ജി.വി.എച്ച്.എസ്.എസ്. നെല്ലിക്കുത്ത്/പ്രവർത്തനങ്ങൾ/2023-24

പ്രവേശനോത്സവം

സ്കൂൾ പ്രവേശോത്സവം ജൂൺ ഒന്നിന് അതിഗംഭീരമായി ആഘോഷിച്ചു. മനോഹരമായ അലങ്കരിച്ച സ്കൂളും പരിസരവും കുട്ടികൾക്കും രക്ഷിതാക്കൾക്കും പുതുമയായി. പ്രവേശനോത്സവം പിടിഎ പ്രസിഡണ്ട് ഉദ്ഘാടനം ചെയ്തു. ജനപ്രതിനിധികൾ അധ്യാപകർ രക്ഷിതാക്കൾ പൂർവവിദ്യാർത്ഥികൾ തുടങ്ങിയവർ പങ്കെടുത്തു. പൂർണ്ണമായും പിടിഎയുടെ നേതൃത്വത്തിൽ പ്രവർത്തിക്കുന്ന പ്രീ പ്രൈമറി ക്ലാസുകളുടെ പ്രവേശനോത്സവം വളരെ മനോഹരമായി. പ്രീ പ്രൈമറിയും ഒന്നാം ക്ലാസിലെയും കുട്ടികൾക്ക് സ്കൂൾ പിടിഎയുടെയും എസ്എംസിസിയുടെയും നേതൃത്വത്തിൽ പഠന കിറ്റ് വിതരണം ചെയ്തു. ഹാളിൽ പ്രദർശിപ്പിച്ച വലിയ സ്ക്രീനിലൂടെ  പ്രവേശനോത്സവത്തിന്റെ സംസ്ഥാനതല ഉദ്ഘാടനം കുട്ടികൾക്കും രക്ഷിതാക്കൾക്കും നിരീക്ഷിക്കാൻ സാധിച്ചു. പിടിഎയുടെ നേതൃത്വത്തിൽ വിവിധ ക്ലബ്ബുകളുടെ സഹകരണത്തോടെ എല്ലാ കുട്ടികൾക്കും പായസ വിതരണം നടത്തി.

ലോക പരിസ്ഥിതിദിനം

2023 ജൂൺ 5 ലോക പരിസ്ഥിതി ദിനത്തിൽ സ്കൂളിൽ സാമൂഹ്യശാസ്ത്ര ക്ലബ്ബിന്റെ ആഭിമുഖ്യത്തിൽ ലോക പരിസ്ഥിതി ദിനം സമുചിതമായി ആഘോഷിച്ചു.പരിസ്ഥിതിയെ സംരക്ഷിക്കേണ്ടതിന്റെ ആവശ്യകത വിദ്യാർത്ഥികളിൽ ഉറപ്പിക്കുന്നതിനും സമൂഹത്തിന് ഈ സന്ദേശം പകർന്നു നൽകുന്നതിനുമായി പരിസ്ഥിതി ദിന റാലി സംഘടിപ്പിച്ചു. പരിസ്ഥിതി സംരക്ഷണവുമായി ബന്ധപ്പെട്ട വിഷയങ്ങളിൽ യുപി, ഹൈസ്കൂൾ വിഭാഗങ്ങളിലെ കുട്ടികൾക്കായി ഉപന്യാസം മത്സരം സംഘടിപ്പിച്ചു.

പ്രകൃതി നടത്തം

Gvhss നെല്ലിക്കുത്തിലെ വിദ്യാർത്ഥികളും അദ്ധ്യാപരും അടക്കം നൂറോളം വരുന്ന ക്ലബംഗങ്ങൾ പ്രകൃതിയെ അടുത്തറിയാനും സാമൂഹ്യശാസ്ത്രക്ലബ്‌ ഉദ്ഘാടനത്തിനുമായി 12/08/2023ന് പന്തല്ലൂർ മലയുടെ വിവിധ പ്രദേശങ്ങളിൽ പഠനയാത്ര നടത്തുകയുണ്ടായി. ഊത്തലക്കുണ്ടു നിന്നു നടത്തം ആരംഭിച്ച്, പാച്ചോല, മണ്ണാത്തിപ്പാറ വാട്ടർഫാൾസ്, നെച്ചെങ്ങര, കല്ലുരുട്ടി, മുള്ളൻമട, കൊട്ടൻമല വാട്ടർടാങ്ക്, കൊരങ്ങൻചോല വഴി പന്തല്ലൂർ മലയുടെ വിവിധ ഭാഗങ്ങളിൽ നടത്തിയ നടത്തത്തിലൂടെ നാടിനെ കുറിച്ചുള്ള ചെറിയ അറിവുകൾ വളർന്നു വരുന്ന തലമുറയ്ക്ക് പങ്കുവെക്കാൻ സാധിച്ചു. പന്തല്ലൂരിന്റെ ഭൂമിശാസ്ത്രവും ചരിത്രവും കാർഷികപ്രാധാന്യവും മനസിലാക്കികൊണ്ടും സസ്യ-ജൈവവൈവിദ്ധ്യം, മണ്ണിന്റെ ഘടന, കാലാവസ്ഥ, ഉരുളപൊട്ടൽ തുങ്ങിയ വിഷയങ്ങളും ചർച്ചചെയ്ത് വിദ്യാർത്ഥികളുടെ യാത്ര വേറിട്ട അനുഭവമായിരുന്നു.

