ജി.എച്ച്.എസ്സ്. മാമലശ്ശേരി/എന്റെ ഗ്രാമം

മാമ്മലശ്ശേരി

എറണാകുളം ജില്ലയിലെ മുവാറ്റുപുഴ താലൂക്കിൽ രാമമംഗലം ഗ്രാമപഞ്ചായത്തിലെ ഒരു ഗ്രാമമാണ് മാമ്മലശ്ശേരി.

കൊച്ചിയുടെയും തിരുവിതാംകൂറിന്റെയും അതിർത്തി പങ്കിട്ടിരുന്ന നാടിന്റെ കിഴക്കു ഓണക്കൂറും പടിഞ്ഞാറ് രാമമംഗലവും തെക്ക് കക്കാടും വടക്ക് പാമ്പാക്കുടയുമാണ്.

ഭൂമി ശാസ്ത്രം

രാമായണത്തിലെ രാമന്റെ മംഗലമാണ് രാമമംഗലം. വനവാസകാലത്ത് മാരിചനെ രാമൻ അമ്പെയ്ത് വീഴ്ത്തിയപ്പോൾ കീഴ്ഭാഗം ചെന്നുവീണിടം കിഴുമുറിയായും മേൽഭാഗം വീണിടം മേമ്മുറിയായും ഊരഭാഗം വീണത് ഊരമനയായും മാറിയെന്നാണ് ഐതീഹ്യം. ഇങ്ങനെ മാൻ മലച്ചചേരി മാമ്മലശ്ശേരിയായി മാറുകയും ചെയ്തു.ഗ്രാമത്തിന്റെ മദ്ധ്യഭാഗത്തു കൂടി കടന്നു പോകുന്ന കൊച്ചി-തിരുവിതാംകൂർ കോട്ട മാർത്താണ്ഡവർമ്മയുടെ സർവ്വസൈന്യാധിപൻ രാമയ്യൻ ദളവയാൽ നിർമ്മിക്കപ്പെട്ടതാണ്.