കണിക്കൊന്ന
നിരത്തുവക്കിലെ കണിക്കൊന്ന
നട്ടത് എന്റെ അപ്പനാണെങ്കിലും
നിൽപ്പ് നിരത്തുവക്കിൽ ആയതിനാൽ
പൂവിന് അവകാശികൾ പൊതുജനമായിരുന്നു .
അപ്പന്റെ കൂട്ടുകാരൻ ആദ്യമായി അതിന്റെ
കൽത്തറ കാറിടിച്
പഞ്ചറാക്കി ഇടിഞ്ഞിറങ്ങിയ കൽത്തറയിലിരുന്ന് അപ്പനവനെ പൂരം തെറി വിളിച്ചു .
പിന്നെ ,
നിരത്തുപണിക്കാരുടെ ഊഴമായി .
കരിങ്കല്ലും സിമെന്റും പാറപ്പൊടിയും
അകമ്പടിയായി ഒരു ജെ.സി.ബി. യും
കോൺക്രീറ്റ് ഇളക്കിക്കുന്ന വലിയ വയറുള്ള യന്ത്രവും .
അപ്പന്റെ കണിക്കൊന്നയുടെ ചില്ലകൾ വെട്ടി .
അവർ യന്ത്രങ്ങൾ സൗകര്യപൂർവം പാർക്കുചെയ്തു .
കണിക്കൊന്നയിൽ തുമ്പിക്കൈ ചാരിനിൽകുന്ന ജെ.സി.ബി അപ്പന് ഐറണിയായി !
ഇന്നലെ വിഷുവിന് പൊതുജനം
ജെ.സി.ബി യുടെ തുമ്പിക്കൈയിൽ കയറി പൂവിറുത്തു .
ചെറു ചില്ലകൾ നിഷ്കരുണം വലിച്ചൊടിച്ചു . ജനലഴികളിൽപിടിച്ചു അപ്പനതുനോക്കി നിന്നു.
അപ്പന്റെ വിഷുക്കണി പതിവുപോലെ പ്ലിങ്ങായി പകലെല്ലാം തൊട്ടതിനൊക്കെ അപ്പൻ ദേഷ്യപ്പെട്ടു .
അപ്പനിന്നിത്തിരി ഫാസ്റ്റാണെന്ന് സൂപ്പർ ഫാസ്റ്റായ അമ്മ .
അപ്പന്റെ നൊസ്റ്റാൾജിയ അമ്മയ്ക്കറിയില്ലല്ലോ .......
 സാങ്കേതിക പരിശോധന - abhaykallar തീയ്യതി: 29/ 04/ 2020 >> രചനാവിഭാഗം - കഥ
|