രക്ഷിതാക്കൾക്കുള്ള സൈബർ ബോധവൽക്കരണ ക്ലാസ്

ജി വി എച് എസ എസ നെല്ലികുത്ത് സ്കൂളിലെ ലിറ്റിൽ കൈറ്റ്സ് യൂണിറ്റിന്റെ ആഭിമുഖ്യത്തിൽ രക്ഷിതാക്കൾക്കുള്ള സൈബർ ബോധവൽക്കരണ ക്ലാസ് നടത്തി.രക്ഷിതാക്കൾക്കുള്ള ബോധവൽക്കരണം വിവിധ പ്രസന്റേഷനുകളുടെ സഹായത്താൽ ലിറ്റിൽ കൈറ്റ്സ് വിദ്യാർത്ഥികൾ നടത്തി.എന്താണ് സൈബർ സുരക്ഷ, ഇന്നത്തെ കാലഘട്ടത്തിൽ കുട്ടികൾ അറിഞ്ഞിരിക്കേണ്ട വസ്തുതകൾ, നാം സാമൂഹ്യ മാധ്യമങ്ങൾ ഉപയോഗിക്കുമ്പോൾ വഞ്ചിതരാകാതിരിക്കാൻ എന്തെല്ലാം കാര്യങ്ങൾ ശ്രദ്ധിക്കണം എന്നതിനെപ്പറ്റി വിശദമായ ക്ലാസുകൾ നൽകി. സൈബർ ഭീഷണിയുടെ തോത് വർദ്ധിച്ചുകൊണ്ടിരിക്കുന്ന ഈ സാഹചര്യത്തിൽ പാസ്സ്‌വേർഡുകൾ സുരക്ഷിതമാക്കേണ്ടതിന്റെ ആവശ്യകതയെ പറ്റിയും , ധാരാളം വിദ്യാർത്ഥികൾ ഇന്റർനെറ്റിന്റെ ചതിക്കുഴിയിൽ അകപ്പെട്ട് ജീവിതം പാഴാകുന്നത് കൊണ്ട്, പ്രതിസന്ധികളെ ചെറുക്കേണ്ട വഴികളെ പറ്റിയും നിർദ്ദേശം നൽകി.

ലഹരി വിരുദ്ധ ദിനം

ജൂൺ 26 ലോക ലഹരി വിരുദ്ധ ദിനത്തോടനുബന്ധിച്ച് കുട്ടികൾക്കായി ഡിജിറ്റൽ പോസ്റ്റർ മത്സരം നടത്തി. എല്ലാ ക്ലാസിലെയും കുട്ടികൾ പങ്കെടുത്തു. പോസ്റ്ററുകൾ വീഡിയോ ആക്കി സ്കൂൾ ഫേസ്ബുക്കിൽ നൽകി. ലഹരി വിരുദ്ധ ദിന റാലിയുടെ പ്രസക്ത ഭാഗങ്ങൾ ക്യാമറയിൽ പകർത്തി. സ്കൂളിൽ ക്ലാസ്ലത്തിൽ ലഹരി വിരുദ്ധ പോസ്റ്റർ രചന മത്സരം മുഴുവൻ കുട്ടികൾക്കും ബോധവൽക്കരണ ക്ലാസ് ലഹരി വിരുദ്ധ പ്രതിജ്ഞ എന്നിവയും ലഹരിയുടെ ദൂഷ്യഫലങ്ങൾ മനസ്സിലാക്കാൻ കഴിയുന്ന വീഡിയോ പ്രദർശനവും നടന്നു.

എസ് എസ് എൽ സി പുരസ്കാര വിതരണം

2022-23 അധ്യയന വർഷത്തെ എസ് എസ് എൽ സി പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയ വിദ്യാർത്ഥികൾക്കും 100% വിജയം നേടിയ സ്കൂളിനുമുള്ള പുരസ്കാരവിതരണം മഞ്ചേരി വി പി ഹാളിൽ വച്ച് ബഹു എം എൽ എ യുടെ നേതൃത്വത്തിൽ നടന്നു. തുടർച്ചയായി ഒമ്പതാം തവണയും എസ്എസ്എൽസി 100 ശബ്ദമാണ് വിജയം നേടിയതിനുള്ള പുരസ്കാരം ബഹു പ്രതിപക്ഷ ഉപനേതാവ് ശ്രീ പി കെ കുഞ്ഞാലിക്കുട്ടിയിൽ നിന്നും സ്കൂൾ അധികൃതരും പിടിഎ പ്രസിഡണ്ടും ചേർന്ന് സ്വീകരിച്ചു. സമ്മാനാർഹരായ വിദ്യാർഥികൾ മറ്റു പിടിഎ എസ് എം സി ഭാരവാഹികൾ അധ്യാപകർ രക്ഷിതാക്കൾ എന്നിവരും ചടങ്ങിൽ സന്നിഹിതരായിരുന്നു.

മെഹന്തി ഫെസ്റ്റ്

വലിയ പെരുന്നാൾ ആഘോഷത്തിന്റെ ഭാഗമായി നടന്ന മെഹന്ദി ഫെസ്റ്റ് എൽ പി, യു പി,എച്ച് എസ് വിഭാഗങ്ങൾക്ക് വെവ്വേറെ മത്സരങ്ങളാണ് നടത്തിയത്. വാശിയേറിയ മത്സരത്തിൽ അതിമനോഹരങ്ങളായ ഡിസൈനുകളാണ് കുട്ടികൾ തയ്യാറാക്കിയത്. ഇതിനോടനുബന്ധിച്ച് ഗണിത ഒപ്പന നടത്തിയത് കുട്ടികൾക്കും അധ്യാപകർക്കും ഒരുപോലെ കൗതുകമായി. മലബാറിന്റെ ഇസലുകൾ ചേർത്തലല്ല മാപ്പിളപ്പാട്ട് മത്സരവും പരിപാടികൾക്ക് നിറവേകി. വിവിധ പരിപാടികളിലെ മത്സര വിജയികൾക്ക് സമ്മാനദാനവും ഉണ്ടായിരുന്നു.

