സെന്റ് മരിയ ഗോരേത്തി എച്ച്.എസ്. ചേന്നാട്/എന്റെ ഗ്രാമം

ചേന്നാട്വലിയ എഴുത്ത്

            കിഴക്കും പടിഞ്ഞാറുമുള്ള കുന്നുകൾക്കും തെക്ക്

മാളികമുടിക്കും വടക്ക് മണിയംകുളത്തിനുമിടയ്ക്കുള്ള 1090 ഏക്കർ 23 സെന്റ് സ്ഥലമാണ് ചെന്നാട് എന്നറിയപ്പെടുന്നത്. ഈ പ്രദേശം ദേവസ്വം വകയായിരുന്നു. ആദ്യ കുടിയേറ്റക്കാരായ പനച്ചയിൽപണിക്കർ കുടുംബം ഏകദേശം 1000 വർഷം മുമ്പാണ് ഇവിടെയെത്തിയത്. അവർക്കൊപ്പം വന്നവരാണ് മുളംകുന്നത്ത്, ചക്കുങ്കൽ, പുരുഷമണിക്കത്ത് തുടങ്ങിയ നായർ കുടുംബങ്ങൾ. പനതച്ചിയിൽ കുടുംബത്തിന് രാജാവ് കരമൊഴിവായി ധാരാളം സ്ഥലം നൽകുകയും പണിക്കർ സ്ഥാനം നൽകി ആദരിക്കുകയും ചെയ്തു. ഈ കുടുംബത്തിന്റെ ശാഖകളാണ് വടക്കേവീട്ടിൽ, കണ്ടത്താനിക്കൽ തുടങ്ങിയവ. ഇവർക്കുശേഷമാണ് വരകപിള്ളിക്കാരും അവരുടെ ബന്ധുക്കളായ പുതുപ്പള്ളിക്കാരും ഇവിടെയെത്തിയത്. വരകപ്പിള്ളിക്കാർക്കുമാത്രം 950 ഏക്കർ സ്ഥലമുണ്ടായിരുന്നു. ഇവരിൽ നിന്നാണ് ഈ പ്രദേശത്തെ ഭൂരിപക്ഷം കർഷകരും ഭൂമി പാട്ടം-കിളച്ചുപാതി വ്യവസ്ഥയിൽ സ്വന്തമാക്കിയത്. ചേന്നാട്ടെ ആദ്യ കുടിയേറ്റക്കാർ നീണ്ടുക്കുന്നേൽ, തൈലംമാനാൽ, വെള്ളിയാംകുളം, വയലിൽ, ആറ്റുചാലിൽ, അരിമറ്റം, പോർക്കാട്ടിൽ, കളത്തൂർ, കാപ്പിലിപ്പറമ്പിൽ, വെള്ളമുണ്ടയിൽ എന്നീ കുടുംബക്കാരായിരുന്നു.