ഭിന്നശേഷിസൗഹൃദ വിദ്യാലയം

1.റിസോഴ്സ് അധ്യാപികയുടെ സേവനം

പ്രത്യേക പരിഗണന അർഹിക്കുന്ന കുട്ടികൾക്കായി ബി. ആർ. സി യിൽ നിന്നും അപ്പോയിന്റ് ചെയ്ത ടീച്ചർ ആഴ്ചയിൽ 4 ദിവസം വരുകയും, കുട്ടികൾക്ക് ആവശ്യമായ പഠന പിന്തുണാ സഹായങ്ങൾ ലഭ്യമാക്കുകയും ചെയ്യുന്നു.
പ്രേത്യേക പരിഗണന അർഹിക്കുന്ന കുട്ടികൾക്ക് ക്ലാസ്സ്‌ മുറിയിൽ അവരുടെ കൂടെയിരുന്ന് അവർക്കു മനസ്സിലാകുന്ന രീതിയിൽ ആ പാഠഭാഗത്തെ ലഘുകരിച്ചു നൽകി അവരെ പഠിക്കുവാൻ സഹായിക്കുന്നു.
കുട്ടികളിലെ മാനസികവും ശാരീരികവുമായ വെല്ലുവിളികൾ മനസ്സിലാക്കി, അവർക്കു വേണ്ട തെറാപ്പി സേവനങ്ങളും, കൗൺസിലങ്ങും ലഭ്യമാക്കിനൽകുന്നു.ഇതിനു പ്രത്യേക മുറിയും സ്കൂളിലുണ്ട്.
കോവിഡ് മഹാമാരിക്കാലത്ത് പഠനം ഓൺലൈൻ ആക്കിയ സാഹചര്യത്തിൽ, പ്രത്യേക പരിഗണന അർഹിക്കുന്ന കുട്ടികൾക്കായി സർവ്വശിക്ഷ അഭിയാന്റെ നേതൃത്വത്തിൽ കൈറ്റ് വിക്ടേർസ് ക്ലാസ്സുകളിലെ പാഠഭാഗങ്ങൾ ഓരോ വിഭാഗത്തിൽ പെടുന്ന കുട്ടികൾക്ക് അനുയോജ്യമായ രീതിയിൽ വീഡിയോകൾ തയ്യാറാക്കി അയച്ചുകൊടുത്തു. അവരുടെ തുടർച്ച നഷ്ടപ്പെടാതിരിക്കാനുള്ള പ്രവർത്തനങ്ങൾ നടത്തിയിരുന്നു.
പഠനത്തിൽ പിന്നോക്ക അവസ്ഥയിൽ നിൽക്കുന്ന കുട്ടികളെ നേരത്തെത്തന്നെ സ്ക്രീനിംഗ് നടത്തി കണ്ടെത്തുകയും ആവശ്യമെങ്കിൽ അവരുടെ IQ Test നടത്തുന്നതിനും മെഡിക്കൽ ബോർഡ്‌ സർട്ടിഫിക്കറ്റുകൾ ലഭ്യമാക്കുന്നതിനുമുള്ള പ്രവർത്തനങ്ങൾ നടത്തിവരുന്നു.

ദിനാചരണങ്ങൾ

എല്ലാ പ്രധാന ദിനാചാരണങ്ങളിലും ഭിന്നശേഷി കുട്ടികളുടെ പങ്കാളിത്തം ഉൾപ്പെടുത്തിയാണ് പരിപാടികൾ ആസൂത്രണം ചെയ്യുന്നത്. World Disability Day യിൽ പ്രത്യേക പരിപാടികൾ നടത്താറുണ്ട്.

പരിസ്ഥിതി ദിന പോസ്റ്റർ
പരിസ്ഥിതി ദിനാഘോഷം
ബഷീർ ദിന പോസ്റ്റർ
ബഷീർ ദിന പോസ്റ്റർ
സ്കൂൾ ഇലക്ഷനിൽ
ഓസോൺ ദിനാചാരണം
സ്വാതന്ത്ര ദിനത്തിൽ