ലോക ജനസംഖ്യാ ദിനം ജൂലൈ 11

ലോക ജനസംഖ്യാ ദിനത്തോടനുബന്ധിച്ച് കുട്ടികൾക്ക് ക്വിസ് മത്സരവും പ്രസംഗം മത്സരവും നടത്തി.ലോക ജനസംഖ്യാദിനം (World Population Day) ജൂലൈ 11-ന് ലോകമെമ്പാടും ആചരിക്കുന്ന ഒരു അന്താരാഷ്‌ട്ര ദിനമാണ്. 1989-ൽ ഐക്യരാഷ്ട്രസഭയുടെ വികസന പരിപാടി (UNDP) ആദ്യമായി ഈ ദിനം പ്രഖ്യാപിച്ചു. 1987 ജൂലൈ 11-ന് ലോക ജനസംഖ്യ 5 ബില്യൺ പിന്നിട്ടതിന്റെ ഓർമ്മപ്പെടുത്തലായാണ് ഈ ദിനം ആചരിക്കാൻ തുടങ്ങിയത്.

ലോകജനസംഖ്യയുടെ പ്രാധാന്യത്തെക്കുറിച്ചും അതിന്റെ വേഗത്തിൽ വളരുന്നതിന്റെ പശ്ചാത്തലത്തിൽ ആവശ്യമുള്ള ആവിശ്യങ്ങളും നടപടികളും ജനങ്ങളോടും രാജ്യങ്ങളോടും ലോകത്തോടും ബോധവൽക്കരിക്കുന്നതാണ് ഈ ദിനത്തിന്റെ ലക്ഷ്യം.

ഹിരോഷിമ നാഗസാക്കി ദിനം

ഹിരോഷിമ നാഗസാക്കി ദിനത്തോടനുബന്ധിച്ച് എസ് എസ് ക്ലബ്ബ് സുഡാക്കോ കൊക്കുകളുടെ  നിർമ്മാണ മത്സരം നടത്തി. കൊക്കുകളുടെ നിർമ്മാണത്തിന് മുമ്പ് കുട്ടികൾക്ക് ഒരു ദിവസത്തെ പരിശീലനം നൽകിയിരുന്നു. കൂടാതെ യുദ്ധവിരുദ്ധ പോസ്റ്റർ രചന മത്സരവും,ക്വിസ്മത്സരവും, പ്രസംഗ മത്സരവും നടത്തി. വിജയികൾക്കുള്ള സമ്മാനദാനം സ്കൂൾ അസംബ്ലിയിൽ വച്ച് നൽകി.

സ്വാതന്ത്ര്യ ദിനാഘോഷം

സ്വാതന്ത്ര്യദിനാഘോഷം സ്കൂളിൽ വിവിധ പരിപാടികളോടെ വിപുലമായി ആഘോഷിച്ചു. വിദ്യാർത്ഥികൾ അധ്യാപകർ പിടിഎ എസ് എം സി അംഗങ്ങൾ ജെ ആർ സി കേഡറ്റുകൾ എന്നിവർ സ്വാതന്ത്ര്യദിന അസംബ്ലിയിൽ അണിചേർന്നു. സ്കൂൾ പ്രിൻസിപ്പൽ പ്രധാന അധ്യാപിക പിടിഎ പ്രസിഡണ്ട് എന്നിവർ സംയുക്തമായി പതാക ഉയർത്തി. വാർഡ് കൗൺസിലർ ശ്രീജ പ്രിൻസിപ്പൽ ലെതർ ടീച്ചർ ഹെഡ്മിസ്ട്രസ് പ്രീതി ടീച്ചർ പിടിഎ പ്രസിഡണ്ട് സീനിയർ അധ്യാപകർ എന്നിവർ സ്വാതന്ത്ര്യദിന സന്ദേശം അറിയിച്ചു. എസ് എസ് ക്ലബ്ബിന്റെ ആഭിമുഖ്യത്തിൽ ദേശഭക്തിഗാന മത്സരം, സ്വാതന്ത്ര്യ ദിന ക്വിസ് മത്സരം എന്നിവയും ഗണിത ക്ലബ്ബിന്റെ ആഭിമുഖ്യത്തിൽ പതാക നിർമ്മാണ മത്സരം ജെ ആർ സി യൂണിറ്റിന്റെ കീഴിൽ സ്വാതന്ത്ര്യദിന പരേഡ് നടന്നു പങ്കെടുത്ത മുഴുവൻ കുട്ടികൾക്കും മധുരം വിതരണം ചെയ്തു. ഉച്ചയോടുകൂടി പരിപാടി അവസാനിപ്പിച്ചു

സോഫ്റ്റ്‌വെയർ അധിഷ്ഠിതമായ സ്കൂൾ പാർലമെന്റ് തെരഞ്ഞെടുപ്പ്

2023-24 അധ്യയന വർഷത്തെ സ്കൂൾ പാർലമെന്റ് തിരഞ്ഞെടുപ്പ് ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽസോഫ്റ്റ്‌വെയർ അധിഷ്ഠിതമായി നടത്തി. ക്ലാസ് തലത്തിലുള്ള ലീഡേഴ്സിന്റെ തെരഞ്ഞെടുപ്പിനെ തുടർന്ന് സ്കൂൾ പാർലമെന്റ് ഭാരവാഹികളുടെ തെരഞ്ഞെടുപ്പ് നടത്തി. വിദ്യാർത്ഥികളിൽ ജനാധിപത്യ ബോധവും, ഐക്യവും, സാഹോദര്യവും വളർത്തുവാൻ സഹായിക്കുന്ന തരത്തിലാണ് എല്ലാ പ്രവർത്തനങ്ങളും ആവിഷ്കരിച്ചത്. കൂൾ പാർലമെന്റ് തിരഞ്ഞെടുപ്പ് ഇ-ഇലക്ഷനായി വിജയകരമായി പൂർത്തിയാക്കി.ഇലക്ഷന്റെ എല്ലാ രീതികളും മനസ്സിലാക്കിക്കുന്ന തരത്തിലായിരുന്നു ഇലക്ഷൻ നടത്തിയത്.ലിറ്റിൽ കൈറ്റ് കുട്ടികൾ നേതൃത്വം നൽകി.

