനുള്ള വിവിധ മാർഗങ്ങൾ, ചിത്രങ്ങൾ ഉൾപ്പെടുത്തി പതിപ്പ് തയാറാക്കി.
ഫോട്ടോ ആൽബം
പരിസ്ഥിതി ദിനാഘോഷം -( 2024 -25)
ജിഎച്ച്എസ്എസ് പാളയംകുന്നിൽ ഈ വർഷത്തെ പരിസ്ഥിതി ദിനാഘോഷം വളരെ നല്ല രീതിയിൽ നടന്നു. പിടിഎ പ്രസിഡന്റ് ശ്രീ.സുനിൽകുമാർ സാർ, ഇലകമൺ പഞ്ചായത്ത് പ്രസിഡന്റ് ശ്രീമതി സൂര്യ, ഹെഡ്മിസ്ട്രസ് ശ്രീമതി സുജ എന്നിവർ സ്കൂൾ പരിസരത്ത് വൃക്ഷത്തൈകൾ നട്ടു. സ്പെഷ്യൽ അസംബ്ലിയിൽ കുട്ടികൾക്ക് സന്ദേശങ്ങൾ നൽകി. പരിസ്ഥിതി ദിനവുമായി ബന്ധപ്പെട്ട പോസ്റ്റർ രചന മത്സരവും ക്വിസ് മത്സരവും സംഘടിപ്പിച്ചു.
2024 –25
ഇക്കോക്ലബ്ബ്പ്രവർത്തനങ്ങൾ
റിപ്പോർട്ട്
2024 ജൂൺ 5 ബുധനാഴ്ച പരിസ്ഥിതി ദിനത്തിൽ സ്പെഷ്യൽഅസംബ്ലിയോട് കൂടി ഈ വർഷത്തെ പരിസ്ഥിതി ക്ലബ്പ്രവർത്തനങ്ങൾക്ക് തുടക്കം കുറിച്ചു. പരിസ്ഥിതി ദിനത്തിന്റെഭാഗമായി ക്വിസ് മത്സരവും പോസ്റ്റർരചന മത്സരവും സംഘടിപ്പിച്ചു.18 /6 /2024 ന് പാഴ് വസ്തുക്കളിൽ നിന്നും നിർമ്മിക്കുന്നകലാവസ്തുക്കളുടെ പ്രദർശനം നടത്തി.ഇക്കോ ക്ലബ്ബിന്റെ നേതൃത്വത്തിൽ എൽ പി വിഭാഗം കുട്ടികൾക്ക്ജലസംരക്ഷണവുമായി ബന്ധപ്പെട്ട് ബോധവൽക്കരണവും കുട്ടികൾതയ്യാറാക്കിയ പോസ്റ്റർ പ്രദർശനവും നടത്തി. എൽ പി വിഭാഗത്തിലെകുട്ടികൾക്ക് ഇക്കോ ക്ലബ്ബിന്റെ ഭാഗമായി പ്രകൃതി നടത്തംസംഘടിപ്പിച്ചു. ജലസംരക്ഷണ റാലി നടത്തി.പച്ചക്കറി കൃഷി ചെറിയ രീതിയിൽ തുടങ്ങിയെങ്കിലും ജലദൗർലഭ്യംമൂലം വിജയം കണ്ടില്ല.സ്കൂൾ അങ്കണത്തിൽ ചെറിയ രീതിയിൽ ഒരുപൂന്തോട്ടം സജ്ജീകരിച്ചിട്ടുണ്ട്.പ്ലാസ്റ്റിക് കത്തിക്കുന്നതിനെതിരെ ബോധവൽക്കരണംനടത്തുന്നതിനുവേണ്ടി ഇക്കോക്ലബ് അംഗങ്ങൾ ഒരു സ്കിറ്റ്അവതരിപ്പിച്ചു. ഈ ദിവസം തന്നെ പരിസ്ഥിതി കവിതാരചനയിൽതാല്പര്യമുള്ള കുട്ടികൾ സ്വന്തമായി എഴുതി തയ്യാറാക്കിയ കവിതചൊല്ലുകയും ചെയ്തു.എഴുതി തീർന്ന പ്ലാസ്റ്റിക് പേനകൾ ശേഖരിക്കാൻ ഇക്കോ ക്ലബ്അംഗങ്ങളുടെ നേതൃത്വത്തിൽ ഓരോ ക്ലാസിലും പെൻ ബൂത്തുകൾസ്ഥാപിച്ചു.പരിസ്ഥിതി സംരക്ഷണവുമായി ബന്ധപ്പെട്ട വീഡിയോകൾ പാഠഭാഗംവിനിമയത്തിന്റെ ഭാഗമായി കുട്ടികൾക്ക് കാണാനുള്ള അവസരം
നൽകുന്നു.
പരിസ്ഥിതി ദിനാഘോഷം 2025
ജൂൺ അഞ്ചിന് ആചരിക്കപ്പെടുന്ന ലോക പരിസ്ഥിതി ദിനത്തിന്റെ ഭാഗമായി സ്കൂളിൽ അന്നേദിവസം വിപുലമായ പല പ്രവർത്തനങ്ങളും സംഘടിപ്പിക്കുകയുണ്ടായി .ഈ ദിനം പ്രകൃതിയുടെയും പരിസ്ഥിതിയുടെയും സംരക്ഷണത്തിന് പ്രാധാന്യം നൽകുന്നു .മുൻ കാലങ്ങളിലേതു പോലെ പ്ലാസ്റ്റിക് ഉപയോഗം കുറയ്ക്കുക എന്ന വിഷയവും പരിഗണിക്കപ്പെട്ടു. ദിനാചരണത്തിന്റെ ഭാഗമായി സ്കൂൾ കോമ്പൗണ്ടിൽ വിവിധതരത്തിലുള്ള വൃക്ഷത്തൈകൾ നട്ടു .സ്കൂൾ പിടിഎ അംഗങ്ങളും ,പ്രിൻസിപ്പലും ,ഹെഡ്മിസ്ട്രസും ഉൾപ്പെട്ട ടീം വൃക്ഷത്തൈകൾ നട്ടു കഴിഞ്ഞശേഷം പരിസ്ഥിതി ദിനത്തിന്റെ പ്രാധാന്യത്തെക്കുറിച്ച് കുട്ടികളോട്സംസാരിക്കുകയുണ്ടായി .നട്ട വൃക്ഷങ്ങളുടെ തുടർപരിപാലനത്തെ കുറിച്ചും ചർച്ച ചെയ്തു.കൂടാതെ പരിസ്ഥിതി വിഷയവുമായി സംബന്ധിച്ച പ്രസംഗങ്ങൾ, ചിത്രരചന മത്സരങ്ങൾ ഇവ നടന്നു .തുടർന്ന് പരിസ്ഥിതി ദിന പ്രതിജ്ഞ കുട്ടികൾ എടുക്കുകയും ചെയ്തു.