സെന്റ് തോമസ് ഹയർസെക്കണ്ടറി സ്കൂൾ ഇരുവെള്ളിപ്ര

തിരുവല്ല നഗരത്തിന്റെ ഹൃദയഭാഗത്തായി സ്ഥിതി ചെയ്യുന്ന ഒരു എയ്ഡഡ് വിദ്യാലയമാണ് സെന്റ് തോമസ് ഹയർസെക്കണ്ടറി സ്കൂൾ ഇരുവെള്ളിപ്ര'. 2.5 ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 3 കെട്ടിടങ്ങളിലായി 17 ക്ലാസ് മുറികളും ഹയർ സെക്കണ്ടറിക്ക് ഒരു കെട്ടിടത്തിലായി 10 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്. ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. രണ്ട് ലാബുകളിലുമായി ഏകദേശം അമ്പതോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്. സ്മാർട്ട് ക്ലാസ്സ് റും പ്രവർത്തിച്ചു വരുന്നു. സ്കൂൾ ബസ് വിദ്യാർത്ഥികളുടെ യാത്ര സൗകര്യത്തിനായി കുറ്റുർ, തെങ്ങേലി, തിരുവൻവണ്ടൂർ, ഇരമല്ലിക്കര, കല്ലിശ്ശേരി, ഓതറ, നന്നൂർ വഴി ദിവസേന രണ്ടു സർവീസ് നടത്തിവരുന്നു.

സ്കൂൾ പ്രഥമാധ്യാപകൻ

.

അദ്ധ്യാപകർ

ക്രമ നമ്പർ	പേര്	വിദ്യാഭ്യാസയോഗ്യത	വിഷയം	ചിത്രം
1	എം റിനു അൽഫോൺസോ	MA BEd	മലയാളം	പ്രമാണം:37013റിനു.jpg
2	വിനു മെറിൻ തോമസ്	MA BEd	മലയാളം	പ്രമാണം:37013വിനു.jpg
3	ക്രിസ്‍റ്റിന ജോസ്	MA BEd	മലയാളം	പ്രമാണം:37013ക്രിസ്‍റ്റിന.jpg
4	ശീതൾ മരിയ ക‍ുര്യാക്കോസ്	MPhil, BEd	മലയാളം	പ്രമാണം:37013ശീതൾ.jpg
5	ബിനി ഗീവ‍ർഗ്ഗീസ്	MA BEd	ഇംഗ്ലീഷ്	പ്രമാണം:37013ബിനി.jpg
6	റീന സക്കറിയ	BA BEd	ഇംഗ്ലീഷ്	പ്രമാണം:37013reena.jpg
7	മഹിജ പി ടി	MA, BEd, SET	ഇംഗ്ലീഷ്
8	ശ‍ുഭ മേരി തോമസ്	സാഹിത്യാചാര്യ,DIPLOMA IN HINDI	ഹിന്ദി	പ്രമാണം:37013.ശ‍ുഭ.jpg
9	ജസ്സി മൈക്കിൾ	സാഹിത്യാചാര്യ, SIKSHA SNATHAK	ഹിന്ദി	പ്രമാണം:37013jessy.jpg
10	അന‍ു സ്മിത തോമസ്	MA BEd	സോഷ്യൽ സയൻസ്	37013anu.jpg
11	ലിന്റ എൻ അനിയൻ	MA, BEd, SET	സോഷ്യൽ സയൻസ്	പ്രമാണം:37013linta.jpg
12	നിഷമോൾ തോമസ്	MA, MEd	സോഷ്യൽ സയൻസ്
13	സിബി സ്‍റ്റീഫൻ ജേക്കബ്	BSc, BEd	ഫിസിക്കൽ സയൻസ്	പ്രമാണം:37013siby.jpeg
14	ജെമി പി ജോജോ	MSc, BEd	ഫിസിക്കൽ സയൻസ്	പ്രമാണം:37013jemy.jpg
15	ആഷ മരിയം ജോൺ	MSc, BEd	ഫിസിക്കൽ സയൻസ്
16	ഷാല‍ു ആൻഡ്ര്യൂസ്	BSc, BEd	നാച്ചുറൽ സയൻസ്	പ്രമാണം:37013shalu.jpg
17	ജ‍ൂലി ജേക്കബ്	MSc, MEd	നാച്ചുറൽ സയൻസ്
18	ബിൻസിമോൾ മാത്യു	MSc, BEd	ഗണിതം	പ്രമാണം:37013bincy.jpg
19	മെൻസി വർഗ്ഗീസ്	MSc BEd	ഗണിതം
20	ജോജോമോൻ വർഗ്ഗീസ്	MSc, MEd, SET, NET	ഗണിതം
21	ഡിൻസി ജോസഫ്	MPEd, MPhil	ഫിസിക്കൽ എഡ്യൂക്കേഷൻ
22	ജോമോൻ റ്റി ജോൺസൺ	BA Music	മ്യൂസിക്