ആധാർ വോട്ടർ ഐഡി ലിങ്കിംഗ് ക്യാമ്പ്

വിഎച്ച്എസ്ഇ വിഭാഗം എൻഎസ്എസ് യൂണിറ്റിന്റെ ഭാഗമായി സെപ്റ്റംബർ 24ന് എൻഎസ്എസ് ദിനാചരണവുമായി ബന്ധപ്പെട്ട് ആധാർ വോട്ടർ ഐഡി ലിങ്കിംഗ് ക്യാമ്പ് സംഘടിപ്പിച്ചു. വിദ്യാർത്ഥികളുടെ സാമൂഹിക പ്രതിബദ്ധതയുടെ നേർക്കാഴ്ചയായ ഈ ക്യാമ്പിലേക്ക് നിരവധി പൊതുജനങ്ങളാണ് എത്തിച്ചേർന്നത്. ക്യാമ്പിന്റെ ഉദ്ഘാടനം മുൻസിപ്പൽ കൗൺസിലർ ശ്രീമതി ശ്രീജ നിർവഹിച്ചു. പിടിഎ എസ് എം സി അംഗങ്ങളുടെ മുഴുവൻ സമയ സാന്നിധ്യം ഈ ക്യാമ്പിനെ വൻവിജയമാക്കി തീർത്തു.

ഓസോൺ ദിനം

സെപ്റ്റംബർ 16ന് ഓസോൺ ദിനവുമായി ബന്ധപ്പെട്ട വൈവിധ്യമാർന്ന പരിപാടികളാണ് സ്കൂൾ ശാസ്ത്ര ക്ലബ്ബിന്റെയും സോഷ്യൽ സയൻസ് ക്ലബ്ബിന്റെയും നേതൃത്വത്തിൽ നടന്നത്. ഓസോൺ ദിനവുമായി ബന്ധപ്പെട്ട ചർച്ച ക്ലാസുകൾ, പോസ്റ്റർ നിർമ്മാണം, ക്ലാസ് തല ക്വിസ്  എന്നിവ വിദ്യാർത്ഥികൾക്കായി സംഘടിപ്പിക്കപ്പെട്ടു. വിജയികൾക്കുള്ള സമ്മാനങ്ങൾ സ്കൂൾ അസംബ്ലിയിൽ വെച്ച് ഹെഡ്മാസ്റ്റർ,പിടിഎ പ്രസിഡണ്ട്, എസ് എം സി ചെയർമാൻ എന്നിവർ ചേർന്ന് നൽകി.

സുരക്ഷിത ബാല്യം

കേരളത്തിൽ പോക്സോ കേസുകൾ കൂടുതലായി റിപ്പോർട്ട് ചെയ്യപ്പെടുന്നതിന്റെ അടിസ്ഥാനത്തിൽ സുരക്ഷിത ബാല്യം എന്ന പേരിൽ ലൈംഗിക അതിക്രമങ്ങളെ കുറിച്ച് ബോധവൽക്കരണക്ലാസ്സ് നടത്തി. 7 8 ക്ലാസുകളിലെ കുട്ടികൾ പങ്കെടുത്തു. സ്കൂൾ കൗൺസിലർ നബീല ആണ് ക്ലാസ് നൽകിയത്.

Orange ദ വേൾഡ് കാമ്പയിൻ

ഓറഞ്ച് ദി വേൾഡ് ക്യാമ്പിന്റെ ഭാഗമായി വിദ്യാർത്ഥികൾക്ക് ചിത്രരചന മത്സരം സംഘടിപ്പിച്ചു. സ്ത്രീകൾക്കെതിരെയുള്ള എല്ലാ അതിക്രമങ്ങളും തടയുക എന്ന വിഷയത്തെ ആസ്പദമാക്കിയാണ് ചിത്രരചനാ മത്സരം നടന്നത്. മത്സരത്തിലെ ഏറ്റവും മികച്ച ചിത്രം ഐസിഡിഎസ് തലത്തിലേക്ക് തിരഞ്ഞെടുക്കപ്പെട്ടു. ഇതിലൂടെ വിഎച്ച്എസ്ഇ വിദ്യാർത്ഥിനി പാർവതി ഐസിഡിഎസ് സ്ഥലത്തിൽ നിന്ന് ജില്ലയിലേക്ക് തിരഞ്ഞെടുക്കപ്പെടുകയും ഒന്നാം സ്ഥാനം നേടുകയും ചെയ്തു. സ്കൂൾ കൗൺസിലർ നബീല നേതൃത്വം നൽകി.

പ്രവർത്തിപരിചയമേള

2023 അദ്ധ്യയന വർഷത്തെ പ്രവൃത്തി പരിചയ മേളയിൽ PHSS പന്തല്ലൂരിൽ വെച്ച് നടന്ന സബ്ജില്ല മേളയിൽ സ്കൂളിൽ നിന്നും LP UP HS വിഭാഗങ്ങളിൽ നിന്ന് വിവിധയിനം മത്സര ഇനങ്ങളിലായി 23 കുട്ടികൾ പങ്കെടുത്തു.

