സെന്റ് ജോൺസ് എച്ച്.എസ്.എസ്. ഉണ്ടൻകോട്/ഗണിത ക്ലബ്ബ്

ഗണിത ക്ലബ്ബ്

നമ്മുടെ സ്കൂളിൽ ഗണിത ക്ലബ്ബ് വളരെ സജീവമായി തന്നെ പ്രവർത്തിച്ചു വരുന്നു. ഗണിതത്തിൽ കുട്ടികൾക്കുള്ള താൽപര്യം  വർദ്ധിപ്പിക്കുക, കുട്ടികളിൽ കണ്ടു വരുന്ന ഗണിതപ്പേടി മാറ്റുക, വിവിധങ്ങളായ പ്രവർത്തനങ്ങളിലൂടെ ഗണിത പഠനം സുഗമമാക്കുക തുടങ്ങിയ ലക്ഷ്യങ്ങളോടെ ക്ലബ്ബ് പ്രവർത്തനങ്ങൾ നടന്നു വരുന്നു.

ഗണിത ക്വിസ്, ഗണിത പസ്സിലുകളുടെ നിർമ്മാണം, ജ്യാമിതീയ പാറ്റേണുകൾ, ജ്യാമിതീയ ചാർട്ടുകളുടെ നിർമ്മിതി ഇവയിലൊക്കെ കുട്ടികൾ വളരെ സജീവമായി പങ്കെടുത്തു വരുന്നു.

കഴിഞ്ഞ വർഷം (2021) ഓണവുമായി ബന്ധപ്പെട്ട് ജ്യാമിതീയ പാറ്റേണുകൾ ഉപയോഗിച്ച് കൊണ്ട് കുട്ടികൾ അത്തപ്പൂക്കളങ്ങൾ തയ്യാറാക്കി.

ഗണിത ക്ലബ്ബിന്റെ കൺവീനർമാരായി ഗണിതാധ്യാപകർ മികച്ച പ്രവർത്തനം കാഴ്ച വയ്ക്കുന്നു. വീട്ടിലിരിക്കുന്ന കുട്ടികൾക്കു വേണ്ടി ഗണിതമൂല വീട്ടിൽ നിർമ്മിക്കുന്ന പ്രവർത്തനം നൽകി.

            ഗണിത ശാസ്ത്ര ക്ലബ്ബിന്റെ ഭാഗമായി വീട്ടിലൊരു ഗണിത ലാബ് എന്ന ആശയത്തിലൂടെ കുട്ടികൾക്കു കണക്കിൽ കൂടുതൽ താൽപര്യം ഉണ്ടാക്കാൻ കഴിഞ്ഞു.കുട്ടികൾക്കായി പ്രോജക്റ്റ് ,ഗണിത ആശയ അവതരണം എന്നിവ ഗണിത അദ്ധ്യാപകരുടെ  നേതൃത്വത്തിൽ മികച്ച രീതിയിൽ നടത്തി വരുന്നു.