പ്രവർത്തനങ്ങൾ

എൻ സി സി

ന്യൂഡൽഹി ആസ്ഥാനമാക്കി പ്രവർത്തിക്കുന്ന ഇന്ത്യൻ സൈന്യത്തിന്റെ സഹായക നിരയായ സംഘടനകളിൽ ഒന്നാണ് നാഷണൽ കേഡറ്റ് കോർപ്സ് അഥവാ എൻ സി സി. സ്കൂളിലും കോളേജിലും കുട്ടികൾക്ക് സ്വന്തം ഇഷ്ടപ്രകാരം തിരഞ്ഞെടുക്കാവുന്ന പ്രസ്ഥാനമാണിത്. ലോകത്തിലെ തന്നെ ഏറ്റവും വലിയ യുണിഫോർമ്ഡ് ഓർഗനൈസേഷനാണ് എൻസിസി യുവാക്കൾക്കിടയിൽ സ്വഭാവഗുണം, ധൈര്യം, അച്ചടക്കം, നേതൃത്വഗുണം, മതേതര മനോഭാവം, സാഹസിക മനോഭാവം, എന്നിവ വളർത്തുന്നതിനും എൻ.സി.സി സഹായിക്കുന്നു. കേരള-ലക്ഷദ്വീപ് ഡയറക്ടറേറ്റിന്റെ കീഴിൽ ഹെഡ്ക്വാട്ടേഴ്‌സുകളിൽ ഒന്നായ കോട്ടയം ഹെഡ്ക്വാർട്ടേഴ്സിനു കീഴിൽ പ്രവർത്തിക്കുന്ന 15(k)BN NCC THIRUVALLA യുടെ നേതൃത്വത്തിൽ സെന്റ് തോമസ് എച്ച്.എസ്.എസ് ഇരുവള്ളിപ്ര സ്കൂളിൽ എൻ സി സി യുണിറ്റ് 2014-15 കാലയളവിൽ ആരംഭിച്ചു. ഈ ട്രൂപ്പിനെ നയിക്കാനായി ഈ സ്കൂളിലെ തന്നെ ടീച്ചർ ആയ ശ്രീമതി മെൻസി വർഗീസ് ടീച്ചറിനെ അസിസ്റ്റന്റ് എൻസിസി ഓഫീസറായി നിയോഗിച്ചു. 50 കുട്ടികൾ അടങ്ങിയിരുന്ന ഒരു ട്രൂപ്പിൽ നിന്നും നിലവിൽ ഫസ്റ്റ് ഇയേഴ്സ് സെക്കൻഡ് ഇയേഴ്സ് ഉൾപ്പെടെ 100 പേരടങ്ങുന്ന ട്രൂപ്പായി പ്രവർത്തിച്ചു വരുന്നു. ബറ്റാലിയന് കീഴിലുള്ള പി.ഐ സ്റ്റാഫ് വന്ന് കേഡറ്റുകളുടെ ഫിറ്റ്നസ് പരിശോധിച്ചതിനു ശേഷമാണ് അവരെ റിക്രൂട്ട് ചെയ്യുന്നത്. ശേഷം പി ഐ സ്റ്റാഫിന്റേയും എ എൻ ഒ മെൻസി വർഗീസ് ടീച്ചറിന്റെയും കീഴിൽ സ്കൂൾ സമയം കഴിഞ്ഞ് 3:45 മുതൽ 5:45 വരെ ഫുൾ എൻസിസി യുണിഫോമിൽ ക്ലാസുകൾ നടത്തി വരുന്നു. ക്ലാസ്സുകൾക്ക് ശേഷം കേഡറ്റുകൾക്ക് വേണ്ട പോഷകാഹാരങ്ങൾ നൽകി മാത്രമേ വീടുകളിലേക്ക് അയക്കുകയുള്ളൂ.