സ്കൂൾ കലോത്സവം

പ്രീ പ്രൈമറി മുതൽ ഹയർസെക്കൻഡറി വരെയുള്ള ജീവി എച്ച് എസ് എസ് സ്കൂൾ കലോത്സവം നാടിന്റെ ഉത്സവം കൂടിയാണ്. പിടിഎയുടെ നിർലോഭമായ സഹകരണത്തോടെയാണ് സ്കൂൾ,സബ്ജില്ലാ, ജില്ല മത്സരങ്ങളിൽ കുട്ടികൾ പങ്കെടുക്കുന്നത്. സ്കൂൾതലത്തിൽ വിവിധ ഇനങ്ങൾക്ക് കുട്ടികൾക്ക് പിടിഎ സഹകരണത്തോടെ പരിശീലനങ്ങൾ സംഘടിപ്പിക്കുന്നു. പ്രശസ്ത ഗായിക തീർത്ഥ സുഭാഷ് ആണ് കലോത്സവത്തിന്റെ ഉദ്ഘാടനം നിർവഹിച്ചത്. മൂന്ന് ദിവസം ആറു വേദികളിലായി നടന്ന കലോത്സവം കുട്ടികളുടെ പങ്കാളിത്തം കൊണ്ട് ശ്രദ്ധേയമായി. പിടിഎയുടെ നേതൃത്വത്തിൽ കുട്ടികൾക്ക് സ്പെഷ്യൽ ഉച്ചഭക്ഷണവും റിഫ്രഷ്മെന്റ് നൽകി.  മുനിസിപ്പൽ കലോത്സവത്തിലും സബ്ജില്ലാ കലോത്സവത്തിലും പരമാവധി ഇനങ്ങളിൽ കുട്ടികളെ പങ്കെടുപ്പിക്കുകയും മികച്ച വിജയം നേടുകയും ചെയ്തു

. ജില്ലാ കലോത്സവത്തിൽ മാപ്പിളപ്പാട്ട്,ഉപന്യാസം മലയാളം, കഥാരചന ഉർദു,കവിത രചന ഉർദു,കവിത രചനാ തമിഴ് എന്നീ ഇനങ്ങളിൽ എ ഗ്രേഡ് നേടി.

കാർഷിക പ്രവർത്തനങ്ങൾ

പരിസ്ഥിതി ക്ലബ്ബിന്റെ ആഭിമുഖ്യത്തിൽ പച്ചക്കറി വിത്തുകൾ വിദ്യാർത്ഥികൾക്ക് നൽകുന്നു. ഈ പ്രവർത്തനങ്ങൾ കുട്ടികളുടെ കാർഷിക മേഖലയിലുള്ള വികസനത്തിന് ഇടയാക്കുന്നു. സ്കൂളിലെ എൽ പി അധ്യാപകൻ കുഞ്ഞുമൊയ്‌ദീൻ സാറിന്റെ നേതൃത്വത്തിൽ സ്കൂളിൽ നല്ലൊരു പച്ചക്കറി തോട്ടം ഉണ്ട്. സ്കൂൾ ഉച്ചഭക്ഷണത്തിലേക്കായി ഇവിടെ നിന്നും ധാരാളം പച്ചക്കറി ലഭിക്കുന്നുണ്ട്

സ്കൂൾതല ഏകദിന പരിശീലന ക്യാമ്പ് സംഘടിപ്പിച്ചു.

ലിറ്റിൽ കൈറ്റ്സ് അംഗങ്ങൾക്കായി സ്ക്കൂൾ തലത്തിൽ ഏകദിന പരിശീലന ക്യാമ്പ് സംഘടിപ്പിച്ചു 40.  അംഗങ്ങൾ പങ്കെടുത്തു.ലിറ്റിൽ കൈറ്റ്സ് മിസ്ട്രസ് ഷീബ , കൈറ്റ് മാസ്റ്റർ സാദിഖ് അലി, SITC ജമാലുദ്ദീൻ എന്നിവരായിരുന്നു ക്യാമ്പിന് നേതൃത്വം കൊടുത്തത് .വിദ്യാർഥികൾക്കെല്ലാം വളരെ നല്ലതായി അനുഭവപ്പെട്ടു.താരതമ്യേന എളുപ്പമുള്ള ആക്ടിവിറ്റി ആയതിനാൽ കുട്ടികൾക്ക് വേഗം ചെയ്യുന്നതിന് സാധിച്ചു. അനിമേഷൻ ,പ്രോഗ്രാമിങ്  മേഖലയിൽ  കുട്ടികൾക്ക്  പരിശീലനം നൽകി .നാൽപതു കുട്ടികളിൽ നിന്ന്  നാലു പേരെ പ്രോഗ്രാമിനും നാലു പേരെ അനിമേഷനും  സബ്ജില്ലാ ക്യാമ്പ്ലേക്  തിരഞ്ഞെടുത്തു .സബ്ജില്ലാ ക്യാമ്പിൽ നിന്നും അനിമേഷൻ വിഭാഗത്തിൽ ഷിഫാ ,പ്രോഗ്രാമിങ്  വിഭാഗത്തിൽ ഹാറൂൺ റഷീദ് എന്നിവരെ  ജില്ലാ ക്യാമ്പ്ലേക്  തിരഞ്ഞെടുത്ത

