ജി എച്ച് എസ് എസ് ചോറോട് /ആർട്സ് ക്ലബ്ബ്

ആർട്സ് ക്ലബ്ബ്

കുട്ടികളുടെ കലാവാസനകളെ അടുത്തറിയുവാനും സർഗ്ഗശേഷികളെ പരിപോഷിപ്പിക്കാനുമായി ആർട്സ് ക്ലബ്ബ് വൈവിധ്യങ്ങളായ പ്രവർത്തനങ്ങൾ ചോറോട് സ്കൂളിൽ സംഘടിപ്പിച്ചു വരുന്നു .

2018

ആർട്സ് ക്ലബ്ബിന്റെ 2018 വർഷങ്ങളിലെ പ്രവർത്തനത്തിന്റെ ഉദ്ഘാടനം പ്രശസ്ത ഗായകനായ ശ്രീ വി. ടി. മുരളി 2018ജൂലൈ 27നു നിർവഹിച്ചു.ആർട്സ് ക്ലബ്ബിന്റെ ഉദ്ഘാടനം വേറിട്ട അനുഭവമായി. ഒ എൻ വി യുടെ അമ്മ എന്ന കവിതയുടെ ചിത്ര - സംഗീതാവിഷ്ക്കാരം സംഗീത അധ്യാപിക ഡോ.ഷിജി രാജൻ കവിത ആലപിച്ചു; ഒൻപതാം ക്ലാസിലെ ലിഖിത് എന്ന വിദ്യാർത്ഥി ആ കവിത, തന്റെ മനസ്സിലുണ്ടാക്കിയ ചിത്രം തത്സമയം വരക്കുകയും ചെയ്തു.

കർണാടക സംഗീത പരിശീലനം

ആർട്സ് ക്ലബ്ബിന്റെ ആഭിമുഖ്യത്തിൽ സ്കൂളിലെ വിദ്യാർത്ഥികൾക്ക് കർണാടക സംഗീത പരിശീലനം തുടങ്ങി. ഇതിന്റെ ഉദ്ഘാടനം 2018ഒക്ടോബർ 6ന് ആയിരുന്നു. സ്കൂളിലെ സംഗീത അധ്യാപിക ഡോ. ഷിജി എല്ലാ വെള്ളിയാഴ്ചയും ഉച്ചയ്ക്ക് 1മണി മുതൽ 2മണി വരെ ആണ് ക്ലാസ്സ്‌ കൊടുക്കുന്നത്.

2018ലെ സബ്ജില്ലാ, ജില്ലാ കലോത്സവങ്ങളിൽ പങ്കെടുത്ത ഇനങ്ങളിലെല്ലാം തന്നെ വിദ്യാർഥികൾ അവരുടെ കഴിവ് തെളിയിച്ചു.

വയലാർ ദിനത്തിനോടനുബന്ധിച്ച് നടത്തിയ പരിപാടിയിൽ ആർട്സ് ക്ലബ്ബ് വയലാർ ഗാനങ്ങൾ അവതരിപ്പിച്ചു.

2019

2019 വർഷത്തിലെ ആർട്സ് ക്ലബ്ബ് പ്രവർത്തനങ്ങളുടെ ഉദ്ഘാടനം ജൂലൈ 10ന് പ്രശസ്ത പിന്നണി ഗായകൻ റോഷൻ നിർവഹിച്ചു. 2019ലെ ചോമ്പാല സബ്ജില്ലാ കലോത്സവം നടന്നത് ചോറോട് സ്കൂളിൽ വെച്ചായിരുന്നു. സ്കൂളിലെ പ്രതിഭകളായ വിദ്യാർഥികൾ മിക്ക ഇനങ്ങളിലും മത്സരിച്ചു.

2020

കോവിഡ് കാലഘട്ടത്തിലും കുട്ടികളെ ചേർത്തുപിടിക്കാനും അവരുടെ സർഗ്ഗവാസനകളെ അടുത്തറിയാനുമുള്ള പല പരിപാടികളും ആർട്സ് ക്ലബ്ബ് നടത്തുകയുണ്ടായി.

കോവിഡ് കാലത്ത് സ്കൂളിൽ പരിപാടികൾ സംഘടിപ്പിക്കുവാനും കുട്ടികളുടെ കലാപ്രകടനങ്ങൾ പുറം ലോകം അറിയുവാനും സ്കൂളിന്റെ ഒരു യൂട്യൂബ് ചാനൽ ഉണ്ടാക്കി എല്ലാ പരിപാടിയും അതിൽ അപ്‌ലോഡ് ചെയ്യിവനും തുടങ്ങി.

പരിപാടികൾ കുട്ടികളുടെ കലാപ്രകടനങ്ങൾ പുറം ലോകം അറിയുവാനും കുട്ടികളെ പ്രോത്സാഹിപ്പിക്ക

സർഗ്ഗവേള എന്ന പേരിൽ എല്ലാ 2ആഴ്ചയിലും ക്ലാസ്സ്‌ ഗ്രൂപ്പുകളിൽ വിവിധ പരിപാടികൾ നടത്തി. സിനിമ ഗാനാലാപനം, ഡാൻസ്, പെൻസിൽ ഡ്രോയിങ്, മാപ്പിള പ്പാട്ട്, നാടൻപാട്ട്, കവിതാലാപനം എന്നിങ്ങനെയുള്ള ഇനങ്ങളിൽ കുട്ടികൾ വലിയ ഉത്സാഹത്തോടെ പങ്കെടുത്തു.എല്ലാ പരിപാടികളും സ്കൂളിന്റെ യൂട്യൂബ് ചാനലിൽ ഉൾപ്പെടുത്തി എല്ലാവർക്കും കാണാനുള്ള സൗകര്യം ഒരുക്കി. സർഗ്ഗവേളയുടെ ഓരോ പരിപാടിയിലും അതാത് ഇനങ്ങളിലെ പ്രശസ്തരെ അതിഥികളായി കൊണ്ടുവരാനും ആർട്സ് ക്ലബിന് കഴിഞ്ഞു.