സ്കോളർഷിപ്പുകളും ആനുകൂല്യങ്ങളും

പ്രേത്യേക പരിഗണന അർഹിക്കുന്ന കുട്ടികൾക്ക് അർഹതപ്പെട്ട Pre-metric scholarship, സർവ്വശിക്ഷ അഭിയാനിൽ നിന്നും ലഭിക്കുന്ന Girls Stipend, Transport Allowance, Escort Allowance, സാമൂഹികനീതി വകുപ്പിൽ നിന്നും ലഭിക്കുന്ന ആനുകൂല്യങ്ങൾ, വനിതാ ശിശുവികസന വകുപ്പിൽനിന്നും ലഭിക്കുന്ന ആനുകൂല്യങ്ങൾ, കോർപറേഷൻ എന്നിവയിൽ നിന്നും ലഭിക്കുന്ന ആനുകൂല്യങ്ങൾ, നിരാമയ മെഡിക്കൽ ഇൻഷുറൻസ്, Unique Disability Identity Card, മറ്റു ആനുകൂല്യങ്ങളും ലഭ്യമാക്കുന്നരീതിയിലുള്ള പ്രവർത്തനങ്ങൾ എന്നിവ നടത്തിവരുന്നു.

ഭൗതിക സാഹചര്യങ്ങൾ

പ്രത്യേക പരിഗണന അർഹിക്കുന്ന വിദ്യാർഥികൾക്കായി പ്രത്യേകം റൂം സൗകര്യമുണ്ട്. സ്പെഷ്യൽ ടീച്ചർ വരുന്ന ദിവസമൊക്കെ അവരുടെ വിശേഷങ്ങൾ പങ്കുവെക്കാൻ അവരിവിടെയാണ് കൂടാറുള്ളത്.കുട്ടികൾക്ക് അവരുടെ ചലനാത്മകത സുഗമമാക്കുന്നതിനായി സ്കൂളിൽ റാമ്പും, വിസ്താരമുള്ള ക്ലാസ്സ്‌ മുറികളും തയ്യാറാക്കിയിട്ടുണ്ട്.താഴെയുള്ള ക്ലാസ്സ്‌ മുറികൾ തന്നെ കുട്ടികൾക്ക് നൽകാറുണ്ട്. ശുചിമുറി സൗകര്യവും കുടിവെള്ള സൗകര്യവും ഒരുക്കിയിട്ടുണ്ട്.

സ്പെഷ്യൽ യൂത്ത്ഫെസ്റ്റിവൽ

ഭിന്നശേഷി കുട്ടികൾക്ക് പങ്കെടുക്കാനായി സ്കൂളിലെ N. S. S യൂണിറ്റിന്റെ നേതൃത്വത്തിൽ സ്പെഷ്യൽ യൂത്ത്ഫെസ്റ്റിവൽ സംഘടിപ്പിക്കാറുണ്ട്. കൂടാതെ എല്ലാ കൊല്ലവും സ്കൂൾ യൂത്ത്ഫെസ്റ്റിവലിൽ പ്രത്യേകം പരിപാടികൾ കുട്ടികൾ അവതരിപ്പിക്കാറുണ്ട്.

ഗ്രൂപ്പ്‌ ഡാൻസ്
സിംഗിൾ ഡാൻസ്

പുറംകാഴ്ചകൾ

പ്രത്യേകം പരിഗണന അർഹിക്കുന്ന വിദ്യാർത്ഥികളെയും അവരുടെ രക്ഷിതാക്കളെയും സ്കൂൾ സ്റ്റാഫിനേയും ഉൾപ്പെടുത്തി എല്ലാ വർഷവും പഠനയാത്രകൾ സംഘടിപ്പിക്കാറുണ്ട്. ഇത്തരം യാത്രകളിൽ അവർക്കുണ്ടാകുന്ന സന്തോഷം വളരെ വലുതാണ്.

കൊച്ചുമിടുക്കികൾ

സ്കൂളിലെ പാഠ്യപാഠേതര മേഖലകളിൽ മികവ് പുലർത്തുന്ന കുട്ടികൾക്ക് സ്കൂൾ ഏർപ്പെടുത്തിയ സംവിധാനമാണ് സ്റ്റാർ സിസ്റ്റം. ആഴ്ചയിൽ ഏറ്റവും കൂടുതൽ സ്റ്റാർ കിട്ടുന്ന കുട്ടി സ്റ്റാർ ഓഫ് ദി വീക്കും മാസത്തിലെ പ്രവർത്തനങ്ങൾ നോക്കി സ്റ്റാർ ഓഫ് ദി Month അവാർഡും നൽകിവരുന്നു.

കാലിക്കറ്റ് ഗേൾസ് വൊക്കേഷണൽ ആന്റ് എച്ച്. എസ്സ്. എസ്സ്./ഭിന്നശേഷിസൗഹൃദ വിദ്യാലയം

ഉള്ളടക്കം