മുട്ടക്കോഴി വിതരണം

പഠനത്തോടൊപ്പം സ്വയം തൊഴിൽ പരിചയവും പരിശീലനവും എന്ന ലക്ഷ്യത്തെ മുൻനിർത്തി മുൻസിപ്പാലിറ്റിയുടെ ആഭിമുഖ്യത്തിൽ സ്കൂളിൽ വെച്ച് മുട്ടകോഴി വിതരണം നടന്നു. 5 മുതൽ 8 വരെ ക്ലാസുകളിൽ പഠിക്കുന്ന ബിപിഎൽ വിഭാഗത്തിൽപ്പെട്ട അതി ദരിദ്രരായ 50 കുട്ടികളുടെ കുടുംബങ്ങളെയാണ് ഇതിനായി തിരഞ്ഞെടുത്തത്. ഓരോ കുട്ടിക്കും അഞ്ചു വീതം മുട്ടക്കോഴികളെയാണ് നൽകിയത്. നഗരം നഗരസഭ സ്റ്റാൻഡിങ് കമ്മിറ്റി ചെയർമാൻ മരുന്നെൻ  മുഹമ്മദ് ഉദ്ഘാടനം ചെയ്ത ചടങ്ങിൽ വാർഡ് കൗൺസിലർ ഡോക്ടർമാർ ലൈവ് സ്റ്റോക്ക് ഇൻസ്പെക്ടർമാർ പിടിഎ എസ് എം സി അംഗങ്ങൾ തുടങ്ങിയവരും പങ്കെടുത്തു

ക്ലാസ് മാഗസിൻ

ക്ലാസ് അടിസ്ഥാനത്തിൽ ഓരോ വിദ്യാർത്ഥിയുടെയും സർഗ്ഗാത്മക കഴിവുകളെ വികസിപ്പിക്കുന്നതിന് ഉതകുന്ന കവിത, കഥ, ഉപന്യാസം, ചിത്രങ്ങൾ, കാർട്ടൂണുകൾ ഇവ ഉൾപ്പെടുന്ന മാഗസിൻ അധ്യാപകരുടെ നേതൃത്വത്തിൽ പ്രകാശനം ചെയ്യുന്നുണ്ട്

ലോക ബാലികാ ദിനം

അന്താരാഷ്ട്ര ബാലികാ ദിനം,2011 ഡിസംബർ 19-ന് ഐക്യരാഷ്ട്രസഭയുടെ പൊതുസഭ(യുഎൻജിഎ)ഒക്ടോബർ 11 അന്താരാഷ്ട്ര ബാലികാ ദിനമായി പ്രഖ്യാപിക്കാനുള്ള പ്രമേയം അംഗീകരിച്ചു.നമ്മുടെ പെൺമക്കൾക്കായി നല്ലൊരു ലോകം ഒരുക്കാം,പെൺകുട്ടികളുടെ അവകാശങ്ങളും ലോകമെമ്പാടുമുള്ള പെൺകുട്ടികൾ നേരിടുന്ന വെല്ലുവിളികളും തിരിച്ചറിയുന്നതിനാണ് ഈ ദിനം ആചരിക്കുന്നത്, സ്കൂളിലെ എല്ലാ പെൺകുട്ടികളുടെ കയ്യൊപ്പുകൾ കൊണ്ട് തീർത്ഥ മനോഹരമായ കലാ രൂപമാണ് ഇവിടെ.

ഡിജിറ്റൽ മാഗസിൻ

ലിറ്റിൽ കൈറ്റ്സ് വിദ്യാർത്ഥികൾ ഡിസ്റ്റൽ മാഗസിൻ തയ്യാറാക്കി. സിപ്പപ്പ് എന്ന പേരിലുള്ള ഡിജിറ്റൽ മാഗസിൻ കവർപേജ് തയ്യാറാക്കിയതും ടൈപ്പ് ചെയ്തതും എല്ലാം ലിറ്റിൽ  കൈറ്റ് വിദ്യാർഥികളാണ്.സ്കൂൾ ഡിജിറ്റൽ മാഗസിൻ വിദ്യാർത്ഥികളും അധ്യാപകരും ചേർന്ന് സൃഷ്ടിക്കുന്ന ഓൺലൈൻ പ്രസിദ്ധീകരണമാണു്. ഇതിൽ വിദ്യാർത്ഥികളുടെ കഥകൾ, കവിതകൾ, ലേഖനങ്ങൾ, ചിത്രങ്ങൾ, ചിത്രകല,തുടങ്ങിയവ ഉൾപ്പെടുത്തിയിട്ടുണ്ട്.പാരമ്പര്യമായി പതിവായ മാഗസിൻ പ്രസിദ്ധീകരണത്തിന്റെ ഡിജിറ്റൽ രൂപമാണിത്.

ക്രിസ്തുമസ് ന്യൂ ഇയർ ആഘോഷം

മിന്നിത്തിളങ്ങുന്ന നക്ഷത്രങ്ങളും വൈദ്യുത ദീപങ്ങൾ കൊണ്ട് അലങ്കരിച്ച പുൽക്കൂടും പശുത്തോഴ്ത്തും ഉണ്ണിയേശുവുമായി നെല്ലിക്കുത്ത് സ്കൂളിൽ ക്രിസ്തുമസ് ന്യൂ ഇയർ ആഘോഷം സംഘടിപ്പിച്ചു. ക്രിസ്തുമസ് അപ്പൂപ്പനും കരോൾ ഗാനവുമായി അഭിലാഷ് മാസ്റ്റർ മനുമാഷ് എന്നിവരോടൊപ്പം കുട്ടികളും മറ്റു അധ്യാപകരും മുഴുവൻ ക്ലാസുകളിലും ക്രിസ്തുമസ് ന്യൂ ഇയർ ആശംസകൾ അറിയിച്ചു. സ്കൂളിലെ മുഴുവൻ കുട്ടികൾക്കും പിടിഎ എസ് എം സി യുടെ വകയായി കേക്ക് വിതരണം ഉണ്ടായിരുന്നു. ക്ലാസ് ടീച്ചറുടെ നേതൃത്വത്തിൽ ക്ലാസിൽ ക്രിസ്തുമസ് ന്യൂ ഇയർ ഫ്രണ്ടിനെ കണ്ടെത്തൽ ആശംസ കാർഡ് നിർമ്മാണം പുൽക്കൂട് തയ്യാറാക്കൽ എന്നീ മത്സരങ്ങൾ നടത്തി വിജയികൾക്ക് സമ്മാനം നൽകി.

