നൊച്ചാട് എച്ച്. എസ്സ്.എസ്സ്./സൗകര്യങ്ങൾ
നാല് ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് എ, ബി, സി ബ്ലോക്കുകളിലായി 40 ഹൈ ടെക് ക്ലാസ് മുറികളും ഹയർ സെക്കണ്ടറിക്ക് ഒരു കെട്ടിടത്തിലായി 14 ഹൈടെക് ക്ലാസ് മുറികളുമുണ്ട്. ഒരു കളിസ്ഥലം വിദ്യാലയത്തിന് സ്വന്തമായുണ്ട്. ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. മൂന്ന് ലാബുകളിലായി ഏകദേശം അമ്പതോളം കമ്പ്യൂട്ടറുകളുണ്ട്. ഈ ലാബുകളിലേതു കൂടാതെ ഹൈസ്കൂൾ, ഹയർ സെക്കണ്ടറി സ്കൂൾ ഓഫീസ്സുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്. ഹൈസ്കൂളിലെയും ഹയർസെക്കണ്ടറിയിലെയും മുഴുവൻ ക്ലാസ് മുറികളിലും വാഷ് ബേസിനും കുടിവെള്ളവും ലഭ്യമാക്കിയിട്ടുണ്ട്. കൂടാതെ ആൺ കുട്ടികൾക്കും പെൺ കുട്ടികൾക്കും ഉപയോഗിക്കുന്നതിനായി പ്രത്യേകം ശുചി മുറികളുമുണ്ട്. ഹൈസ്ക്കൂളിന് മൂന്നും ഹയർ സെക്കൻണ്ടറിയ്ക്ക് രണ്ടും സ്റ്റാഫ് റൂമുകളുണ്ട്. ഓഫീസ് പ്രവർത്തനങ്ങളിൽ ഹെഡ്‍മാസ്റ്ററെ സഹായിക്കാനായി രണ്ട് ക്ലാർക്കുമാരും മൂന്ന് പ്യൂണുമാരും രണ്ട് മീനിയൽമാരും ഹൈസ്കൂളിലുണ്ട്. സയൻസ് ലാബ്, എസ്.പി.സി, സ്പോർട്സ്, ലൈബ്രറി മുറികളെ കൂടാതെ കോൺഫറൻസ് ഹാളായി ഉപയോഗിക്കാൻ സൗകര്യമുള്ള ഒരു ലൈബ്രറി ഹാളും ഹൈസ്കൂള്‍ വിഭാഗത്തിനുണ്ട് . ഒരു ലാംഗ്വേജ് ഹാൾ ഒരു ലൈബ്രറി ഹാൾ, ഫിസിക്സ്, കെമിസ്ട്രി, ബോട്ടണി, സുവോളജി, മാത്സ് ലാബുകൾ എന്നിവ ഹയർ സെക്കണ്ടറിക്കും സ്വന്തമായുണ്ട്.