സെന്റ്. മേരീസ് എച്ച്.എസ്.എസ്. തലക്കോട്
| സെന്റ്. മേരീസ് എച്ച്.എസ്.എസ്. തലക്കോട് | |
|---|---|
| വിലാസം | |
തലക്കോട് എറണാകുളം ജില്ല | |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | എറണാകുളം |
| വിദ്യാഭ്യാസ ജില്ല | എറണാകുളം |
| സ്കൂൾ ഭരണ വിഭാഗം | |
| മാദ്ധ്യമം | മലയാളം |
| അവസാനം തിരുത്തിയത് | |
| 23-11-2011 | St.Mary's H.S.S. Thalacode |
എറണാകുളം ജില്ലയില്‍ കണയന്നൂര്‍ വില്ലേജില്‍ പ്രകൃതിരമണീയമായ ഒരു കുന്നിന്റെ മുകളില്‍ സ്ഥിതിചെയ്യുന്ന സരസ്വതി ക്ഷേത്രമാണ് തലക്കോട് സെന്റ് മേരീസ് ഹയര്‍ സെക്കണ്ടറി സ്‌ക്കൂള്‍
വിദ്യാഭ്യാസ സൗകര്യങ്ങള്‍ ഒന്നും ലഭ്യമല്ലാതിരുന്ന ഈ പ്രദേശത്തു ഒന്നും രണ്ടും ക്ലാസ്സുകള്‍ മാത്രമുള്ള ലോവര്‍ പ്രൈമറി സ്‌ക്കൂള്‍ സ്ഥാപിച്ചത് പരേതനായ പി.പി.വര്‍ക്കിയാണ്. കുട്ടികള്‍ കുറവായതുകൊണ്ട് ഈ വിദ്യാലയം നിറുത്തല്‍ ചെയ്യണമെന്ന് പലപ്രാവശ്യം കല്പന പുറപ്പെടുവിച്ചിരുന്ന സാഹചര്യത്തിലാണ് 1956-ല്‍ ഇന്നത്തെ ഈ സ്‌ക്കൂളിന്റെ സ്ഥാപകനായിരുന്ന വെരി.റവ.ഒ.സി.കുര്യാക്കോസ് കോര്‍ എപ്പിസ്‌കോപ്പ ഈ വിദ്യാലയത്തിന്റെ മാനേജ്‌മെന്റ് ഏറ്റെടുത്തത്. ഈ വന്ദ്യപിതാവിന്റെ ആത്മാര്‍ത്ഥവും നിരന്തരവുമായ പരിശ്രമഫലമായി 1960-ല്‍ ലോവര്‍ പ്രൈമറി സ്‌ക്കൂള്‍ അപ്പര്‍ പ്രൈമറി സ്‌ക്കൂള്‍ ആയി. 1964-ല്‍ ഇവിടെ ഹൈസ്‌ക്കൂള്‍ തുടങ്ങിയെങ്കിലും അനുവാദം കിട്ടിയത് ഒരു അണ്‍ എയിഡഡ് ഹൈസ്‌ക്കൂളിനായിരുന്നു. ഈ പ്രദേശത്തെ ജനങ്ങളുടെ പ്രത്യേക പരിതസ്ഥിതി കണക്കിലെടുത്ത് ഈ വന്ദ്യ കോര്‍ എപ്പിസ്‌ക്കോപ്പയുടേയും നാട്ടുകാരുടേയും അക്ഷീണ പരിശ്രമം വഴിയായി 1968-ല്‍ ഇതൊരു എയിഡഡ് ഹൈസ്‌ക്കൂള്‍ ആയി. 1968 മുതല്‍ ഹൈസ്‌ക്കൂള്‍ ആയി പ്രവര്‍ത്തിച്ചിരുന്ന ഈ സ്ഥാപനം 1998-ല്‍ ഒരു ഹയര്‍ സെക്കണ്ടറി സ്‌ക്കൂളായി ഉയര്‍ന്നു. ഹയര്‍ സെക്കണ്ടറി സ്‌ക്കൂള്‍ ആരംഭിച്ചതോടെ സ്‌ക്കൂളിന്റെ മുഖഛായ തന്നെമാറി. പുതിയ കെട്ടിടങ്ങളും എല്ലാ വിഷയങ്ങള്‍ക്കും പ്രത്യേകം പ്രത്യേകം ലബോറട്ടറികളും ആരംഭിച്ചു. നിരവധി പുസ്തകങ്ങള്‍ ഉള്ള വിശാലമായ ഒരു ലൈബ്രറി ഈ സ്‌ക്കൂളില്‍ പ്രവര്‍ത്തിച്ചുവരുന്നു.