മുറ്റം ഇന്റർലോക്ക് ചെയ്തു

മഴക്കാലമായാൽ സ്കൂൾ വരാന്തയിലേക്ക് ചെളി നിറഞ്ഞ വെള്ളം തെറിക്കുക പതിവായിരുന്നു. ആയത് പരിഹരിക്കുന്നതിന് പിടിഎ എസ് എം സി യോഗത്തിൽ ചർച്ച നടത്തുകയും  മുറ്റം ഇന്റർലോക്ക് ചെയ്യാൻ തീരുമാനമെടുക്കുകയും അത് നടപ്പിലാക്കുകയും ചെയ്തു. പിടിഎ,എസ് എം സി സ്പോൺസർഷിപ്പിലൂടെ തുക സമാഹരിച്ചു

ജനുവരി 26 റിപ്പബ്ലിക് ദിനം

ജനുവരി 26 റിപ്പബ്ലിക്ദിനം സ്കൂളിൽ വിപുലമായി ആഘോഷിച്ചു. വിവിധ ക്ലബ്ബുകളുടെ നേതൃത്വത്തിൽ ദേശഭക്തിഗാനം,പതാക നിർമ്മാണ മത്സരം, ക്വിസ് മത്സരം, പ്രസംഗ മത്സരം എന്നിവ നടത്തി. മലപ്പുറം എം എസ് പി ഗ്രൗണ്ടിൽ വെച്ച് നടന്ന  റിപ്പബ്ലിക് ദിനപരേഡിൽ ജിവിഎച്ച്എസ്എസ് നെല്ലിക്കുത്തിലെ ജെ ആർ സി കുട്ടികൾക്ക് പങ്കെടുക്കാൻ അവസരം ലഭിക്കുകയും രണ്ടാം സ്ഥാനം നേടുകയും ചെയ്തു

മോട്ടിവേഷൻ ക്ലാസ്

പരീക്ഷകളെ നേരിടാം ആത്മവിശ്വാസത്തോടെ എന്ന ക്യാമ്പയിനുമായി എസ് എസ് എൽ സി വിദ്യാർഥികൾക്കായി മോട്ടിവേഷൻ ക്ലാസ് 2023 ഫെബ്രുവരി രണ്ടാം തീയതി സ്കൂൾ ഓഡിറ്റോറിയത്തിൽ വച്ച് നടന്നു. സ്കൂളിലെ മുഴുവൻ എസ്എസ്എൽസി വിദ്യാർത്ഥികൾക്കും ആയി രണ്ട് സെഷനുകൾ ആയാണ് ക്ലാസ്സ് നടന്നത്. വെറ്റിലപ്പാറ സ്കൂളിലെ ബി റോജൻ സാർ ക്ലാസിന് നേതൃത്വം നൽകി. 257 ക്ലാസുകളുടെ അനുഭവസമ്പത്തുമായി നമ്മുടെ സ്കൂളിൽ എത്തിയ റോജൻ സാറിന്റെ ക്ലാസ്സ് കുട്ടികൾക്ക് വേറിട്ട അനുഭവമായിരുന്നു.

ക്രിയാത്മക കൗമാരം

ക്രിയാത്മക കൗമാരം കരുത്തും കരുതലും എന്ന വിഷയത്തെ ആസ്പദമാക്കി ഒമ്പതാം ക്ലാസിലെ കുട്ടികളുടെ രക്ഷിതാക്കൾക്കുള്ള ബോധവൽക്കരണ ക്ലാസ് 17/2/2023 ന് ക്ലിനിക്കൽ സൈക്കോളജിസ്റ്റ് ശ്രീ. അഷറഫ് ൽകുകയുണ്ടായി. കൗമാര മനസ്സിന്റെ വ്യാകുലതകളും ജിഗ്നാസകളും രക്ഷിതാക്കളുടെ മനസ്സിലേക്ക് സന്നിവേശിപ്പിച്ച ക്ലാസ് രക്ഷിതാക്കളിൽ നല്ലൊരു മാറ്റത്തിന് കാരണമായിട്ടുണ്ട്. രക്ഷിതാക്കൾക്ക് നൽകിയ ക്ലാസിന് തുടർച്ചയായി ഒമ്പതാം ക്ലാസിലെ കുട്ടികൾക്കും ക്ലാസ്സ് നൽകി. 21/2/2023ന് വേങ്ങര ബി ആർ സി ട്രെയിനർ അബൂബക്കർ സിദ്ദീഖ് ആണ് ക്ലാസ്. സ്കൂളിൽനിന്ന് ഫിസിക്കൽ സയൻസ് അധ്യാപകൻ ശ്രീ അഷ്റഫ് ആണ് രണ്ടുദിവസത്തെ ട്രെയിനിങ്ങിൽ പങ്കെടുത്തത് അദ്ദേഹത്തിന്റെ നോടൽ ഓഫീസർ ആയി ചുമതല നൽകി.

