വൈറസിൻ ശക്തിയാൽ
ജീവനുകൾ നഷ്ടമാകുന്നു
ഒരൊറ്റ നിമിഷത്തിൽ മാറിമറിയുന്നു ജീവിതങ്ങൾ
ദിനങ്ങൾ പിന്നിടുംതോറും
മരണകണക്കുകൾ ഏറുന്നു
എന്നിട്ടും അടങ്ങാതെ നമ്മെ
വേട്ടയാടുന്നു ഈ ദുഷ്ടശക്തി
കോറോണകൾ കോവിടുകളായി
ചുറ്റും പരക്കുമ്പോൾ
മാഞ്ഞു പോകുന്നു രാജ്യത്തിൻ അതിർത്തികൾ
ജാതിയും മതവും
സമ്പന്നരും ദരിദ്രരും ഒന്നായി തീരുന്നു
ആശുപത്രികൾ നിറയുന്നു
ആശങ്കകൾ കൂടുന്നു
കോവിഡിന് തടവറക്കുള്ളിൽ
കൂടപ്പിറപ്പോ കൂട്ടുകാരോ ഇല്ല
നാളുകൾ എത്ര വേണ്ടിവരുമോ ആ പഴയ ജീവിതത്തിലേക്ക്
എത്തിപ്പെടാൻ എന്ന നിശ്ചയമില്ലാതെ കഴിഞ്ഞു കൂടുന്നു
വിറങ്ങലിച്ചു നിൽക്കാതെ
പ്രതീക്ഷയോടെ ജീവിക്കാം
ഒരു നല്ല കാലത്തിന്റെ
വരവിനായി കാത്തിരിക്കാം.
