സംവാദം:നല്ലപാഠം

നല്ല പാഠം

മൗണ്ട് കാർമൽ എച്ച്എസ് നല്ല പാഠം പ്രവർത്തകർ ജൈവ പച്ചക്കറി വിളവെടുപ്പും വിൽപ്പനയും നടത്തി

         കർഷക ദിനത്തോടനുബന്ധിച്ച് ഇരുന്നൂറിലധികം നല്ല പാഠം പ്രവർത്തകരുടെ വീടുകളിലെ പച്ചക്കറിത്തോട്ടത്തിലെയും സ്കൂൾ പച്ചക്കറിത്തോട്ടത്തിലെയും  വിളവെടുപ്പ് നടത്തി.കർഷക വേഷമണിഞ്ഞെത്തിയ കുട്ടികർഷകർ വിളവെടുത്ത ഉല്പന്നങ്ങൾ നല്ല പാഠം പ്രവർത്തകർ ആരംഭിച്ച പുതിയ സംരംഭമായ  Friday Market  ന് നൽകി.എല്ലാ മാസവും അവസാന വെള്ളിയാഴ്ച ആയിരിക്കും ചന്ത ദിവസം.ഉല്പന്നങ്ങൾ വിറ്റ് കിട്ടുന്ന തുക കാരുണ്യ പ്രവർത്തനങ്ങൾക്കായി വിനിയോഗിക്കും. സ്കൂൾ പച്ചക്കറി തോട്ടത്തിലെ വിളവെടുപ്പ് ഉദ്ഘാടനം സ്കൂൾ ഹെഡ്മിസ്ട്രസ്സ് സിസ്റ്റർ ജെയിൻ നിർവഹിച്ചു. ആദ്യ വില്പന പിങ്ക് ജനമൈത്രി ബീറ്റ് പോലീസ് ഓഫീസർ ശ്രീമതി വി.ബി അമ്പിളി നിർവഹിച്ചു. വിശിഷ്ട സേവനത്തിന് മുഖ്യമന്ത്രിയുടെ പോലീസ് മെഡലിന് അർഹയായ പിങ്ക് ജനമൈത്രി ബീറ്റ് പോലീസ് ഓഫീസർ വി.ബി അമ്പിളിയെ പൊന്നാടയണിയിച്ച് ആദരിക്കുകയും ചെയ്തു. കർഷക ദിനത്തോടനുബന്ധിച്ച് കേദാരം കാർഷിക കയ്യെഴുത്ത് മാസിക പ്രകാശനം ചെയ്തു. നല്ല പാഠം കോ-ഓർഡിനേറ്റർമാരായ എ . എൽസമ്മ, ലിൻസി  വിൻസെന്റ് അധ്യാപകരായ സോഫിയാമ്മ, മിഷ ,പ്രിയ, ടിൻറുമോൾ എന്നിവർ പ്രവർത്തനങ്ങൾക്ക് നേതൃത്വം നൽകി. 33025 (സംവാദം) 14:03, 12 ഡിസംബർ 2024 (IST)