ജൂനിയർ റെഡ്ക്രോസ്

സെന്റ് തോമസ് എച്ച്.എസ്.എസ് ഇരുവള്ളിപ്ര സ്കൂളിൽ ജെ ആർ സി യുടെ പ്രവർത്തനം ആരംഭിക്കുന്നത് 2008 ൽ ശ്രീമതി ഷാലു ആൻഡ്ര്യൂസിന്റെ നേതൃത്വത്തിലാണ്. എ,ബി,സി, എന്നീ ലെവലുകളിൽ ആണ് 51 കുട്ടികൾ ഒരുവർഷം ജെ ആർ സി യിൽ പ്രവർത്തിക്കുന്നു. ഇപ്പോൾ എ ലെവലിൽ 20 കുട്ടികളെ പ്രവേശിപ്പിക്കാം. എട്ടാം ക്ലാസ്, ബി ലെവൽ ഒമ്പതാം ക്ലാസ്, സി ലെവൽ പത്താം ക്ലാസ് എന്നീ തലങ്ങളിൽ ആണ് കുട്ടികൾ പ്രവർത്തിക്കുന്നത്. 2008 മുതൽ ഇന്നു വരെ 1050 കുട്ടികളോളം ഈ സന്നദ്ധ സംഘടനയിൽ പ്രവർത്തിച്ചിട്ടുണ്ട്. ഗ്രേസ് മാർക്ക് എന്ന സംവിധാനം നിലവിൽ വന്ന കാലം മുതൽ സി ലെവൽ കുട്ടികൾക്ക് അത് ലഭ്യമാക്കാൻ സാധിച്ചിട്ടുണ്ട്. ആരോഗ്യം, സേവനം, സാമൂഹ്യ ഇടപെടൽ എന്നീ മേഖലകളിലെല്ലാം ജെ ആർ സി കേഡറ്റുകൾ തങ്ങളുടെ പ്രവർത്തനം വിപുലീകരിച്ചിട്ടുണ്ട്. ഒപ്പം വിദ്യാലയത്തിലെ അച്ചടക്കം, ശുചിത്വം, ഫസ്റ്റ് എയ്ഡ് എന്നീ മേഖലകളിലും ജെ ആർ സി കേഡറ്റുകൾ തങ്ങളുടെ പ്രവർത്തനം ഏറ്റവും ഭംഗിയായി നിർവഹിക്കുന്നു. കുട്ടികളിൽ അച്ചടക്കം, ശുചിത്വം, സാമൂഹിക ശുചിത്വം അവബോധം, ഒപ്പം സൗഹൃദം, കരുതൽ തുടങ്ങിയ മൂല്യങ്ങൾ വളർത്താനും ജെ ആർ സി സംഘടനയ്ക്ക് സാധിക്കുന്നു. ഓരോ ജെ ആർ സി യൂണിറ്റിൻ്റെയും മേൽനോട്ടം വഹിക്കുന്നത് കൗൺസിലർമാരാണ്. നമ്മുടെ വിദ്യാലയത്തിൽ ഈ കൃത്യം നിർവഹിക്കുന്നത് ഷാലു ആൻഡ്ര്യൂസ് ടീച്ചറാണ്.