സ്‌ക്കൂളിനോട് ചേര്‍ന്ന് നല്ല ഒരു സ്റ്റേഡിയം ഉണ്ട്. തുടര്‍ച്ചയായി ഒന്നാം സ്ഥാനം നേടുന്ന ജൂനിയര്‍, സീനീയര്‍ ആണ്‍കുട്ടികളുടെ ബോള്‍ബാറ്റ്മിന്റണ്‍ ടീമുകള്‍ സ്‌ക്കൂളില്‍ ഉണ്ട്. സംസ്ഥാന തലത്തിലും ദേശീയ തലത്തിലും കുട്ടികള്‍ സമ്മാനങ്ങള്‍ കരസ്ഥമാക്കുന്നു. ഈ സ്‌ക്കൂളിലെ ഒരു സംഘം കുട്ടികള്‍ ചെണ്ടമേളം അഭ്യസിക്കുന്നുണ്ട്. വളരെ ഭംഗിയായ രീതിയില്‍ എല്ലാ ദിനാചരണങ്ങളും ഈ സ്‌ക്കൂളില്‍ നടക്കുന്നുണ്ട്.
ചുരുക്കത്തില്‍ 1956-ല്‍ കേവലം രണ്ടു ക്ലാസ്സുകളും രണ്ട് അദ്ധ്യാപകരുമായി ആരംഭിച്ച ഈ വിദ്യാലയം ഇന്ന് 34 ക്ലാസ്സുകളും 53 അദ്ധ്യാപകരും 7 അനദ്ധ്യാപകരും ജോലി ചെയ്യുന്ന ഒരു സ്ഥാപനമായി വളര്‍ന്നു. ആയിരത്തിമുന്നോറോളം കുട്ടികള്‍ ഇവിടെ പഠിക്കുന്നുണ്ട്. ഈ സ്ഥാപനത്തോട് ചേര്‍ന്ന് എല്‍.കെ.ജി., യു.കെ.ജി. ക്ലാസ്സുകളും പ്രവര്‍ത്തിക്കുന്നു. 2009 മാര്‍ച്ചില്‍ നടന്ന എസ്.എസ്.എല്‍.സി. പരീക്ഷയ്ക്ക് ഈ വിദ്യാലയം 100% വിജയം കൈവരിച്ചു (102/102). ഒരു കുട്ടിയ്ക്ക് എല്ലാ വിഷയങ്ങള്‍ക്കും അ+ ലഭിച്ചു.
യാത്രാ സൗകര്യം ഇല്ല എന്നത് ഈ സ്ഥാപനത്തിന്റെ പുരോഗതിയ്ക്ക് തടസ്സം നില്‍ക്കുന്ന ഒരു പ്രധാന ഘടകമാണ്. മാനേജ്‌മെന്റ് 3 ബസ്സുകള്‍ ഓടിച്ചാണ് ഈ യാത്രാക്ലേശം ഏറെക്കുറെ പരിഹരിക്കുന്നത്. അറുന്നൂറോളം കുട്ടികള്‍ ഈ സ്‌ക്കൂളില്‍ നിന്ന് ഉച്ച ഭക്ഷണം കഴിക്കുന്നുണ്ട്. മാലിന്യ നിര്‍മ്മാര്‍ജ്ജനത്തിനായി ഒരു ബയോഗ്യാസ്പ്ലാന്റ് സ്ഥാപിക്കുക എന്ന ലക്ഷ്യം മാനേജ്‌മെന്റിന്റെ പരിഗണനയില്‍ ഉണ്ട്. കഠിനാദ്ധ്വാനവും ഈശ്വരവിശ്വാസവുമാണ് ഈ സ്ഥാപനത്തിന്റെ വളര്‍ച്ചയ്ക്കു നിദാനമായ പ്രധാന ഘടകം.
ചരിത്രം
ഭൗതികസൗകര്യങ്ങള്‍
പാഠ്യേതര പ്രവര്‍ത്തനങ്ങള്‍
- സ്കൗട്ട് & ഗൈഡ്സ്
- ബാന്റ് ട്രൂപ്പ്
- ക്ലാസ് മാഗസിന്‍
- വിദ്യാരംഗം കലാ സാഹിത്യ വേദി
- ക്ലബ്ബ് പ്രവര്‍ത്തനങ്ങള്‍
മുന്‍ സാരഥികള്‍
സ്കൂളിന്റെ മുന്‍ പ്രധാനാദ്ധ്യാപകര്‍ :
പ്രശസ്തരായ പൂര്‍വവിദ്യാര്‍ത്ഥികള്‍
വഴികാട്ടി
<googlemap version="0.9" lat="9.920916" lon="76.408668" zoom="16"> 9.920704, 76.409011 [സെന്റ്. മേരീസ് എച്ച്.എസ്.എസ്. തലക്കോട് </googlemap> വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
- റോഡില്‍ സ്ഥിതിചെയ്യുന്നു.