പാദ മുദ്ര പ്രാദേശിക ചരിത്ര രചന

സമഗ്ര ശിക്ഷ കേരളം വിദ്യാർത്ഥികൾക്കായി നടത്തിയ പ്രാദേശിക ചരിത്ര രചന പഠന ക്ലാസിലേക്ക് വിദ്യാർത്ഥികളെ തിരഞ്ഞെടുക്കുന്നത് സ്കൂൾതലത്തിൽ മത്സരം സംഘടിപ്പിച്ചു. പാദ മുദ്രകൾ എന്ന പേരിൽ നടന്ന മത്സരത്തിൽ ഇരുപതോളം കുട്ടികൾ സ്വന്തമായി എഴുതി തയ്യാറാക്കിയ പ്രാദേശിക ചരിത്രരചന സമർപ്പിച്ചു. ചരിത്രരചനവുമായി ബന്ധപ്പെട്ട് 8 9 ക്ലാസിലെ വിദ്യാർത്ഥികൾക്കായി പ്രത്യേക പരിശീലനം ക്ലാസ് തലത്തിൽ നൽകിയതിന്റെ അടിസ്ഥാനത്തിലാണ് കുട്ടികൾ രചനകൾ തയ്യാറാക്കിയത്. മഞ്ചേരി സബ്ജില്ലാതല ചരിത്രരചയിൽ പങ്കെടുക്കാൻ മുഹമ്മദ് ജസീം എംപി,അഫ്ല, മുസ്തഹസ്സിന എന്നിവർ തെരഞ്ഞെടുക്കപ്പെട്ടു. ജനുവരി മാസത്തിൽ മഞ്ചേരി ബിആർസിയിൽ വെച്ച് നടന്ന പാദ്രമുദ്ര പ്രോഗ്രാം എസ് എസ് കെ പ്രോജക്ട് കോഡിനേറ്റർനാകരൻ ഉദ്ഘാടനം ചെയ്തു. ചടങ്ങിൽ വിജയലക്ഷ്മി ടീച്ചർ മുഖ്യപ്രഭാഷണം നടത്തി. തുടർന്ന് ചരിത്രരചനവുമായി ബന്ധപ്പെട്ട പരിശീലന ക്ലാസുകൾ നടന്നു. സ്കൂൾതലത്തിൽ നിന്ന് സമർപ്പിച്ച രചനകൾ പുതിയ അറിവുകൾ വെച്ച് വിപുലീകരിച്ചു നൽകുവാൻ ആവശ്യപ്പെട്ടു. പരിശീലനത്തിന്റെ ഭാഗമായി പ്രാദേശിക ചരിത്ര അനുഭവങ്ങൾ രൂപപ്പെടുത്തുക എന്ന ലക്ഷ്യം വെച്ച് മലബാർ ലഹളയുടെ ഭാഗമായ പ്രദേശങ്ങൾ സന്ദർശിച്ചു.മലബാർ ലഹളക്ക് ഇരയായ ചേക്കുട്ടി ഇൻസ്പെക്ടറുടെ ആറാമത്തെ പേര മകൻ അബൂബക്കറുമായി അഭിമുഖം നടത്തി. തുടർന്ന് സ്കൂൾതലത്തിൽ തയ്യാറാക്കിയ രചനകൾ പുതിയ അറിവിന്റെ പശ്ചാത്തലത്തിൽ നൽകുവാൻ ആവശ്യപ്പെട്ടു.30 പേരോളം അടങ്ങിയ സബ്ജില്ലാതല പരിശീലന പരിപാടിയിൽ നിന്ന് നെല്ലിക്കുത്ത് ജീവി എസ്എസ്എഫിലെ മുഹമ്മദ് ജസീം എംപി എന്ന കുട്ടിയെ ജില്ലാതലത്തിലേക്ക് തിരഞ്ഞെടുക്കപ്പെട്ടു
മഞ്ചേരി ബി ആർ സി സംഘടിപ്പിച്ച പാദ മുദ്ര പ്രാദേശിക ചരിത്രരചനയിൽ ജിവിഎച്ച്എസ്എസ് നെല്ലിക്കുത്തിന് ജസീം എംപിയെ ജില്ല തല ക്യാമ്പിലേക്ക് തിരഞ്ഞെടുത്തു. പെരിന്തൽമണ്ണയിൽ വെച്ച് നടന്ന രണ്ട് ദിവസത്തെ ജില്ലാ ക്യാമ്പിൽ ജസീം പങ്കെടുത്തു. പ്രാദേശിക ചരിത്രരചനയെ കുറിച്ച് കൂടുതൽ മനസ്സിലാക്കാൻ ഈ ക്യാമ്പ് കൊണ്ട് സഹായിച്ചു

എസ് എസ് എൽ സി വിദ്യാർഥികളുടെ യാത്ര അയപ്പ്

202- 24വർഷ എസ്എസ്എൽസി കുട്ടികൾക്കുള്ള യാത്രയയപ്പ് യോഗം 26/ 3 2024ശനിയാഴ്ച സ്കൂൾ ഓഡിറ്റോറിയത്തിൽ വച്ച് നടന്നു. 9 30ന് ആരംഭിച്ച യാത്രയയപ്പ് യോഗം പ്രീതി ടീച്ചർ ഉദ്ഘാടനം ചെയ്തു. പിടിഎ പ്രസിഡണ്ട് എസ് എം സി ചെയർമാൻ പിടിഎ എസ് എം സി അംഗങ്ങൾ ക്ലാസ് അധ്യാപകർ എന്നിവർ കുട്ടികൾക്ക് ആശംസകൾ നേർന്നു. സ്കൂൾ ലീഡർ മുഹമ്മദ് ജുനൈൻ സ്വാഗതം പറഞ്ഞു. കുട്ടികളുടെ അനുഭവങ്ങൾ ഡാൻസ് അധ്യാപകരുടെയും കുട്ടികളുടെയും പാട്ടുകൾ തുടങ്ങിയവ ഉച്ചവരെ തുടർന്നു. ബിരിയാണിയോടുകൂടിയ ഉച്ചഭക്ഷണത്തിനുശേഷം സ്പെഷ്യൽ മ്യൂസിക് ഷോ കഴിഞ്ഞ് സന്തോഷവും ഒപ്പം പിരിയുന്ന സങ്കടവുമായി നാലുമണിക്ക് പ്രോഗ്രാം അവസാനിപ്പിച്ചു.